Juan 12:35 - Mixtec San Juan Colorado

³⁵ Tacan tan catyí ra Jesús tsihin ñi: ―Ñuhu̱ tsa jandunditsín nu nyecú ndo, juhva ña quɨvɨ iyó tsi. Ca̱ca ndo ityi nu nditsin tsitsi tsa ndi iyó tsa nditsin. Coto sana iñi ndo tan ndunaa. Tyin nyɨvɨ tsicá nu naa ña tsitó ñi nu maa cuahán ñi.

Juan 12:35 Iomraidhean Croise

Lucas 18:37

Tan catyí tuhun nyɨvɨ tsihin ra tyin ra Jesús, ra ñuu Nazaret, vatsí.

Juan 11:10

Maa tyin tatun tsacuaa tsicá nuu ra, cuvi nduva ihñi ra tyin nduve ñuhu̱ Nyoo jandunditsín nu cuahan ra.

Juan 11:9

Tan catyí ra Jesús: ―¿A ñavin utsi uvi hora iyó tsa iin quɨvɨ? Tyin tatun tsinu cahñi tsicá nuu iin ra, ña cua nduva ra tyin nditsin nyehé ra ñuhu̱ tsa jandunditsín nu ñuhu ñayɨvɨ ihya.

Juan 12:36

Tsi̱nu iñi ndo tsi yuhu ra cuví ñuhu̱ nditsin, tsitsi tsa ndi nyií yu tsihin ndo. Tacan tan cuví ndo nyɨvɨ iyó nu nditsin. Tsa yaha̱ caha̱n ra Jesús tacan tan jatsiyo̱ ñi ra tsi ra nuu ñi.

Juan 12:46

Yuhu cuví tumaa ñuhu̱ nditsin tan vatsí yu jandunditsín yu nu ñuhu ñayɨvɨ ihya, tyin nyɨvɨ tsinú iñi tsi yu ña cua ndoo ñi nu naa.

Juan 16:16

’Ña naha cuii ca tan ña cua nyehe ca ndo tsi yu, maa tyin yaha can tan cua nyehe nyico ndo tsi yu, tyin yuhu cua cuhun yu nu nyaá Jutu yu ―catyí ra Jesús.

Juan 7:33

Tacan tan catyí ra Jesús: ―Juhva cuii ña quɨvɨ cua cunyaa yu tsihin ndo. Yaha̱ can tan cuacunuhu yu nu nyaá ra tsa jaquitsi̱ tsi yu.

Juan 8:12

Tacan tan caha̱n nyico ra Jesús tsihin nyɨvɨ inga tsaha, tan catyí ra tsihin ñi: ―Yuhu cuví ra tsa jandunditsín añima nyɨvɨ iyó nu ñuhu ñayɨvɨ. Yóo nyɨvɨ tsa nyicún tsi yu, cua coo ñi iin ñayɨvɨ nyito nu nditsin. Tan ña cua caca nuu ñi nu naa ―catyí ra Jesús tsihin ñi.

II Corintios 3:14

Quɨvɨ can ña cutuñi̱ iñi ñi. Nda cuanda vityin tan ña cutuñí iñi ñi. Tyin tatun cahví ñi ley tsahnu ña cutuñi iñi ñi itsi tyin ndasɨ́ tsa tsiñi tuñi jiñi ñi tumaa tsindasɨ̱ nuu ra Moisés quɨvɨ can. Yoñi maa cuví jatsiyo yacan tyin intuhun ñi maa ra Cristo cuví jatsiyo can.

Gálatas 6:10

Yacan cuenda tandɨhɨ ñi tsaha tsa cuvi javaha yo tsa vaha, na javaha yo itsi tsihin tandɨhɨ ñi nyɨvɨ. Tan tsa jihna ñi taahán tsi ja̱vaha yo tsa vaha tsihin nyɨvɨ yɨhɨ́ cuenda Nyoo.

Efesios 5:8

Nyooho tsicoo̱ ndo nu naa quɨvɨ can. Tan vityin ña taahán ca tsi coo ndo nu naa tyin Jutu Mañi yo tsa tava̱ ra tsi ndo nu nditsin. Yacan cuenda taahán tsi javaha ndo tumaa cuñí maa Nyoo.