Juan 9:5 - Mixtec San Juan Colorado

⁵ Tsa ndi nyií yu nu ñuhu ñayɨvɨ ihya, ñuhu̱ jandunditsín [cuenda nyɨvɨ iyó] nu ñuhu ñayɨvɨ ihya cuví yu.

Juan 9:5 Iomraidhean Croise

San Mateo 4:16

Nyɨvɨ iyó nu naa, ñi iyó nu iyó tixahñu tuhun tsiihi, nyehé ñi iin ñuhu̱ nditsin tsa jandunditsín nu yucú ñi, catyi̱ ra Isaías.

San Mateo 5:14

’Nyooho cuví ndo tumaa ñuhu̱ tsa jandunditsín nu tsicá nyɨvɨ. Iin ñuu tsa canyií jiñi iin yucu, ña cua cuvi quɨhɨ xeehe tsi.

Lucas 2:32

Tan cua cuvi ra ñuhu̱ tsa cua jandunditsin añima nyɨvɨ tsa ñavin nyɨvɨ Israel cuví. Tan cahnu ca cua jaha ra tsi nyɨvɨ Israel, tsa cuví ndi nyɨvɨ cuenda maa un ―catyí ra Simeón.

Juan 12:46

Yuhu cuví tumaa ñuhu̱ nditsin tan vatsí yu jandunditsín yu nu ñuhu ñayɨvɨ ihya, tyin nyɨvɨ tsinú iñi tsi yu ña cua ndoo ñi nu naa.

Juan 8:12

Tacan tan caha̱n nyico ra Jesús tsihin nyɨvɨ inga tsaha, tan catyí ra tsihin ñi: ―Yuhu cuví ra tsa jandunditsín añima nyɨvɨ iyó nu ñuhu ñayɨvɨ. Yóo nyɨvɨ tsa nyicún tsi yu, cua coo ñi iin ñayɨvɨ nyito nu nditsin. Tan ña cua caca nuu ñi nu naa ―catyí ra Jesús tsihin ñi.

Los Hechos 13:47

Tyin tacan catyi̱ Jutu Mañi yo tsihin ndi tan catyí ra tyehen: Tyaa̱ yu tsi un tumaa iin ñuhu̱ tsa jandunditsín nu iyó nyɨvɨ nanɨɨ cahnu nu ñuhu ñayɨvɨ. Tyin tacan tan cua jacuaha un tsi ñi nácaa jacacu yu tsi ñi, catyí Nyoo.

Los Hechos 26:18

Tan yacan jacuhún yu tsi un tyin nuña un nuu ñi, tan ña caca ca ñi nu naa, tyin cua caca ñi nu nditsin. Tan cua quita ñi ndaha nu ña vaha. Tyin cua tsinu iñi ñi tsi yu tan yuhu cua jaha yu tucahnu iñi cuatyi ñi. Tan cua naquihin ndɨhɨ tucu ñi tsa vaha tsa tsahá Nyoo tsi nyɨvɨ tsa nacuhvá cuenda tsi ñi tsi yu”, catyí Jutu Mañi yo tsihin yu.

Los Hechos 26:23

Tyin catyi̱ ra naha tyin taahán tsi tsa cua nyehe ra Cristo tundoho. Tan tsa yaha̱ tsa cúu ra, cua nandoto ra. Tan jihna ca ra can cua nandoto. Tan cua jandunditsin ra añima nyɨvɨ tyin cua jacoto ra nácaa cua cacu ñi, tahan ñi nyɨvɨ Israel tan nyɨvɨ tsa ñavin nyɨvɨ Israel cuví ―catyí ra Pablo.

Efesios 5:14

Yacan cuenda iyó nu catyí tsi: Ndo̱to yooho tsa quixí un, ndu̱vita mahñu nu yucú ndɨyɨ. Tan ra Cristo cua jandunditsin ra ñuhu̱ nu cuahán un, catyí tsi.

El Apocalipsis 21:23

Ña tsiñí ñuhu tsa jandunditsín ñicanyii ñuu can tan ndi tsa jandunditsín yoo. Tyin juvin ñi maa tsa nditsin Nyoo tan tsa nditsin ra Mbee Ticatyi Luhlu jandunditsín tsitsi ñuu can.