Juan 1:51 - Mixtec San Juan Colorado

⁵¹ Tan catyí ra Jesús tsihin ra naha: ―Tsa nditsa catyí yu tsihin ndo tyin nyooho cua nyehe ndo cua nuña andɨvɨ tan cuaha xaan ángel Nyoo cua ndaa, tan cua nuu ra naha sɨquɨ yuhu Rayɨɨ tsa quee̱ nda gloria ―catyí ra Jesús tsihin ra naha.

Juan 1:51 Iomraidhean Croise

San Mateo 25:31

’Quɨvɨ cua quitsi nyico yuhu Rayɨɨ tsa quee̱ nda gloria, cua quitsi yu tsihin cuaha ángel cuenda yu. Tan cua cunyaa yu tyayu sɨɨ caá tan cua cundaca ñaha yu.

San Mateo 26:24

Yuhu, Rayɨɨ tsa quee̱ nda gloria, cua tahan yu tumaa tsa caahán nu tutu Nyoo. Maa tyin ndahvi ra ndaahvi tsa cua xico tsi yu. Vaha vihi ca tun tsatyin ña cacu̱ ra ―catyí ra Jesús.

San Mateo 3:16

Tsa yaha̱ tsicoondutya̱ ra Jesús tan quita̱ ra tsitsi ndutya. Tan nuña̱ andɨvɨ, tan ra Jesús nyehe̱ ra vatsí nuú Tatyi Ii Nyoo, tumaa iin paloma. Tan tsaa̱ tsi sɨquɨ ra.

San Mateo 4:11

Tacan tan cuahán nu ña vaha, tan ndoo̱ ra Jesús. Tan tsaa̱ ángel tan jatyinyee̱ ra naha tsi ra.

San Mateo 8:20

Tan ra Jesús catyí ra tsihin ra: ―Ñacuii iyó vehe tɨ. Tan saa iyó taca tɨ. Maa tyin yuhu Rayɨɨ tsa quee̱ nda gloria, nduve nu maa cunyanaa luxu jiñi yu iyó ―catyí ra.

San Mateo 9:6

Vityin cua janaha yu tsi ndo tyin yuhu Rayɨɨ tsa quee̱ nda gloria, iyó ndatu tsi yu nu ñuhu ñayɨvɨ ihya tyin jaha yu tucahnu iñi cuatyi ndo ―catyí ra Jesús. Tacan tan catyí ra tsihin ra cuuhví can: ―Ndu̱vita, na̱quihin tsito un tan cu̱anuhu nda yuvehe un ―catyí ra.

Marcos 1:10

Tsa quita̱ ra Jesús tsitsi ndutya tsa yaha̱ tsicoondutya̱ ra, nuña̱ andɨvɨ tan nyehe̱ ra vatsí nuú Tatyi Ii Nyoo sɨquɨ ra tan caá tsi tumaa caá iin paloma.

Marcos 14:62

Tan ra Jesús catyí ra tsihin ra: ―Juvin. Nyooho cua nyehe ndo tsi yuhu, Rayɨɨ tsa quee̱ nda gloria, nyaá yu xiin cuaha Nyoo, ra iyó tandɨhɨ tunyee iñi, tan cua nyehe tucu ndo nu quitsi yu nu vico ityi andɨvɨ ―catyí ra tsihin ra.

Lucas 2:13

Tan juvin ñi cuhva ican quituvi̱ cuaha xaan ángel tsihin ángel can, tan jacahnú xaan ra naha tsi Nyoo, tan catyí ra naha:

Lucas 2:9

Tan sana iñi ra naha quituvi̱ iin ángel Nyoo. Tan jandunditsi̱n Jutu yo Nyoo tanɨɨ cahnu nu yucú ra naha. Tan nayuhvi̱ xaan ra naha.

Lucas 22:43

Tacan tan quituvi̱ iin ángel Nyoo, tyin cuhva ra tunyee iñi tsi ra Jesús.

Lucas 22:69

Maa tyin vityin tan ityi nuu ca, Rayɨɨ tsa quee̱ nda gloria cua cunyaa ra xiin cuaha Nyoo, ra tsa iyó tandɨhɨ tunyee iñi ―catyí ra Jesús.

Lucas 24:4

Tan yucú ñi tsihin tsa yuuhví ñi. Tan ña tsitó ñi náa cua javaha ñi. Tan sana iñi ñi quituvi̱ uvi taahan rayɨɨ nuu ñi. Tan xiñu xaan jahma nditsí ra naha.

Lucas 3:21

Tsa ndi cumañi ca cuhun ra Juan vehe caa tan jacoondutya̱ ra tsi tandɨhɨ nyɨvɨ. Tan jacoondutya̱ ndɨhɨ ra tsi ra Jesús. Tsa yaha̱ tsicoondutya̱ ra, tsica̱n tahvi ra tsi Nyoo, tacan tan nuña̱ andɨvɨ.

Juan 1:50

Tan catyí ra Jesús tsihin ra Natanael: ―¿A tsinú iñi un tsi yu tsa cuenda tyin catyí yu tyin nyehe̱ yu tsi un tsaha yutun higo? Maa tyin nahnu ca tsa cua nyehe un tan ñavin ca yacan ―catyí ra tsihin ra.

Juan 10:1

’Caahán nyico ra Jesús tan catyí ra: ―Tsa nditsa catyí yu tsihin ndo, tatun iin ra cua quɨhvɨ tsitsi cora mbee ticatyi, tan ñavin yuhu cora quɨhvɨ́ ra, ra ican cuví ñasuhu.

Juan 10:7

Tacan tan catyí ra Jesús tsihin nyɨvɨ inga tsaha: ―Tsa nditsa catyí yu tsihin ndo, yuhu cuví tumaa iin yuhu cora nu quɨhvɨ́ nyɨvɨ yɨhɨ cuenda yu tan cuví ñi tumaa mbee ticatyi jana yu.

Juan 13:16

Tsa nditsa catyí yu tsihin ndo tyin ndi iin musu tan ña cahnu ca cuví ra tan ñavin ca tsitoho ra. Tan ndi iin ra tsa cuahán tyiñu, tan ña cahnu ca cuví ra tan ñavin ca ra tsa tava̱ tyiñu tsi ra.

Juan 13:38

Tan nacaha̱n ra Jesús tan catyí ra: ―¿A nditsa tsa cuhva un ñayɨvɨ un tsa cuenda yu? Tsa nditsa catyí yu tsihin un, tyin tsa ndi cumañi ca vacu tsaa tsitooho, yooho cua cahan un uñi tsaha tyin ña nacotó un tsi yu ―catyí ra Jesús tsihin ra Pedro.

Juan 14:12

Tsa nditsa caahán yu tsihin ndo tyin nyɨvɨ tsinú iñi tsi yu, cua javaha ndɨhɨ ñi tsa javahá yu. Tan cahnu ca tsa cua javaha ñi, tyin yuhu cuhun yu nu nyaá Nyoo Jutu yu.

Juan 16:20

Tsa nditsa caahán yu tsihin ndo tyin nyooho cua nducuiihya iñi ndo tan cua vacu ndo, maa tyin nyɨvɨ cuenda nu ñuhu ñayɨvɨ cua cusɨɨ iñi ñi. Vasu cuiihya cuñí ndo vityin, tucuiihya iñi can cua nanduvi tsi tsa sɨɨ.

Juan 16:23

’Quɨvɨ can nduve ca tsa cua ndaca tuhun ndo tsi yu. Tsa nditsa caahán yu tsihin ndo tyin Nyoo Jutu yu cua cuhva ra tandɨhɨ tsa ndacan ndo tsi ra tsihin sɨvɨ yu.

Juan 21:18

Tsa nditsa caahán yu tsihin un tyin tsa ndi tyuvaa un tsinditsi̱ maa un jahma un tan cuahán maa un nu cuñí un cuhun un. Maa tyin tatun tsa tsahnu un, cua janacaa un ndaha un tan inga ra cua jacunditsi jahma un tsi un. Tan cua cundaca ra tsi un nu ña cuñí un cuhun un ―catyí ra Jesús tsihin ra Pedro.

Juan 3:3

Tacan tan catyí ra Jesús tsihin ra: ―Tsa nditsa catyí yu tsihin un tyin tatun ña cua nacacu tsaa nyɨvɨ inga tsaha, ña cua cuvi nyehe ñi nu ndacá ñaha Nyoo ―catyí ra.

Juan 3:5

Nacaha̱n ra Jesús tan catyí ra: ―Tsa nditsa catyí yu tsihin un tyin ñavin tsihin tsa cacu nyɨvɨ tsihin cuñu ñuhu ñi tan cuví quɨhvɨ ñi nu ndacá ñaha Nyoo. Maa tyin ñiñi xaan cuñí tsi nacacu tsaa ñi tsihin Tatyi Ii Nyoo.

Juan 5:19

Tacan tan catyí ra Jesús tsihin ra naha: ―Tsa nditsa caahán yu tsihin ndo tyin yuhu, Sehe Nyoo cuví tsi yu, tan nduve tsa javahá yu tsa maa ñi maa yu. Tyin javahá yu tsa nyehé yu javahá Jutu yu. Tandɨhɨ tsa javahá Jutu yu tan javahá tucu maa yu.

Juan 5:27

Tan tsaha̱ tucu Nyoo ndatu tsi yu tsa jandaa yu cuatyi nyɨvɨ, tyin Rayɨɨ quee̱ nda gloria cuví yu.

Juan 6:26

Maa tyin catyí ra Jesús tsihin ñi: ―Tsa nditsa catyí yu tsihin ndo tyin nyooho nanducú ndo tsi yu maa tyin ñavin cuenda tsa nyehe̱ ndo tsa iyo tsa javaha̱ yu. Nanducú ndo tsi yu tyin tsatsi̱ ndo tan ndaha iñi ndo.

Juan 6:32

Tan nacaha̱n ra Jesús tan catyí ra: ―Tsa nditsa caahán yu tsihin ndo. Ñavin ra Moisés tsaha̱ paan tsa quee̱ andɨvɨ tsatsi̱ ñi, tyin maa Nyoo Jutu yu cuví ra tsahá paan nditsa tsa quee̱ andɨvɨ.

Juan 6:47

Tsa nditsa catyí yu tsihin ndo tyin nyɨvɨ tsa tsinú iñi tsa caahán yu tsa iyó ñi ñayɨvɨ nyito tsa ña cua naa maa.

Juan 6:53

Tan catyí ra Jesús: ―Tsa nditsa catyí yu tsihin ndo, tyin yuhu cuví Rayɨɨ tsa quee̱ nda gloria, tan tatun nyooho tan ña cua catsi ndo cuñu ñuhu yu, tan ña coho ndo nɨñɨ yu, ña cuvi coo ndo ñayɨvɨ nyitó.

Juan 8:34

Tan catyí ra Jesús: ―Tsa nditsa catyí yu tsihin ndo tyin tandɨhɨ nyɨvɨ javahá tsa caquiñi, musu cuenda tsa caquiñi cuví ñi.

Juan 8:51

Tsa nditsa catyí yu tyin nyɨvɨ tsa tyaá yahvi tsa caahán yu ña cua tsaa tuhun tsiihí añima ñi ―catyí ra Jesús tsihin ra naha.

Juan 8:58

Tan nacaha̱n ra Jesús tan catyí ra: ―Tsa nditsa catyí yu tsihin ndo tyin nda ndi cumañi ca coo ra Abraham tan tsa iyó maa yuhu ―catyí ra Jesús tsihin ra naha.

Los Hechos 10:11

Tan nyehe̱ ra tyin ticohó andɨvɨ. Tan nyehe̱ ra andɨvɨ tyin vatsí nuú iin jahma cahnu xaan ityi nu ñuhu. Tan tandɨhɨ tsa cumí tutun tsi nuuhñi nuuhñi ñi.

Los Hechos 7:56

Tacan tan catyí ra Esteban: ―¡Ji̱hna ndo! Nyehé yu andɨvɨ tan ticohó tsi. Tan nyehé yu tsi ra Jesús, Rayɨɨ tsa quee̱ nda gloria, nyaá nyityi ra xiin cuaha Nyoo ―catyí ra Esteban.

II Tesalonicenses 1:7

Tan nyooho tsa nyehé xaan tundoho jahá nyɨvɨ, cua cuhva ra quitatu ndo iin caa ñi tsihin ndi quɨvɨ cua quitsi nyico Jutu Mañi yo Jesucristo tsa quee ra andɨvɨ tsihin ñuhu̱ tan tsihin ángel tsa iyó tunyee iñi maa ra.

II Tesalonicenses 1:9

Ñi ican cua janyehe Nyoo tundoho tan ña cua cundɨhɨ maa tsa nyehe ñi tundoho, ña cua nyehe ñi tsi Jutu Mañi yo Jesucristo tan ña cua nyehe ñi tsa cahnu cuví ra tsihin tunyee iñi tsa iyó tsi ra

I Timoteo 3:16

Tsa nditsa tyin yaha xaan cahnu cuví tuhun xeehe tsa jaquituvi̱ Nyoo, tyin coo yo tumaa iyó maa ra: Nyoo nanduvi̱ ra rayɨɨ tan tsicoo̱ ra, tsicoo̱ cuñu ñuhu ra tumaa tsa iyó cuñu ñuhu maa yo. Tan catyí Tatyi Ii Nyoo tyin ra nduve cuatyi cuví ra. Tan nyehe̱ ra cuví ángel naha ra tsi ra. Tanɨɨ cahnu nu ñuhu ñayɨvɨ caahán nyɨvɨ tuhun ra. Tan tsinú iñi nyɨvɨ tsi ra tanɨɨ cahnu nu ñuhu ñayɨvɨ. Tan cuanuhu̱ ra nda gloria.

Hebreos 1:14

Tandɨhɨ ángel, tatyi cuví ra naha. Tava̱ tyiñu Nyoo tsi ra naha tsa caca ra naha tyiñu ra tan jatyinyee ra naha tsi nyɨvɨ tsa cua cacu.

San Judas 1:14

Tuhun ra can naha ra caha̱n ra Enoc taha̱n tsanaha. Ra Enoc tsa tsinu utsa tsa cuví tata ra Adán. Caha̱n ra tuhun tsa tsaha̱ maa Nyoo tsi ra, tan catyi̱ ra: “Nyehe̱ yu nu vatsí Jutu Mañi yo tan cuenda mil ángel ra vatsí tsihin ra

El Apocalipsis 19:11

Tacan tan nyehe̱ yu ticohó andɨvɨ. Tacan tan quituvi̱ iin cuayu cuitsin. Tan ra yosó tsi tɨ nañí ra Ra Nditsa Tsa Nɨɨ Iñi Jahá Tyiñu Tyiñu Nyoo. Tyin tsihin tsa ndaa jacutuñí ra tsi nyɨvɨ, tan ndaa javahá ra tsa cañí tahan ra.

El Apocalipsis 4:1

Tsa yaha̱ can, tan nyehe̱ yu ticoho iin yuvehe nda andɨvɨ. Tan tsiñi̱ yu ndusu tsa caahán jihna tsihin yu, ndusu tumaa ndusu trompeta, tan catyí tsi tsihin yu: ―Nda̱a nyehe tan janaha yu tsi un tsa cua cuvi nu cuahán ca tsi ―catyí ndusu can tsihin yu.