Juan 13:5 - Mixtec San Juan Colorado

⁵ Tacan tan tyihi̱ ra ndutya tsitsi iin tsicoho tan quitsaha̱ nacatyá ra tsaha ra tsicá tsihin ra. Tan jana ityi̱ ra tsaha ra naha tsihin toalla can.

Juan 13:5 Iomraidhean Croise

Lucas 7:38

Tan tsinyaa̱ ña yatyin ñi tsaha ra. Tan quitsaha̱ tsacú ña tyin ndu uví iñi ña cuatyi ña. Tan cuún ndutya nuu ña. Tan tsihin ndutya nuu ña nacatyá ña tsaha ra Jesús. Yaha̱ can tan jana ityi̱ ña tsaha ra tsihin ixi jiñi ña. Tan tyayuhu̱ ña tsaha ra. Tacan tan tyoso̱ ña ndutya tami ican tsata tsaha ra.

Lucas 7:44

Tacan tan nanyehe̱ ra Jesús tsi ñaha ican, tan catyí ra tsihin ra Simón: ―¿A nyehé un tsi ñaha ihya? Yuhu quɨhvɨ̱ yu tsitsi vehe un, tan ña tsaha̱ un ndutya tsa ndoo tsaha yu tumaa cuhva tsa iyó yo. Tan ñaha ihya nacatya̱ ña tsaha yu tsihin ndutya nuu ña. Tan jana ityi̱ ña tsihin ixi jiñi ña.

Juan 13:10

Maa tyin catyí ra Jesús tsihin ra: ―Nyɨvɨ tsa ndi tsityi̱, ña cuñí tsi tsa ndoo nanɨɨ cahnu cuñu ñuhu ñi. Tsaha ña ñi cuñí tsi ndoo, tyin tsa ndoo maa nanɨɨ ñi. Nyooho tsa ndoo̱ maa ndo, vasu ña tandɨhɨ ndo ndoo̱ ―catyí ra Jesús.

Juan 13:6

Tan tsa cua nacatya ra tsaha ra Simón Pedro tan catyí ra Simón tsihin ra: ―Jutu Mañi yu, ¿a yooho cua nacatya tsaha yu?

Juan 13:8

Maa tyin ra Pedro catyí ra tsihin ra: ―Ndi iin tsaha tan ña cua cuhva yu nacatya un tsaha yu. Tan catyí ra Jesús tsihin ra: ―Tatun ña cua nacatya yu tsaha un, ñavin ca cuenda yu cua cuvi un.

Juan 19:34

Maa tyin iin andaru can tutsi̱ ra yoco xaan yɨquɨ naha ra Jesús. Tan quita̱ nɨñɨ tan ndutya.

Los Hechos 22:16

Tan vityin, ña cuatu ca un. Ndu̱vita tan co̱ondutya un. Tan nda̱can tahvi un tsi Jutu Mañi yo tyin na jaha ra tucahnu iñi cuatyi un” catyi̱ ra Ananías tsihin yu ―catyí ra Pablo tsihin ñi.

I Corintios 6:11

Tyin tacan javaha̱ juhva nyooho. Maa tyin tsa ndatsi̱ cuatyi ndo tan ndu ii̱ ndo tan nduvaha̱ ndo nuu Nyoo jaha̱ Jutu Mañi yo Jesucristo tan Tatyi Ii Nyoo.

Efesios 5:26

Tacan javaha̱ ra tan jandundɨɨ́ ra añima yo tsihin tuhun caahán ra tsa cuví tumaa ndutya, tan nacatya̱ ra tsi yo quɨvɨ tsa natsinu̱ iñi yo tsi ra.

I Timoteo 5:10

Tan tatun tsitó vaha nyɨvɨ tsi ñi tsa cuenda tsa vaha tsa javahá ñi; tan jacuahnu̱ vaha ñi sehe ñi, tan tsaha̱ ñi tsa catsi nyɨvɨ tsaá yuvehe ñi, tan jahá tyiñu ñi tyiñu nyɨvɨ yɨhɨ́ cuenda Nyoo tsihin tsa nɨɨ iñi añima ñi, tan jatyinyee̱ ñi tsi nyɨvɨ nyehé tundoho. Tun tacan javaha̱ ñi tandɨhɨ tsa vaha, cuví cunyaa sɨvɨ ñi.

Hebreos 10:22

Yacan cuenda cuñí tsi nanducu yo tsi Nyoo tsihin tsa nditsa tan tsihin tsa nɨɨ iñi añima yo tsinú iñi yo tsi ra. Tyin maa ra janduvaha̱ añima yo, yacan cuenda tsitó yo tyin nduve ca cuenda yo nyaá tsi ra tsa cuenda cuatyi yo, tan tumaa tsa nacatya̱ ra cuñu ñuhu yo tsihin ndutya cuii, tan nduvaha̱ yo nuu Nyoo.

I San Juan 1:7

Maa tyin tatun iyó yo nu nditsin, tumaa tsa iyó maa Nyoo nu nditsin, tacan tan iin ñi cuví yo tsihin nyɨvɨ yɨhɨ́ tuhun Nyoo tsihin yo, tan nacatyá ra Jesucristo Sehe Nyoo tandɨhɨ cuatyi yo tsihin nɨñɨ ra.

I San Juan 5:6

Ra Jesucristo quitsi̱ ra nu ñuhu ñayɨvɨ ihya. Tan tsa tsicoondutya̱ ra tsihin ndutya tan tsa tsatɨ̱ nɨñɨ ra janahá tyin Sehe Nyoo cuví tsi ra. Ñavin tsa tsicoondutya̱ ñi ra. tyin nda cuanda tsa tsatɨ̱ nɨñɨ ra. Tan juvin ñi maa Tatyi Ii Nyoo cuví tsandaa tyin tacan cuvi̱. Tan Tatyi Ii Nyoo ña jandaví ñaha tsi.

El Apocalipsis 1:5

Tan na̱quihin tucu ndo tsa vaha jahá ra Jesucristo. Tyin ra ican cuví ra tsandaa tan tsa nditsa. Juvin ra cuví ra tsa nandoto̱ tsa jihna ñi. Tan ndacá ñaha ra tsi ra cuví rey tsa iyó nu ñuhu ñayɨvɨ ihya naha ra. Tan cuñí xaan ra tsi yo, tan nacatya̱ ra tsi yo tsihin nɨñɨ ra.

El Apocalipsis 7:14

Tan catyí yu tsihin ra: ―Maa un tsitó, tata. Tan catyí ra tsihin yu: ―Nyɨvɨ ihya cuví ñi nyehe̱ tundoho cahnu. Maa tyin nacatya̱ ñi jahma ñi tsihin nɨñɨ ra Mbee Ticatyi Luhlu tan nducuitsi̱n tsi.