SAN LUCAS 9:44 - New Testament in Mixtec Coatzospan

⁴⁴ —Kini váꞌa nto é kākaꞌán u ne, ñá ku kūnáa inī nto; tsí xuꞌu é vēxkúvī ú ñatīí ne, ntuví u kuenta ntáꞌa ña ñuú i san —kaꞌan ña.

SAN LUCAS 9:44 Iomraidhean Croise

SAN MATEO 16:21

Nté ntūvi tsikán ne, eni ntuꞌu Jēsuu kakaꞌan ñá nī ña ntántīkɨn ña é kantio é kɨ̄ꞌɨn ñá ñuú Jerusaleen. Ikān ne, ñá te da dīi núu ī dóo ntoꞌo ña ntaꞌa ñatā sán nī tóꞌō dutú nī mastrú leí san. Kaꞌní ña ña ne, te kūvi uni ntúvi ne, ntoto xtuku ña, kaꞌan ña.

SAN MATEO 26:2

—Ini nto tsí uvi ntúvi ve xee viko dá nātavá Xuva kō ña Israee ñuú Egítō. Kidáā ne, xuꞌu é vēxkúvī ú ñatīí ne, ntada ñá ko kuenta ntáꞌa ñaꞌa san é naxnteē ñá ko ntiká krusi kan —kaꞌan ña.

SAN MARCOS 8:31

Kidáā né, eni ntuꞌu Jēsuu nañéꞌē ñá ña ntɨniꞌi ñā tsí dɨvi ñā é vēxkúvi ña ñatīí ne, da miī e dóo kiꞌin nuū i é ntōꞌo ña. Tsí ñatā sán, ni dūtu ñá odo nūú, nī mastrú leí san ne, un ntɨɨ́ ntɨɨ̄ ñá ña xkuntée iní ña ña ne, kaꞌní ña ña, ntá tsi tē kúvi uni ntúvi ne, ntoto xtuku ña.

SAN MARCOS 9:31

Tsí Jesuú ne, kaxéꞌe ña kuenta é kūtuni ñá ntɨniꞌi ñā nté koo kuví ña: —Xuꞌu é vēxkúvi ú ñatīí ne, ntuví u kuenta ntáꞌa ñaꞌa, ña é kāꞌní ko. Ntá tsi tē kúvi uni ntúvi xiꞌí u ne, ntoto xtuku u —kaꞌan Jésuu.

SAN LUCAS 1:66

Un ntɨɨ́ ntɨ̄ɨ́ ña e téku i ne, da dé kuení mii ñā: —¿Neé ntu é vīi iꞌxá san tē kúkaꞌnu? —kaꞌan ña. Tsí kutuní ñaꞌa san tsi dóo nuu méꞌñu Xuva ko ī.

SAN LUCAS 18:31

Kāna xio Jesuú san uxuvi ñáꞌa ña ntɨniꞌi ñā ne, dá kakāꞌan ñá ni ñā: —Vevií ne, kɨ́ꞌɨn o ñūú Jerusaleen, mí kuntaa é un ntɨꞌɨ̄ é uve naꞌa e ntákaꞌan ñá kaꞌán naa Xuva ko san kuenta iñá ko, xuꞌu é vēxkúvi ú ñatīi.

SAN LUCAS 2:19

Ntá tsi María sán ne, xnuu váꞌa ña nima ñá é un ntɨꞌɨ̄ é dé kuení ña nuu i sáꞌa.

SAN LUCAS 2:51

Kidáā ne, kúnūꞌú Jesuu ni úva ñā ñuú Nazareé ne, dē ntaa ntɨ́ꞌɨ ña nēe e teé tsiñu uva ña ñā. Dɨꞌɨ ñā ne, xnuu váꞌa ntɨꞌɨ ña sáꞌā nima ña.

SAN LUCAS 24:44

Kidáā ne, kakaꞌan ña: —E kúvi kó ne, dɨvī é kākaꞌán u dá tūvi dukuan ú ni ntō. É kākaꞌán u tsí kantio é kūntaa un ntɨꞌɨ̄ é ūve naꞌa tutu é de váꞌa Muiseé san nī ña kaꞌán naa Xuva ko, ni tūtu é nanī Sálmū dɨ, mi é kākaꞌan kuénta iñá ko —kaꞌan ña.

SAN LUCAS 9:22

Kakaꞌan ña: —Xuꞌu é vēxkúvi ú ñatīí ne, kantio e dóo ntoꞌo ko. Dōó nantii niꞌni ñatā sán ko, dɨvi ña nī tóꞌō dutú san nī mastrú lei. Kaꞌní ña kó ne, ntá tsi tē kúvi uni ntúvi ne, ntoto u —kaꞌan Jésuu.

SAN JUAN 16:31

Nantíko kōó Jesuu, kakáꞌan ñá ni ñā: —¿Ntákuintiꞌxe ntu nto ve?

SAN JUAN 16:4

Ntá tsi kakaꞌán u sáꞌa ni ntō vata koo tē xee ntúvi tsīkán ne, nanuꞌu ntó iní nto tsí dɨvī é kākaꞌán u ni ntō. ʼÑá ni kāꞌán u ni nto sāꞌá nte dá iñɨ ntuꞌu, tsí da xé tuví dadɨɨ ká u ni ntō.

SAN JUAN 19:11

Nantíko kōó Jesuu, kakáꞌan ñá ni ñā: —Ntē ña kuvi kadan kúꞌven īñá ko tē ña te Xuva ko ni taꞌxi ña o. Dukuān ne, dií ka iō kuetsí ña e ntáda kó kuenta ntáꞌa o —kaꞌan ña.

HECHOS 2:23

Ntá tsi dā ntúvi ña kuenta ntáꞌa nto, vata tsi ō dé kûꞌvé Xuva ko ntē ntúvi diꞌna ne, dɨvi ntō tɨ́ɨn nto ña ne, ēꞌní nto ña dā xeꞌé nto itsi é naxnteē ñá kini ntáa san ña ntíkā krusi.

HEBREOS 2:1

Dukuān ne, kantio e dií dií ka vii o kuenta túꞌūn é kātekú kō. Tē ñaꞌá ne, xtuvī mii o é kuintiꞌxe ko un sīin vevií ne, un sīin ká uten.