Juan 20:2 - Mixtec San Juan Colorado

² Tacan tan tsinú xaan ña cuahán ña nu nyií ra Simón Pedro tan inga ra tsica̱ tsihin ra Jesús, ra tsa cuñí xaan ra Jesús. Tan catyí ña tsihin ra naha: ―Quihi̱n nyɨvɨ cuñu ñuhu Jutu Mañi yo tsitsi ñaña, tan ña tsitó yo nu maa tsindaca̱ ñi itsi ―catyí ña María tsihin ra Pedro tan tsihin inga ra can.

Juan 20:2 Iomraidhean Croise

Juan 13:23

Iin ra tsicá tsihin ra Jesús nyanaá ra tsi ra nu nyaá ra cuxiñí ra. Tan ra ican cuví ra tsa cuñí xaan ra Jesús.

Juan 19:26

Tan nanyehe̱ ra Jesús tsi sɨhɨ ra, nyáá ña yatyin ñi. Tan nanyehe̱ tucu ra tsi ra tsa tsica̱ tsihin ra, ra tsa cuñí xaan ra. Tan catyí ra tsihin sɨhɨ ra: ―Miya, va ra sehe un nyáá tsihin un juvin ―catyí ra.

Juan 20:13

Tan tsica̱ tuhun ra ángel can naha ra tsi ña tan catyí ra naha: ―¿Nacuvi tsacú xaan un? Tan catyí ña: ―Tsacú maa yu tyin quihi̱n nyɨvɨ tsi Jutu Mañi yu, tan ña tsitó yu nu maa tinyií ñi tsi ra ―catyí ña tsihin ángel can.

Juan 20:15

Tacan tan tsica̱ tuhun ra Jesús tsi ña: ―¿Nacuenda tsacú un? ¿Yóo nanducú un? ―catyí ra tsihin ña. Cuñí maa ña tyin ra jahá cuenda cora yutun tata can cuví ra. Tan catyí ña: ―Tatta, tatun yooho quihi̱n tsi ra Jesús, ca̱han tsihin yu nu maa tsindaca̱ un tsi ra, tyin cunaquihin yu tsi ra ―catyí ña tsihin ra.

Juan 20:9

Tyin tsa jihna, ña cutuñí iñi ra naha tsa caahán nu tutu Nyoo, tyin ra Jesús cuñí tsi tsa nandoto ra tsa yaha cúu ra.

Juan 21:20

Tacan tan natsico̱ coo ra Pedro tan nyehe̱ ra tyin nyicún inga ra tsa tsica̱ tsihin ra Jesús tsi ra naha, ra tsa cuñí xaan ra Jesús. Juvin ra tsinyanaa̱ tsi ra Jesús tsa cuxiñi̱ ra quɨvɨ can. Tan tsica̱ tuhun ra tsi ra tan catyí ra: “Jutu Mañi yu, ¿yóo ra cua xico tsi un?” catyi̱ ra, tsica̱ tuhun ra quɨvɨ tsa ndi cumañi ca cúu ra Jesús.

Juan 21:24

Yuhu cuví ra can, ra tsa caha̱n ra Jesús tuhun. Tan nyehe̱ yu tandɨhɨ cuii maa tsa cuvi̱ tan tyaa̱ yu nu libru ihya. Yuhu tsitó yu tyin tandɨhɨ tsa tyaa̱ yu, tsa nditsa caahán tsi.

Juan 21:7

Tan ra tsa cuñí xaan ra Jesús catyí ra tsihin ra Pedro: ―¡Jutu Mañi yo cuví ra! ―catyí ra tsihin ra Pedro. Tsa tsiñi̱ ra Simón Pedro tyin Jutu Mañi yo cuví ra, tsinditsi̱ ra jahma ra, tyin tava̱ ra can tsa cua tɨɨn ra tyaca, tan quɨhvɨ ra cuahán ra tsitsi ndutya can.