Juan 10:33 - Mixtec San Juan Colorado

³³ Tan catyí ra cuví ityi nuu tsihin nyɨvɨ Israel can naha ra: ―Ñavin tsa cuenda tsa vaha javaha̱ un cua cañi ndi tsi un tsihin yuu, cua cañi ndi tsi un tsa cuenda tyin tsicoo̱ cuatyi un nuu Nyoo tsihin tsa caahán un. Tyin iin rayɨɨ ñi cuví un, tan jahá un tumaa tsa Nyoo cuví un ―catyí ra naha tsihin ra.

Juan 10:33 Iomraidhean Croise

Juan 10:24

Tan tsinu nduvi ra cuví ityi nuu tsihin nyɨvɨ Israel naha ra tsi ra Jesús. Tan quitsaha̱ tsicá tuhun ra naha tsi ra: ―¿Ama cua cahan catsi un tsihin ndi tatun juvin un cuví ra Cristo ra tsa jaquitsi̱ Nyoo? Ca̱han catsi tsihin ndi vityin ihya ―catyí ra naha.

Juan 10:30

Yuhu tan Nyoo Jutu yu, iin ñi cuví ndi ―catyí ra Jesús.

Juan 10:32

Tan catyí ra Jesús tsihin ra naha: ―Cuaha xaan tsa vaha javaha̱ yu nuu ndo tsihin tunyee iñi Jutu yu. ¿Tan ndáa tsa ña taahán iñi ndo tyin cua cañi ndo tsi yu tsihin yuu? ―catyí ra Jesús tsihin ra naha.

Juan 19:7

Maa tyin nacaha̱n ra Israel can naha ra tan catyí ra naha: ―Iyó iin ley tsi ndi, tan cuhva catyí ley ndi, cuñí tsi tsa cúu ra tyin jahá ra tsa Sehe Nyoo cuví tsi ra ―catyí ra naha.

Juan 5:18

Tan tsa cuenda tsa caha̱n ra yacan, xaan ca cuñí ra Israel can naha ra. Tan ñihi ca cuñí ra naha cahñi ra naha tsi ra tyin cuñí maa ra naha tyin ña jahá ra Jesús tsa cahnu cuví quɨvɨ quitatú nyɨvɨ, tan inga tucu tuhun, iin ñi cuví ra tsihin Nyoo jahá ra tsi ra tyin catyí ra tyin jutu ra cuví tsi Nyoo.

Romanos 13:1

Tandɨhɨ nyɨvɨ cuñí tsi tsa tyaa yahvi ñi tsi ra cumi tyiñu cuenda ra ndacá ñaha naha ra. Tyin tandɨhɨ maa ra cumí tyiñu tan Nyoo tsaha̱ tyiñu can tsi ra naha. Ra cumí tyiñu tsa iyó, maa Nyoo tsaha̱ tsi ra naha tsa cuví ra naha tyiñu.

Filipenses 2:6

Tyin nu quitsi̱ tsi tsanaha tsa ndi cumañi ca quitsi ra nu ñuhu ñayɨvɨ, cuví ra tahan ñi maa cuví Nyoo. Maa tyin ña tsica̱ iñi ra tsa nacoo ra yacan.