Juan 19:3 - Mixtec San Juan Colorado

³ Tacan tan natuhva̱ ra naha nu nyáá ra tan caahán nyaa ra naha tsi ra, tan catyí ra naha: ―¡Nacumi tsi un yooho Rey cuenda nyɨvɨ Israel! ―catyí ra naha, tan cañí ra naha nuu ra.

Juan 19:3 Iomraidhean Croise

San Mateo 26:49

Tacan tan natuhva̱ ra Judas nu nyaá ra Jesús tan catyí ra: ―Nacumi tsi un, Maestro. Tan tyayuhu̱ ra tsi ra.

San Mateo 27:29

Tan tyihi̱ ra naha iin corona tsa tsinu̱ tsihin iñu jiñi ra. Tan tsaha̱ ra naha iin yutun tatun na cundaha ra tsihin ndaha cuaha ra. Tacan tan tsicuɨñɨ̱ tsɨtɨ ra naha nuu ra, tan tsacu̱ nducu ra naha tsi ra tan catyí ra naha: ―¡Nacumi tsi un, yooho Rey cuenda nyɨvɨ Israel!

Marcos 15:18

Tsa yaha̱ yacan tan quitsaha̱ caná tsaa ra naha tsata ra tan tsacú nducu ra naha tsi ra, tan catyí ra naha: ―¡Nacumi tsi un, yooho Rey nyɨvɨ Israel! ―catyí ra naha.

Lucas 1:28

Tan quɨhvɨ̱ ángel ican nu iyó ña María. Tan catyí ra tsihin ña: ―Nacumi tsi un, María. Ñihí un tumañi iñi nuu Nyoo. Maa ra iyó tsihin un. Tan nasocó xaan ca ra tsi un tan ñavin ca tandɨhɨ ca ñaha ―catyí ángel ican tsihin ña.

Juan 18:22

Cuhva tsa caahán ra Jesús yacan, tan iin vitya vehe ñuhu tsa yucu ican, cañi̱ ra iin tsiyo nuu ra Jesús tan catyí ra: ―¿A tacan taahán tsi nacahan un nu caahán ra jutu tsaahnu cuví ityi nuu? ―catyí ra tsihin ra Jesús.

Juan 18:33

Yaha̱ can tan quɨhvɨ̱ nyico ra Pilato tsitsi vehe tyiñu can inga tsaha. Tan cana̱ ra tsi ra Jesús tan tsica̱ tuhun ra tsi ra: ―¿A yooho cuví rey cuenda nyɨvɨ Israel? ―catyí ra tsihin ra.