Juan 4:31 - Mixtec San Juan Colorado

³¹ Tan tsa ndi cumañi ca tsaa ñi nu nyií ra, ra tsicá tsihin ra, jañiñí ra naha tsi ra na catsi ra luxu. Tan catyí ra naha tsihin ra: ―Maestro, ca̱tsi luxu ―catyí ra naha.

Juan 4:31 Iomraidhean Croise

San Mateo 23:7

Tan nu tsicá nuu ra naha cuñí ra naha tyin cuhva nyɨvɨ nacumi tsi ra naha tyin jahá ñi tsa ñayɨvɨ tsi ra naha. Tan cuñí tucu ra naha tsa catyi ñi “maestro” tsihin ra naha.

San Mateo 23:8

’Maa tyin nyooho, ña cu̱hva ndo tsa cahan nyɨvɨ “maestro” tsihin ndo. Tyin intuhun ñi maa ra Cristo cuví maestro tsa nyií tsihin ndo, tan tandɨhɨ ca maa ra naha yañi ndo cuví tsi ra naha.

San Mateo 26:25

Tacan tan nacaha̱n ra Judas, ra tsa xico̱ tsi ra, tan catyí ra: ―Maestro, ¿a yuhu cuví can? Tan nacaha̱n ra Jesús, tan catyí ra: ―Juvin un.

San Mateo 26:49

Tacan tan natuhva̱ ra Judas nu nyaá ra Jesús tan catyí ra: ―Nacumi tsi un, Maestro. Tan tyayuhu̱ ra tsi ra.

Marcos 11:21

Tacan tan tsa nyehe ra Pedro yutun higo can, nducuhu̱n iñi ra tsa javaha̱ ra Jesús tan catyí ra tsihin ra Jesús: ―¡Maestro, jihna! Tsa na ityi̱ yutun tsa caha̱n un ―catyí ra.

Marcos 14:45

Tsa tsaa̱ ra Judas nu nyií ra Jesús natuhva̱ ra nu nyaá ra tan catyí ra tsihin ra: ―Maestro. Tan tyaa̱ yuhu ra tsi ra.

Marcos 9:5

Tacan tan catyí ra Pedro tsihin ra Jesús: ―Maestro, ¡vaha xaan tyin yucú ndi ihya! Cua javaha ndi uñi taahan tyahva; iin tsa cuenda un, iin tsa cuenda ra Moisés, tan iin tsa cuenda ra Elías ―catyí ra Pedro.

Juan 1:38

Tacan tan nanyehe̱ ra Jesús ityi tsata ra, tan nyehe̱ ra tyin nyicún ra naha tsi ra, tan catyí ra: ―¿Náa nanducú ndo? Tacan tan nacaha̱n ra naha tan catyí ra naha: ―Maestro, ¿numaa iyó un?

Juan 1:49

Tacan tan quitsaha̱ catyí ra Natanael: ―Jutu Mañi yu, yooho cuví Sehe Nyoo. Tan juvin un cuví rey cuenda nyuhu tsa cuví yo nyɨvɨ Israel.

Juan 11:8

Tacan tan ra tsicá tsihin ra catyí ra naha tsihin ra: ―Maestro, ñaha ca ndunaha tsa cuñi̱ ra cuví ityi nuu tsihin nyɨvɨ Israel naha ra cahñi ra naha tsi un tsihin yuu. Tan vityin, cuñí nyico un cuhun un inga tsaha ¿Nacuenda?

Juan 3:2

Ra Nicodemo ihya, tsaha̱n ra nu nyií ra Jesús iin tsacuaa. Tan catyí ra tsihin ra: ―Maestro, tsitó ndi tyin Nyoo tava̱ tyiñu tsi un tsa quitsi un jacuaha un tsi ndi. Tyin yoñi nyɨvɨ tan cuví javaha ñi tsa iyo tsa javahá un, tatun nduve Nyoo iyó tsihin ñi ―catyí ra tsihin ra Jesús.

Juan 3:26

Tacan tan cuahán ra naha nu nyií ra Juan. Tan catyí ra naha tsihin ra: ―Maestro, ra tsa tsinyii̱ tsihin un inga tsiyo yutya cahnu Jordán, ra tsa caha̱n un tuhun tsihin ndi, vityin jacoondutyá ndɨhɨ ra tsi nyɨvɨ tan tandɨhɨ nyɨvɨ nyicún tsi ra ―catyí ra naha tsihin ra.

Juan 4:30

Tacan tan quita̱ nyɨvɨ ñuu can tan cuahán ñi cua nyehe ñi nu nyií ra Jesús.

Juan 4:32

Maa tyin catyí ra Jesús tsihin ra naha: ―Yuhu iyó iin tsa tsatsí yu tan nyooho ña tsitó ndo náa cuví can ―catyí ra tsihin ra naha.

Juan 6:25

Tsa tsaa̱ ñi inga tsiyo miñi can, nañihi̱ ñi tsi ra Jesús. Tan tsica̱ tuhun ñi tsi ra: ―Maestro, ¿náa cuhva tsaa̱ un ihya? ―catyí ñi tsihin ra.

Juan 9:2

Tan quitsaha̱ tsicá tuhun ra tsicá tsihin ra tsi ra: ―Maestro, ¿nacuvi tyin cuaa ra ihya cacu̱ ra? ¿A tsa cuenda cuatyi jutu ra tan sɨhɨ ra, o tsa cuenda cuatyi maa ra? ―catyí ra naha tsihin ra.