SAN MATEO 21:11 - New Testament in Mixtec Coatzospan

¹¹ Ntákaꞌan ñáꞌa san, ña vexníꞌi ña: —Ña sāꞌá ne, ña é kākaꞌán naa Xuva ko, ñá nani Jēsuu, ñá vēꞌxi ñuú Nazaree é tuví ñuú Galilea —kaꞌan ña.

SAN MATEO 21:11 Iomraidhean Croise

SAN MATEO 2:23

Kuéꞌen ña, kūkuntóo ña ñuu é nani Nazāree. Dukuan ō kúntaa é kākaꞌan ña é kaꞌán naa Xuva ko kídaā: “Kaꞌan ñáꞌa san tsí nazarenu ña”, kaꞌan ña.

SAN MATEO 21:10

Dā xee ñá ñuú Jerusaleén ne, un ntɨɨ́ ntɨ̄ɨ́ ña ñuú i san ne, itsuꞌun ñā, ntákaꞌan ña: —¿Xoó ñaꞌa ntu ña sāꞌa? —kaꞌan ña.

SAN MATEO 21:26

Ntá tsi te kāꞌan o tsí kūdii ñaꞌá san de kúꞌvē ñá ne, uꞌvī kó te kūdiin ñaꞌá san ni kō tsí ñá kaꞌán naa Xuva kó Juaán san, kuiní ña —kuan ō dé kuení ña.

SAN MATEO 21:46

Ntá tsi kuān té ncho tɨɨn ña Jesuú ne, úꞌvī ñá un ntɨɨ́ ntɨ̄ɨ́ ñaꞌa san, tsi ntádē kuení ñaꞌa san tsí Jesuú ne, ñá kaꞌán naa Xuva ko.

SAN MARCOS 6:15

Iō ñá ne, ntákaꞌan ña: —Ña sāꞌá ne, á tē ña é kaꞌán naa Xuva ko kídaā, ñá nani Ēlia —kaꞌan ñáꞌa san. Tuku ñaꞌa ne, ntákaꞌan ña: —Kuan kāa ntíꞌxe ña, vata kaa ña kaꞌán naa Xuva ko kídaā —kaꞌan ña.

SAN LUCAS 13:33

Ntá tsi kantio é kɨ̄ꞌɨ́n ka ú itsi kān vevií ni ūtén ni īdá dɨ. Tsí ña kúvī é kūví ña kaꞌán naa Xuva ko tē ña te ñuú Jerusaleén kuví ña. Kuan kōo kaꞌan ntó ni nā —kaꞌan Jésuu—.

SAN LUCAS 24:19

Kidáā ne, kakaꞌan Jésuu: —¿Ntē ntu o kúvi? —kaꞌan ña. Ntákaꞌan ña: —Ntántaa ntɨ́ kuenta iña Jésuu, ña véꞌxi ñuú Nazaree. Dɨvi ñā ne, ña é kaꞌán naa Xuva ko ña. Dōó iō ña é viī ña; dōó ini ña nté koo kaꞌan ña núu Xuva ko, ni ūn ntɨɨ́ ntɨ̄ɨ́ ñaꞌa san.

SAN LUCAS 7:16

Dā íni ñaꞌa sán é kuān o dé Jesuú ne, dōo uꞌví ña, un ntɨɨ́ ntɨɨ̄ ñá ne, eni ntuꞌu ñā nakuéꞌe ña sintiáꞌvi ntaꞌa Xuva kō, ntákaꞌan ña: —Tsí uun ñaꞌa ña kaꞌán naa Xuva ko, ña e dóo kaꞌnu ne, é xee dîtó ñā mí ntoo ō ve. Tsí Xuva kō ne, xée ña ñūú kō é xntii ña kō —kaꞌan ñáꞌa san.

SAN LUCAS 7:39

Ña fariseu, ña kána Jesuú ne, dā íni ña sáꞌā né, dē kuení ña: “Tē dɨ́ ña kakaꞌan ntíꞌxe naa Xuva ko ñatīí saꞌá ne, kutuni ñá nee ñáꞌa ñadɨ̄ꞌɨ́ saꞌá, ña katɨɨn ntaꞌa ñā. Tsí ñadɨ̄ꞌɨ́ saꞌá ne, dōó iō kuetsí ña.” Kuan ō dé kuení ña.

SAN JUAN 1:21

Tsixeꞌe xtuku ña ñā: —¿Xoó ntu ñaꞌa nto kuan? ¿Ō ña Elia ntú nto, kuān? —kaꞌan ña. —Ñāꞌá ni san —kaꞌán Juaan. —¿Vá dɨvi ntu ntō ña kaꞌán naa Xuva ko, ña tsíkan? —kaꞌan ña. —Ñáꞌā —kaꞌan Juaan.

SAN JUAN 1:25

tsixeꞌe ña ñā: —¿Nté kui kanakūtsi ntute ku nto ñaꞌa sán tē ña te Crístu nto, tē ña te Élia nto, tē ña te dɨvi ña kaꞌán naa Xuva ko ntō? —kaꞌan ña.

SAN JUAN 4:19

Kakaꞌan ñádɨ̄ꞌɨ́ san ni ñā: —Dɨvi ntō ne, kutuní ko ve tsí ña é kākaꞌán naa Xuva ko nto.

SAN JUAN 6:14

Kidáa ne, dā íni ñaꞌa san nuu i e dóo kaꞌnu é idé Jesuú ne, ntákaꞌan ña: —Nuu é ntaā i tsí ña sāꞌá ne, dɨvi ñā é kākaꞌán naa Xuva ko, ña é kīꞌxí ñuxiví a —kaꞌan ña.

SAN JUAN 7:40

Īó ñaꞌa san, da téku ña é kākaꞌan ñá ne, ntákaꞌan ña: —Ña sāꞌá ne, ña kaꞌán naa Xuva ntíꞌxe ko ñā, ña kakaꞌan túꞌun Xuva kō —kaꞌan ña.

SAN JUAN 9:17

Tsixeꞌe xtūku ña ña ntuváꞌa san: —¿Nté ō dé kuení o iña ña é nakaan ntuxnūú o san? —kaꞌan ña. Kakaꞌan ñá tsikan: —Xuꞌú kuiní ko ne, ña kakaꞌán naa Xuva ko —kaꞌan ña.

HECHOS 7:37

Dɨvi tsi Muīsee é kākaꞌan ñá nī ña Israeé san: “Xuva ko ne, taxnūu ña uun ñaꞌa, ña é kaꞌán naa ña vata tsī ó de ú xuꞌu, uun ñaꞌa, ña é dɨvi tsi tāta ko”, kaꞌan Muísee.