Juan 15:25 - Mixtec San Juan Colorado

²⁵ Maa tyin tandɨhɨ yacan cuvi̱, tyin cuñí tsi cundaa tumaa cuhva caahán nu tutu ley tsa jacuahá ñi tsa caahán tyehen: “Nduve vihi náa tsaha, tan ndasɨ cuñi̱ ñi nyehe ñi tsi yu”, catyí tsi.

Juan 15:25 Iomraidhean Croise

San Mateo 10:8

Ja̱nduvaha ndo tsi nyɨvɨ cuuhví, nyɨvɨ ndohó cuehe tyaahyú, tan nyɨvɨ yɨhɨ́ inga cuehe tsi. Ja̱nandoto ndo ndɨyɨ. Ta̱va ndo tatyi ña vaha yɨhɨ́ tsi nyɨvɨ. Tyin nyooho naquihín ndo tunyee iñi ihya tsa cuatu ñi, ja̱nduvaha ndo nyɨvɨ tsihin tsi, tan ña ndacan ndo xuhun tsi ñi.

Lucas 24:44

Tan catyí ra tsihin ra naha: ―Tandɨhɨ tsa taha̱n yu, yacan cuví tsa catyi̱ yu tsihin ndo quɨvɨ can. Tan catyi̱ yu tsihin ndo tyin tacan cua cuvi, tumaa cuhva nyaá tuhun tsa tyaa̱ ra Moisés tan ra cuvi̱ ndusu yuhu Nyoo tan tsihin tsa nyaá nu libru salmo ―catyí ra tsihin ra naha.

Juan 10:34

Tacan tan catyí ra Jesús tsihin ra naha: ―Nu tutu Nyoo nyaá tyin Nyoo catyí ra: “Nyooho nyoo cuví ndo”, catyí Nyoo.

Juan 13:18

’Ñavin tsa cuenda tandɨhɨ ndo caahán yu. Yuhu tsitó maa yu yóo nacatsi̱ yu. Maa tyin cuñí tsi tsa cuvi tumaa caahán tuhun Nyoo tyehen: “Ra tsa tsatsi̱ paan tsihin yu, juvin ra cua xico ñaha tsi yu tsi nu xaan iñi tsi yu”, catyí tsi nu tutu Nyoo.

Juan 19:36

Tacan cuvi̱ tyin tacan tan cundaa tsa catyí tuhun Nyoo nu catyí tsi: “Ndi intuhun yɨquɨ ra tan ña tahnu.”

Romanos 3:19

Tsitó yo tyin tandɨhɨ tsa caahán ley Nyoo tsa tyaa̱ ra Moisés, cuví tsi tsa cuenda nyɨvɨ tsa yɨhɨ̱ ndaha ley can, tyin tacan tan ña cuvi catyi ñi tyin nduve cuatyi ñi iyó. Maa tyin coto tandɨhɨ nyɨvɨ iyó nu ñuhu ñayɨvɨ tyin cua tatsi tuñi Nyoo tsi ñi tsa cuenda cuatyi ñi.

Romanos 3:24

Maa tyin tsahá maa ra tsa vaha ra tsi yo, tan yacan jahá tsa naquihin cuenda ra tsi yo tumaa tsatyin vaha yo, tyin tsa yaha̱ tyahvi̱ ra Cristo Jesús tsa cuenda cuatyi yo. Tan yacan cuenda ña tsicán ca ra yahvi tsi yo.

II Corintios 11:7

¿O cuñí maa ndo tyin ña vaha javaha̱ yu tsa ña quihi̱n yu yahvi quɨvɨ caha̱n yu tuhun tsa jacacú Nyoo tsi yo tsihin ndo? Tacan javaha̱ yu tyin tacan tan ña cahnu xaan jaha ndo tsi yu tan nducahnu maa ndo nuu Nyoo.

Gálatas 2:21

Ña cuñí yuhu tyaa tsiyo yu tunyee iñi tsa tsaha̱ Nyoo tsi yo. Tyin tun tsatyin cuví cacu yo jaha ley tsahnu, nduve nacatyi tsihi̱ ra Cristo.

II Tesalonicenses 3:8

Tan tandɨhɨ tsa tsatsi̱ ndi, maa ñi maa tyahvi̱ ndi tsi ndo. Tyin jaha̱ tyiñu ndi tsinu cahñi tan tsacuaa tyin ña cuñi̱ ndi tsa coso tundoho can sɨquɨ ndi intuhun ndo.

El Apocalipsis 21:6

Tsa yaha̱ caha̱n ra yacan tan catyí tucu ra: ―Tsa iyó vaha tandɨhɨ vityin. Yuhu cuví ra jihna ñi, tan yuhu cuví ra cua coo nu cua ndɨhɨ quɨvɨ: tumaa letra A cuví tsi letra jihna ñi tan tumaa letra Z cuví tsi letra nu ndɨhɨ ña. Nyɨvɨ tsa na ityi iñi cua cuhva yu ndutya coho ñi; tuhun ihya cuñí tsi catyi: Ñi cuñí tyaa soho tuhun yu, cua cuhva yu ñayɨvɨ tsa ña cua naa maa coo ñi, tan nduve yahvi tsi cua coo.

El Apocalipsis 22:17

Tatyi Ii Nyoo tan nyɨvɨ yɨhɨ́ cuenda ra, ñi tsa cuví tumaa ñasɨɨhɨ ra Mbee Ticatyi Luhlu, catyí ñi tyehen: ―Na̱ha ñi, Jutu Mañi yu ―catyí ñi. Tan nyɨvɨ tsa tsiñí tuhun ihya, na catyi ndɨhɨ ñi: ―Na̱ha. Tan nyɨvɨ na ityi iñi tan tandɨhɨ nyɨvɨ cuñí quitsi, na quitsi ñi tan coho ñi ndutya tsa tsahá tsa coo nyito añima yo, tan nduve náa cua tyahvi ñi.