Juan 14:28 - Mixtec San Juan Colorado

²⁸ Tsiñi̱ ndo tsa caha̱n yu nu catyi̱ yu tyin cua cuhun yu tan cua quitsi nyico yu nu yucú ndo. Tatun cuñí ndo tsi yu, cua cusɨɨ iñi ndo tyin catyí yu tyin cuahan yu nu nyaá Jutu yu. Tyin cahnu ca cuví Jutu yu tan ñavin ca maa yu.

Juan 14:28 Iomraidhean Croise

San Mateo 12:18

Ra ihya cuví musu yu, ra tsa nacatsi̱ vaha yu. Cuñí xaan yu tsi ra, tan sɨɨ xaan cuñí yu tsihin ra. Cua cuhva yu Tatyi Ii yu tsi ra. Tan cua jacoto ra tsi nyɨvɨ tsa ñavin nyɨvɨ Israel cuví, nácaa cua janduvaha yu tsi ñi nuu yu.

Juan 10:38

Maa tyin tatun javahá yu, vasu ña cua tsinu iñi ndo tsi yu, maa tyin tsi̱nu iñi ndo tyiñu javahá yu. Tacan tan coto catsi ndo tyin Nyoo Jutu yu iin ñi cuví ra tsihin yu. Tan iin ñi cuví yu tsihin Nyoo Jutu yu ―catyí ra Jesús.

Juan 13:16

Tsa nditsa catyí yu tsihin ndo tyin ndi iin musu tan ña cahnu ca cuví ra tan ñavin ca tsitoho ra. Tan ndi iin ra tsa cuahán tyiñu, tan ña cahnu ca cuví ra tan ñavin ca ra tsa tava̱ tyiñu tsi ra.

Juan 14:12

Tsa nditsa caahán yu tsihin ndo tyin nyɨvɨ tsinú iñi tsi yu, cua javaha ndɨhɨ ñi tsa javahá yu. Tan cahnu ca tsa cua javaha ñi, tyin yuhu cuhun yu nu nyaá Nyoo Jutu yu.

Juan 14:18

Ña cua nacoo cuii yu tsi ndo. Cua quitsi nyico yu nu yucú ndo.

Juan 16:7

Caahán yu tsa nditsa tsihin ndo tyin vaha ca tsa cuhun yu cuenda tsa vaha tsi maa ndo. Tyin tatun ña cuhun yu, ña cua quitsi Tatyi Ii tsa cua cuhva tunyee iñi tsi ndo. Maa tyin tatun cuhun yu, cua jaquitsi yu tsi ra.

Juan 20:17

Tan catyí ra Jesús tsihin ña: ―Ña tɨ̱ɨn un tsi yu, tyin ñaha ca cuhun yu nu nyaá Jutu yu. Maa tyin cu̱aahan tan ca̱han un tsihin tandɨhɨ yañi yu tyin cuahan yu nu nyaá Jutu yu, tan juvin ñi Jutu ndɨhɨ ndo cuví tsi ra. Cuahan yu nu nyaá Nyoo yu, tan juvin ñi Nyoo ndo cuví tsi ra ―catyí ra Jesús tsihin ña.

Juan 20:21

Tan catyí nyico ra Jesús inga tsaha tsihin ra naha: ―Na coo tsa taxin añima ndo. Tumaa tsa tava̱ Jutu yu tyiñu tsi yu, tacan tavá nyico tucu yuhu tyiñu tsi nyooho ―catyí ra tsihin ra naha.

Juan 5:18

Tan tsa cuenda tsa caha̱n ra yacan, xaan ca cuñí ra Israel can naha ra. Tan ñihi ca cuñí ra naha cahñi ra naha tsi ra tyin cuñí maa ra naha tyin ña jahá ra Jesús tsa cahnu cuví quɨvɨ quitatú nyɨvɨ, tan inga tucu tuhun, iin ñi cuví ra tsihin Nyoo jahá ra tsi ra tyin catyí ra tyin jutu ra cuví tsi Nyoo.

Juan 7:33

Tacan tan catyí ra Jesús: ―Juhva cuii ña quɨvɨ cua cunyaa yu tsihin ndo. Yaha̱ can tan cuacunuhu yu nu nyaá ra tsa jaquitsi̱ tsi yu.

I Corintios 11:3

Maa tyin cuñí yu tsa coto ndo tyin ra Cristo cuví jiñi tsihin intuhun intuhun rayɨɨ tyin juvin ra cuví ityi nuu tsihin ra, tan rayɨɨ cuví jiñi tsihin ñasɨɨhɨ ra, tumaa cuví Nyoo jiñi tsihin ra Cristo.

I San Pedro 1:8

Nyooho cuñí ndo tsi ra Jesucristo vasu ña nyehé ndo tsi ra. Tan tsinú iñi ndo tsi ra vasu ña nyehé ndo tsi ra vityin. Tan sɨɨ xaan sɨɨ xaan cuñí ndo nda cuanda ña cuví ñihi ndo cuhva catyí ndo najava cuhva tsa sɨɨ cuñí ndo,

El Apocalipsis 1:11

Tan catyí tsi tsihin yu tyehen: ―Yooho, Juan. Yuhu cuví ra jihna ñi, tan yuhu cua coo nu cua ndɨhɨ quɨvɨ. Tya̱a nu iin tutu tandɨhɨ tsa cua nyehe un. Tan ja̱cuhun itsi vehe ñuhu tsa utsa ñuu tsa cayucú ityi Asia: vehe ñuhu ñuu Éfeso, vehe ñuhu ñuu Esmirna, vehe ñuhu ñuu Pérgamo, vehe ñuhu ñuu Tiatira, vehe ñuhu ñuu Sardis, vehe ñuhu ñuu Filadelfia, tan vehe ñuhu ñuu Laodicea ―catyí ndusu can tsihin yu.