Juan 5:42 - Mixtec San Juan Colorado

⁴² Tyin yuhu tsitó yu tsi ndo tan tsitó yu tyin ña cuñí ndo tsi Nyoo.

Juan 5:42 Iomraidhean Croise

Lucas 16:15

Tacan tan catyí ra Jesús tsihin ra naha: ―Vaha xaan jahá maa ndo tsi ndo nuu nyɨvɨ. Maa tyin tsa tsitó Nyoo tyin ña vaha añima ndo. Tandɨhɨ tsa cahnu cuñí maa nyɨvɨ, Nyoo ña cuñí ra nyehe ra yacan.

Juan 2:25

Ña tsiñiñuhu̱ tsa nacatyi tuhun yo tsihin ra nácaa iyó nyɨvɨ, tyin tsa tsitó maa ra náa iyó tsitsi añima yo.

Juan 21:17

Tan tsinu uñi tsaha tsica̱ tuhun nyico ra tsi ra: ―Simón, sehe ra Jonás, ¿a cuñí un tsi yu? ―catyí ra Jesús tsihin ra. Cuhva tsa tsica̱ tuhun ra tsi ra tsa tsinu uñi tsaha tatun cuñí ra tsi ra, ra Pedro nducuiihya xaan cuñí ra, tan catyí ra tsihin ra: ―Jutu Mañi yu, maa un tsitó nácaa añima yu tan maa un tsitó tyin cuñí yu tsi un ―catyí ra. Tan catyí ra Jesús tsihin ra: ―Ja̱ha cuenda mbee jana yu.

Juan 5:41

’Yuhu ña nducú yu tsa jacahnu nyɨvɨ tsi yu.

Juan 5:43

Yuhu vatsí yu cuenda Jutu yu tan nyooho ña naquihín ndo tsa caahán yu. Maa tyin tatun inga ra cua quitsí tsa cuenda maa ra, ra ican cua tsinu iñi ndo.

Juan 5:44

Nyooho ña cuví tsinu iñi ndo tsi yu tyin cuñí ndo nduvaha ndo nuu nyɨvɨ tahan ndo. Tan ña nducú ndo nduvaha ndo nuu Nyoo, tan intuhun ñi maa ra cuví Nyoo tsa iyó.

Juan 8:42

Tacan tan catyí ra Jesús: ―Tun tsatyin nditsa tyin Nyoo cuví jutu ndo, cua cuñi ndo tsi yu. Tyin yuhu quee̱ yu nu nyaá ra tan tsaa̱ yu ihya. Ña vatsí yu cuenda maa yu, tyin maa Nyoo jaquitsi̱ tsi yu.

Juan 8:47

Nyɨvɨ cuenda Nyoo tyaá soho ñi tuhun caahán ra. Maa tyin nyooho ñavin nyɨvɨ cuenda Nyoo cuví ndo, yacan cuenda ña cuñí ndo tyaa soho ndo tsa caahán yu ―catyí ra Jesús.

Juan 8:55

Maa tyin ña nacotó ndo tsi ra. Tan yuhu, nacotó yu tsi ra. Tun tsatyin catyí yu tyin ña nacotó yu tsi ra, cuví yu iin ra vatya tumaa nyooho. Maa tyin yuhu nditsa tsa nacotó yu tsi ra, tan tyaá yahvi yu tsa caahán ra.

Romanos 8:7

Nyɨvɨ tsa tsicá iñi cuhva cuñí cuñu ñuhu ñi, ñi xaan iñi tsi Nyoo cuví ñi can, tyin ña cuñí ñi javahá ñi cuhva catyí ley ra tan ndi ña cuví javaha ñi can.

I San Juan 2:15

Ña cuñi ndo tsa caquiñi tsa iyó nu ñuhu ñayɨvɨ ihya. Tyin nyɨvɨ cuñí tandɨhɨ yacan, ña cuñí ñi tsi Nyoo Jutu yo.

I San Juan 3:17

Tatun yɨhɨ́ yo tan iyó luxu tsa iyó tsi yo, tan nyehé yo tyin cumañí tsa cumañí tsi inga nyɨvɨ, tan jahá yo tumaa tsa ña nyehé ñi yo, ¿a cuñí yo tsi Nyoo tsa tacan javahá yo? Ña cuñí yo tsi ra.

I San Juan 4:20

Tatun iin nyɨvɨ tan catyí ñi: “Yuhu cuñí yu tsi Nyoo”, tan ndasɨ cuñí ñi nyehé ñi tsi nyɨvɨ tahan ñi, nyɨvɨ vatya cuví ñi. Tyin tatun ndasɨ cuñí yo nyehé yo tsi nyɨvɨ tahan yo tsa tuhvá yo nyehé, ¿nácaa cua cuñi yo tsi Nyoo tsa ña cuví nyehe yo? Ña cua cuvi.

El Apocalipsis 2:23

Tan cua cahñi yu sehe ña. Tacan tan cua coto tandɨhɨ nyɨvɨ tsicá vehe ñuhu, tyin yuhu tsitó yu tandɨhɨ tsa tsicá iñi ñi, tan tandɨhɨ tsa iyó añima ñi. Tan tsa intuhun intuhun nyooho cua cuhva yu tsa taahán tsi tsi ndo tsa cuenda tsa javaha̱ ndo.