SAN LUCAS 8:10 - New Testament in Mixtec Coatzospan

¹⁰ Ne, kakaꞌan Jésuu: —É taꞌxi Xuva kō é kūtuni ntó nuu i e dóo xūꞌú iō iña i mí kadē kúꞌvē ña. Ntá tsi ña nguiī sán ne, da kantaa ú ni ñā nuu i sáꞌa ne, ntaíto ña ne, ō ntaíni ña, ntá tsi ña kɨ́ꞌɨn dɨkɨ ña neé kani túꞌun.

SAN LUCAS 8:10 Iomraidhean Croise

SAN MATEO 11:25

Kidáā ne, kakaꞌan Jésuu: —Ntadiáꞌvi nto, Xuvā ko, Tóꞌō e dukún kān ni ñūxiví a dɨ, tsí xnuu xuꞌū ntó nuu i é nuu é ntaā í san é ña kiní ña dóo kiꞌin inī í san nī ña dóo tuꞌvé i sán dɨ ne, nañēꞌe ntó ña ntāꞌví san.

SAN MATEO 16:17

Kakaꞌan Jésuu ni ña: —Nté kuān nte váꞌā ó ni o, Sīmuun, iꞌxá Jonaa. Sáꞌā ne, ña te ñáꞌa ni nañēꞌe ñá o, tsí mii tsi Uvā kó, ña tuví e dukún kān.

SAN MARCOS 4:11

Kidáā ne, kakaꞌan Jésuu ni ña: —Ntōꞌó ne, kataꞌxi Xuva ko é kūtuni nto nté o kadē kúꞌvē ña. Ntá tsi ña nguiī sán ne, ñá īni ña. Dukuān né, da mii kuēꞌen tsi túꞌūn é ña káñeꞌe dɨkɨ ñáꞌa san kakaꞌán u ni ñā.

SAN MARCOS 4:12

Kakuvi vata ō kaꞌan Ísaia kídaā, tsí kuān te ntaíni ña, ntá tsi ña te ntaíni ntíꞌxe ña. Ntátekú ña é kākaꞌán u, ntá tsi ña ntáñeꞌe dɨkɨ ña. Dukuān ne, ñá natūꞌvi ña kuétsi ñā ne, ñá kada kaꞌnū iní Xuva ko ni ñā —kaꞌan Jésuu.

SAN JUAN 12:40

Tsí Xuva kō ne, nanée ñá nuu ña. Dé kaꞌxi ña dɨ̄kɨ ñá dɨ vata koo é ña kuvi kiní ña, ntē ña kuvi kɨ́ꞌɨn dɨkɨ ñá, vata koo é ña kuvi kuntíkɨn ñá ko ne, ñá ntaváꞌa ú ña dɨ.

ROMANOS 16:25

¡Na kata ō nchuꞌún Xuva kō! tsí dɨvi ña kūvi taꞌxi ña é na kuīntiꞌxe váꞌa nto vatā ó kakaꞌán u ni nto dá nañéꞌe ú nto túꞌūn vaꞌá iña Jesúcristu. Tsí nañéꞌe Xúva ko ko nuū i é tūvi xuꞌu un tsi nte díꞌna dá iñɨ ntuꞌu ñúxiví san.

1 CORINTIOS 12:11

Ntá tsi un ntɨɨ́ ntɨ̄ɨ́ nuu i sáꞌa vēꞌxi uun tsi ntaꞌa Espíritū, dɨvi Ēspíritu mii Xuva kō. Dɨvi ña kataꞌxi ña kō, xe un xé un ō, neé ntɨꞌɨ́ ntɨꞌɨ nuu i é vāꞌa vata kaa é ntio ña.

COLOSENSES 2:2

Ntio kó te kīí nima ñá, te kudadɨɨ ña ni tāꞌan ña tsi ntákuinima ñá ña. Tsí niꞌi ña é vāꞌa kídaa tē kutúꞌve váꞌa ña, te kīni váꞌa ña nuu i é tuvi xuꞌu iña Xuva ko, iñá Cristu.

1 TIMOTEO 3:16

Dōó kaꞌnu ntiꞌxe nuu i e táꞌxi Xuva kō é kūtuni ko: Ntiī dîtó Xuva kō é vata kaa ñaꞌa kaa ña. Kakaꞌan Espíritū Sántū tsi dóo vaꞌá ña. Ntaíto ánjē san ña. Ntákaꞌan ntódo ñaꞌa san kuenta iña ña ni ña tuku ñúu. Kuīntiꞌxe ñaꞌa san ña dá kanɨɨ ñūxiví san. Nakiꞌi Xuva ko ñā e dukún kān.