Juan 1:30 - Mixtec San Juan Colorado

³⁰ Tuhun ra caha̱n yu quɨvɨ catyi̱ yu tsihin ndo tyin ityi tsata yu vatsí inga ra tsa cahnu ca cuví tan ñavin ca maa yu, tyin tsa iyó maa ra tan tsicoo̱ yu.

Juan 1:30 Iomraidhean Croise

San Mateo 3:11

Tsa nditsa tyin yuhu jacoondutyá yu tsi nyɨvɨ tsihin ndutya, tan cuví tsi iin seña tyin tsa ndu uvi̱ iñi ñi cuatyi ñi. Maa tyin tsa yaha jacoondutya yu tsi ñi tsihin ndutya, vatsí inga ra cua jacoondutya tsi ñi tsihin Tatyi Ii Nyoo tan tsihin ñuhu̱ ihñi. Iyó ca tunyee iñi Nyoo tsi maa ra tan ñavin ca yuhu. Tan ndi tsa cuiso yu nditsan ra tan nduve yahvi nyaá yu, tyin maa ra cahnu ca cuví ra.

Lucas 3:16

Maa tyin ra Juan catyí ra tsihin tandɨhɨ ñi: ―Tsa nditsa tyin jacoondutyá yu tsi ndo tsihin ndutya. Maa tyin vatsí inga ra tsa cahnu ca cuví, tan iyó ca tunyee iñi Nyoo tsi ra tan ñavin ca yuhu. Yacan cuenda ña taahán tsi tsi yu ndi tsa cuvi yu musu ra tan ndatsi yu ñɨɨ nditsan ra. Tan ra ican cua jacoondutya ra tsi ndo tsihin Tatyi Ii Nyoo, tan tsihin ñuhu̱ ihñi.

Juan 1:15

Tan ra Juan can caha̱n ra tumañi iñi tsa cuenda ra, tan catyí ra: ―Juvin ra ihya cuví ra tsa caha̱n yu tuhun quɨvɨ can, tyin ra tsa vatsí ityi tsata yu, cahnu ca cuví ra tan ñavin ca maa yu. Tyin nda quɨvɨ cacu̱ yu tan tsa iyó maa ra ―catyí ra Juan.

Juan 1:27

Tan cahnu ca cuví ra can tan ñavin ca yuhu. Ña cahnu cuví yuhu ndi tsa cuví yu musu ra tan cuvi ndatsi yu ñɨɨ nditsan ra ―catyí ra Juan.

Juan 1:31

Ndi yuhu tan ña nacoto̱ yu tsi ra quɨvɨ can. Maa tyin vityin vatsí yu jacoondutyá yu tsihin ndutya tyin tacan tan nacoto nyɨvɨ Israel ñuu yu tsi ra ―catyí ra Juan.

Juan 10:41

Cuaha nyɨvɨ tsaha̱n tsinyehe̱ tsi ra, tan catyí ñi: ―Nditsa, vasu ndi intuhun tsa iyo ña javaha̱ ra Juan, maa tyin tandɨhɨ tsa caha̱n ra cuenda ra ihya tan nditsa ―catyí ñi.