Juan 5:11 - Mixtec San Juan Colorado

¹¹ Tan ra tsa nduvaha̱ can nacaha̱n ra tan catyí ra: ―Ra tsa janduvaha̱ tsi yu, catyi̱ ra tsihin yu: “Na̱quihin yuvi un tan ca̱ca un”, catyí ra tsihin yu.

Juan 5:11 Iomraidhean Croise

Juan 5:10

Yacan ra cuví ityi nuu tsihin nyɨvɨ Israel catyí ra naha tsihin ra tsa nduvaha̱ can: ―Quɨvɨ quitatú yo cuví vityin, yacan cuenda ña taahán tsi cuiso un yuvi un ―catyí ra naha tsihin ra.

Juan 5:12

Tacan tan quitsaha̱ tsicá tuhun ra naha tsi ra, tan catyí ra naha: ―¿Yóo ra caha̱n tsihin un tyin naquihin un yuvi un tan caca un? ―catyí ra naha.

Juan 9:12

Tacan tan quitsaha̱ tsicá tuhun ñi tsi ra: ―¿Tan numaa nyií ra can vityin? Tan catyí ra tsihin ñi: ―Ña tsitó yu ―catyí ra.

Juan 9:16

Tacan tan catyí juhva ra fariseo naha ra: ―Ra tsa javaha̱ yacan ñavin cuenda Nyoo cuví ra, tyin ña tyaá yahvi ra quɨvɨ quitatú yo ―catyí ra naha. Maa tyin catyí inga ra naha ―¿Nacaa tsa cuví javaha̱ ra tsa iyo ihya tatun ra iyó cuatyi cuví ra? ―catyí ra naha. Tan sɨɨn sɨɨn tsa caahán ra naha. Tan natahvi̱ sava ra naha.