Juan 21:5 - Mixtec San Juan Colorado

⁵ Tacan tan catyí ra tsihin ra naha: ―Nyooho ra cuatyi, ¿a ñaha ca ñihi ndo tyaca? Tan nacaha̱n ra naha tan catyí ra naha: ―Ñaha ca ñihi ndi.

Juan 21:5 Iomraidhean Croise

San Mateo 14:15

Tan tsa cuñí cuaa̱, tacan tan natuhva̱ ra tsicá tsihin ra Jesús nu nyaá ra, tan catyí ra naha tsihin ra: ―Tsa cueñi xaan, tan yoñi nyɨvɨ iyó yatyin ñi ihya. Yacan cuenda vaha ca ca̱han un tsihin nyɨvɨ ihya na cunuhu ñi nda ñuu cujata ñi tsa catsi ñi ―catyí ra naha tsihin ra Jesús.

Marcos 8:7

Tan ndahá tucu ra naha juhva tyaca nyihi. Tsaha̱ ndɨhɨ ra Jesús tyahvi nyoo tsi Nyoo tsa cuenda can, tacan tan tsaha̱ ra can tsi ra naha tyin tsatsa ra naha tsi nyɨvɨ.

Filipenses 4:19

Tan Nyoo cua cuhva ra tandɨhɨ tsa tsiñí ñuhu tsi ndo. Tan tandɨhɨ tsa cuca tsa iyó tsi ra Cristo nda gloria tandɨhɨ yacan tan cua cuhva ra tsi ndo.

Hebreos 13:5

Ña ca̱ca iñi ndo nácaa javaha ndo tan cuvi coo cuaha ca xuhun tsi ndo. Ndo̱o ndo vaha tsihin tsa iyó tsi ndo, tyin catyí Nyoo tyehen: “Tandɨhɨ ñi tsaha nyaá yu tsihin un, tan ña cua nacoo ihñi maa yu tsi un”, catyí ra.

I San Juan 2:13

Nyooho tsa tsa tsahnu̱ tsihin tuhun Nyoo, tyaá yu carta ihya tsa cuenda ndo, tyin nacotó ndo tsi ra iyó nda ndi cumañi ca tsinu ñuhu ñayɨvɨ. Tan tyaá tucu yu itsi tsa cuenda nyooho ra tsa ndi cuahan cutuñí vaha iñi tuhun ra Cristo tyin jaha̱ canaa ndo tan ndi jahá canaa ca ndo tsi nu ña vaha. Tan tyaá tucu yu itsi tsa cuenda nyooho, tsa ndi nacuhva̱ cuenda tsi ndo tsi Nyoo, tyin nacotó ndo tsi Nyoo Jutu yo.

I San Juan 2:18

Nyooho, tsa cuví ndo tumaa sehe yu, co̱to ndo tyin tsa cua ndɨhɨ quɨvɨ. Tan nyooho tsiñi̱ ndo tyin vatsí nyɨvɨ tsa ña cuñí nyehe tsi ra Cristo, tan vityin tsa nducuahá xaan ñi. Tan tsa tacan tsa iyó cuaha ñi. Tsihin yacan nacotó yo tyin tsa taha̱n tsi cundɨhɨ quɨvɨ.