Juan 19:4 - Mixtec San Juan Colorado

⁴ Tacan tan quita̱ nyico ra Pilato inga tsaha tan catyí ra tsihin ra naha: ―Nye̱he ndo tyin cua tava yu tsi ra ityi nuu ndo tyin nyehe ndo tyin ndi iin cuatyi ra ña nañihí yu ―catyí ra Pilato tsihin ra naha.

Juan 19:4 Iomraidhean Croise

San Mateo 27:19

Tsitsi tsa nyaá ra Pilato nu tyayu ra, nu jahá tyiñu ra, jacuhu̱n ñasɨɨhɨ ra tyiñu tsi ra tan catyí ña: “Ña tyi̱hi un tsi un tsihin ra vaha can. Tyin cuñi nyehe̱ yu ñumaahna tsa cuenda ra. Tan jayuhvi̱ xaan tsi tsi yu”, catyí ña.

San Mateo 27:24

Tsa nyehe̱ ra Pilato tyin ña cuvi̱ jaha ra tsi nyɨvɨ, tyin ñihi xaan cuvaá jahá ñi. Tacan tan tsica̱n ra ndutya, tan nacatya̱ ra ndaha ra nuu nyɨvɨ can, tan catyí ra: ―Ña cua ndoo cuatyi tsa cua cúu ra vaha ihya sɨquɨ yuhu, tyin sɨquɨ nyooho cua ndoo cuatyi can.

San Mateo 27:4

Tan catyí ra: ―Tsicoo̱ cuatyi yu, tyin tsaha̱ cuenda yu tsi iin ra nduve cuatyi na cúu ra. Tan nacaha̱n ra naha tan catyí ra naha: ―¿Nacuenda nyuhu? ¡Nye̱he maa yooho!

San Mateo 27:54

Tacan tan ra capitán tan ra andaru tsa jahá cuenda tsi ra Jesús, nayuhvi̱ xaan ra naha tsa taa̱n, tan tsa nyehe̱ ra naha inga ca tsa cuvi̱. Tan catyí ra naha: ―Nditsa nditsa cuii, tyin Sehe Nyoo cuví tsi ra ihya.

Lucas 23:4

Tacan tan catyí ra Pilato tsihin ra jutu tsa cuví ityi nuu naha ra, tan tsihin nyɨvɨ: ―Nduve cuatyi ra ihya ―catyí ra tsihin ñi.

Lucas 23:41

Maa yo nyehé yo tundoho maa tyin iyó cuatyi yo. Tan ra ihya nduve cuatyi ra iyó ―catyí ra can.

Lucas 23:47

Tan ra cuví capitán cuenda andaru can naha ra, nyehe̱ ra tandɨhɨ tsa cuvi̱. Tan jacahnu̱ ra tsi Nyoo, tan catyí ra: ―Nduve tsa cuii cuatyi ra ihya tsicoo̱ ―catyí ra.

Juan 18:33

Yaha̱ can tan quɨhvɨ̱ nyico ra Pilato tsitsi vehe tyiñu can inga tsaha. Tan cana̱ ra tsi ra Jesús tan tsica̱ tuhun ra tsi ra: ―¿A yooho cuví rey cuenda nyɨvɨ Israel? ―catyí ra tsihin ra.

Juan 18:38

Tan catyí ra Pilato tsihin ra: ―¿Tan náa cuví tsa nditsa? ―catyí ra. Tsa yaha̱ tsa tsica̱ tuhun ra Pilato yacan, quita̱ ra tsicaha̱n nyico ra tsihin ra Israel naha ra inga tsaha tan catyí ra: ―Yuhu ña nañihi maa yu ndi intuhun cuatyi ra ihya.

Juan 19:6

Cuhva tsa nanyehé ra cuví ityi nuu tsihin jutu naha ra tan ra vitya naha ra tsi ra, quitsaha̱ caná tsaa ra naha tan catyí ra naha: ―¡Tya̱a tsi ra nu cruu na cúu ra! ―catyí ra naha. Maa tyin catyí ra Pilato tsihin ra naha: ―Qu̱ihin ndo tsi ra tan ca̱hñi maa ndo tsi ra nu cruu tyin yuhu ndi intuhun cuatyi ra tan ña nañihí yu.

II Corintios 5:21

Ra Cristo ña javaha̱ ra ndi intuhun cuatyi. Maa tyin Nyoo jaquitsi̱ ra tsi ra nu ñuhu ñayɨvɨ ihya; quitsi̱ cúu ra tsa cuenda tandɨhɨ cuatyi yo. Tyin tacan tan cuví jacacu ra tsi yo, tan tsa cuenda ra Cristo, nduvaha̱ yo jahá tsa vaha Nyoo.

Hebreos 7:26

Ra Jesús cuví jutu tsaahnu cuví ityi nuu tsa tsiñiñuhú tsi yo tyin ii ra, tan ña javahá ra tsa caquiñi, tan nduve cuatyi ra iyó tan quita̱ tsiyo ra nu iyó nyɨvɨ iyó cuatyi tan nandaa̱ ra ityi sɨquɨ andɨvɨ.

I San Pedro 1:19

tyin tyahvi̱ ra tsihin nɨñɨ ra Cristo, tan yacan cuví tsa yahvi xaan ca. Ra Cristo cuví ra tumaa iin mbee ticatyi luhlu tsa ña pehe [tsa tuhvá nyɨvɨ Israel jamañí nuu Nyoo], tan tsihi̱ ra vasu ndi maa nduve cuatyi ra.

I San Pedro 2:22

Ra Cristo ndi intuhun cuatyi ña javaha̱ ra. Tan ndi iin tsaha tan ña jandavi̱ ñaha ra tsi nyɨvɨ.

I San Pedro 3:18

Tyin ra Cristo nyehe̱ ra tundoho tan tsihi̱ ra iin tsaha ñi tsa cuenda cuatyin tandɨhɨ yo. Ra vaha cuví ra maa tyin nyehe̱ ra tundoho tan tsihi̱ ra tsa cuenda yo tsa cuví yo nyɨvɨ caquiñi, tyin tacan tan cuvi tsaa yo nu nyaá Nyoo. Tsihi̱ cuñu ñuhu ra, maa tyin nandoto̱ nyico ra tsihin Tatyi Ii ra.

I San Juan 3:5

Nyooho tsa tsitó tyin ra Cristo quitsi̱ ra nu ñuhu ñayɨvɨ ihya tyin quinyaa̱ ra cuatyi yo, tan tsitó tucu ndo tyin maa ra nduve cuatyi ra.