Gálatas 1:5 - Mixtec San Juan Colorado

⁵ Yacan cuenda na jacahnu yo tsi maa Nyoo tacan ñi maa. Tan na cuvi tsi tacan.

Gálatas 1:5 Iomraidhean Croise

San Mateo 28:20

Tan ja̱cuaha ndo tsi ñi na tyaa yahvi ñi tandɨhɨ tsa catyi̱ yu tyin javaha ndo. Tan co̱to ndo tyin yuhu cunyaa yu tsihin ndo tandɨhɨ quɨvɨ nda cuanda naa ñayɨvɨ ―catyí ra Jesucristo tsihin ra tava̱ tyiñu ra. Tan na cuvi tsi tacan ñi.

San Mateo 6:13

Ña cuhva un tsa nducu cuhva nu ña vaha tsi ndi, coto javaha ndi cuatyi nuu un. Tyin maa un cuví ra jacacú tsi ndi ndaha nu ña vaha. Tan maa un cuví ra ndacá ñaha tsi ndi. Tan iyó tandɨhɨ tunyee iñi tsi un. Tan taahán tsi tyin jacahnu tandɨhɨ nyɨvɨ tsi maa ñi un tandɨhɨ maa quɨvɨ tan na ña cundɨhɨ tsi. Na cuvi tsi tacan ñi. Tyehen taahán tsi ndacan tahvi ndo tsi Nyoo.

Lucas 2:14

Cahnu xaan cuví Nyoo, ra nyaá gloria. Tan nu ñuhu ñayɨvɨ, na coo tsa vaha añima nyɨvɨ tsa ñihí tumañi iñi Nyoo, catyí ra ángel naha ra.

Romanos 11:36

Tyin tandɨhɨ maa tsa iyó, maa Nyoo javaha̱ itsi, tan iyó tsi tsa cuenda ra. ¡Na jacahnu yo tsi Nyoo tacan ñi maa! Tan na cuvi tsi tacan.

Romanos 16:27

Intuhun ñi maa Nyoo iyó, tan iyó xaan tsa tsiñi tuñi tsi ra. Tan na ña jandɨhɨ yo tsa jacahnú yo tsi ra tsa cuenda ra Jesucristo. Tan na cuvi tsi tacan ñi.

I Corintios 8:13

Yacan cuenda tatun janacava yu tsi iin yañi yo nuu cuatyi tsihin tsa tsatsí yu nyayu, vaha ca tsa ña cua catsi ca yu nyayu ndi sava ca quɨvɨ, tyin ña cuñí yu tsa janacava yu tsi yañi yo nuu cuatyi.

Efesios 1:12

Javaha̱ ra tyehen tyin nyuhu tsa natsinu̱ jihna iñi tsi ra Cristo jacahnu ndi tsi Nyoo tsa cuenda tsa cahnu cuví ra.

Filipenses 4:20

Na jacahnu yo tsi Nyoo Jutu yo tacan ñi maa. Tan na cuvi tsi tacan ñi.

I Timoteo 1:17

Yacan cuenda na jacahnu yo tsi ra yɨhɨ́ ndaha tsi yo tandɨhɨ ñi quɨvɨ, ra nduve tuhun tsiihí iyó tsi, ra ña cuví nyehe yo, ra tsa intuhun ñi maa cuví Nyoo tan tsitó ra tandɨhɨ. Na cuvi tsi tacan.

II Timoteo 4:18

Tan maa Nyoo cua jacacu tsi yu ndaha tandɨhɨ tsa ña vaha. Tan cua jaha cuenda ra tsi yu tsa cuenda tsa cua naquihin vaha ra tsi yu, tan cua cunyaa yu tsihin ra nu ndacá ñaha ra nda gloria. Tan taahán tsi jacahnu yo tsi ra tandɨhɨ ñi tyembu. Tan na cuvi tsi tacan.

Hebreos 13:21

Tandɨhɨ tsa cuñí Nyoo javahá ra tsihin tandɨhɨ yo, maa ra Jesucristo javahá can jahá ra. Tan na javaha ra tsihin yo tsa cuñí ra javaha ra. ¡Na jacahnu yo tsi ra Cristo yoso cuahán quɨvɨ! ¡Na cuvi tsi tacan ñi!

I San Pedro 5:11

Na jacahnu yo tsi ra tan na cundaca ñaha maa ra tacan ñi maa. Tan na cuvi tsi tacan.

II San Pedro 3:18

Maa tyin cuñí tucu tsi nacoto vaha ca ndo tsi Jutu Mañi yo ra Jesucristo, ra jacacú tsi yo. Tan cu̱ahnu ca ndo tsihin tsa vaha ra tsa tsahá ra tsi yo. Na jacahnu yo tsi ra vityin tan tacan ñi maa. Tan na cuvi tsi tacan ñi.

El Apocalipsis 14:7

Tan ñihi xaan caha̱n ra tan catyí ra: ―Na̱yuhvi ndo tsi Nyoo, tan ja̱cahnu ndo tsi ra. Tyin tsa taha̱n tsi cuhva tsa cua cutuñi nyɨvɨ. Ja̱cahnu ndo tsi ra javaha̱ andɨvɨ tan ñuhu ñayɨvɨ, tan ndutya ñuhu tan ndohyo ―catyí ángel can.

El Apocalipsis 5:12

Tan ñihi caahán ángel can naha ra, tan catyí ra naha: Ra Mbee Ticatyi Luhlu tsa tsahñi̱ nyɨvɨ, juvin ra taahán tsi cundaca ñaha, tan naquihin cuenda tsa cuca. Tan juvin ñi ra taahán tsi naquihin cuenda tsa tsiñi tuñi tan tandɨhɨ tunyee iñi. Na jacahnu yo tsi ra tan na jacahnu tandɨhɨ nyɨvɨ tan tandɨhɨ tsa iyó tsi ra, tyin cahnu xaan cuví ra, catyí ángel can naha ra.

El Apocalipsis 7:12

Tan catyí ra naha: Tyehen taahán tsi jacahnu ndi tsi un, Jutu Mañi ndi tyin iyó xaan tsa tsiñí tuñi tsi un: Nacuhvá xaan ndi tyahvi nyoo tsi un. Tan jacahnú ndi tsi un tyin iyó xaan tunyee iñi tsi un, Nyoo Jutu ndi. Tan na cuvi tsi tacan tandɨhɨ tyembu, catyí ra naha.