Lucas 12:37 - Mixtec San Juan Colorado

^37-38 Tan sɨɨ xaan cua cuñi ra naha nyehe ra naha tsi ra cuví tsitoho ra naha. Tyin ndatú ra naha tsi ra nda cuanda tsa tsaa ra, vasu ñuu taxin, vasu tsa naha ca. Tan cua tyaa ra tsi ra musu ican naha ra yuhu mesa tan cuhva ra tsa catsi ra naha. Tacan tan sɨɨ xaan cua cuñi musu can naha ra.

Lucas 12:37 Iomraidhean Croise

San Mateo 24:42

Cu̱atu vaha ndo tyin ña tsitó ndo náa hora cua quitsi ra ndacá ñaha tsi ndo.

Lucas 12:36

Tan cu̱vi ndo tumaa musu tsa ndatú tsi tsitoho ra naha náa cuhva quitsi ra tsa cuahán ra iin vico tindaha. Tan ndatú ra naha, tyin tacan tan numi ñi cua nuña ra naha yuvehe cuhva tsa jandatsan tsitoho ra naha tsa tsaa ra.

Lucas 12:43

Tan sɨɨ xaan cuñí musu ican tatun cuhva tsa jahá tyiñu ra, tan cua tsaa tsitoho ra. Tyin tyaá yahvi ra tandɨhɨ tsa taahán tsi ica ra.

Lucas 17:8

Maa tyin tyehen tuhvá ndo caahán tsihin ra: “Ja̱vaha tsa cuxiñi yu. Tan tyi̱hi un tsa catsi yu. Tsa yaha tsa catsi yu, tacan tan catsi tucu maa un”, tacan tuhvá ndo caahán tsihin ra.

Lucas 21:36

Maa tyin nyooho cu̱atu ndo. Nda̱can tahvi ndo tsi Nyoo tandɨhɨ quɨvɨ, na jacacu ra tsi ndo. Tan ña nyehe ndo tandɨhɨ tundoho tsa cua coo. Nda̱can tahvi ndo, tacan tan cua cuvi tsaa ndo nu nyaá yuhu, Rayɨɨ tsa quee̱ nda gloria ―catyí ra Jesús.

Lucas 22:27

Tyin nu ñuhu ñayɨvɨ ihya, ra cuví ityi nuu cuví ra tsa ña jahá tyiñu. Tan nyaá ra yuhu mesa tan musu ra tsahá tsa catsi ra. Maa tyin yuhu, ra cuví ityi nuu cuví yu, tan cuví yu musu ndo.

Juan 12:26

Ndáa nyooho nyɨvɨ cuñí javaha tyiñu nuu yu, naha ndo qu̱itsi nyicun ndo tsi yu. Tan nu cunyaa yu, cunyaa ndɨhɨ nyooho tsa jahá tyiñu tyiñu yu. Tyin nyɨvɨ jahá tyiñu tyiñu yu, cua jacahnu jutu yu tsi ñi.

I Corintios 2:9

Maa tyin cuvi̱ tsi tumaa catyí maa tuhun Nyoo: Yoñi nyehe̱ tan yoñi tsiñi̱ tan tsica̱ iñi tuhun vaha tsa javaha̱ Nyoo tsa cuenda nyɨvɨ cuñí tsi ra, catyí tsi.

Filipenses 1:21

Tyin tsa cuenda yuhu ñayɨvɨ tsa iyó yu vityin, ñayɨvɨ ra Cristo cuví. Maa tyin tatun cúu yu, cua ñihi yu tsa sɨɨ caa tsa iyó gloria.

Filipenses 1:23

Yɨɨ xaan cuñí yu tan quihin yu ndáa ityi cuhun yu tyin tsa cuñí yu cuhun yu cunyaa yu tsihin ra Cristo. Tyin vaha ca yacan.

II San Pedro 1:11

Tacan tan ña yɨɨ cua quɨhvɨ ndo nu ndacá ñaha ra Jesucristo, ra cuví Jutu Mañi yo tan ra jacacú tsi yo. Tan cua coo cuii ndo tsihin ra.

II San Pedro 3:14

Yacan cuenda yañi, tsitsi tsa ndatú yo tsi Jutu Mañi yo, ndu̱cu ndo cuhva coo vaha ndo tsihin Nyoo, tyin tacan tan quɨvɨ quitsi ra, sɨɨ cua cuñi yo tan cua coo taxin añima yo tyin nduve ca cuatyi yo iyó.

El Apocalipsis 14:13

Tacan tan tsiñi̱ yu iin ndusu tsa quee̱ nda andɨvɨ, tan catyí tsi tsihin yu: ―Tya̱a tuhun ihya: “Vityin tan ityi nuu, sɨɨ xaan cua cuvi tsi nyɨvɨ cua cúu tun tsinú iñi ñi tsi Jutu Mañi yo.” Tan catyí Tatyi Ii Nyoo: Nditsa, sɨɨ xaan cua cuvi tsi ñi tyin cua quitatu ñi tan ña cua jaha tyiñu ca ñi. Tan cua coo tsa vaha tsa javahá ñi tsihin ñi.

El Apocalipsis 16:15

Tan catyí ra Cristo: ―Nye̱he ndo tyin tsa vatsí yu tumaa vatsí iin ñasuhu tyin iin ñasuhu sana iñi ndo tan quɨhvɨ́ ra tsitsi vehe ndo tacan yuhu. Sɨɨ xaan cua cuvi tsi nyɨvɨ ndatú quɨvɨ quitsi yu tan tsa iyó vaha jahma ñi tyin quɨvɨ cua tsaa yu ña cua nducahan nuu ñi tyin ña tandɨɨ ñi ―catyí ra Cristo.

El Apocalipsis 3:21

Cua cuhva yu tsa cunyecu ndo tsihin yu nu ndacá ñaha yu tatun cuví jaha canaa ndo tsi nu ña vaha. Tumaa tsa jaha̱ canaa yu tsi nu, tan vityin nyaá yu tsihin Jutu yu nu ndacá ñaha ra.

El Apocalipsis 7:17

Tyin ra Mbee Ticatyi Luhlu tsa nyaá mahñu tyayu can cua jaha cuenda ra tsi ñi, tumaa jahá cuenda yo mbee. Tan cua cundaca ra tsi ñi nu coho ñi ndutya tsa tsahá tsa coo cuii ñi. Tan Nyoo cua nacuhva ra tandɨhɨ ndutya nuu ñi ―catyí ra tsihin yu.