SAN LUCAS 6:9 - New Testament in Mixtec Coatzospan

⁹ Kidáā ne, kakaꞌan Jésuu ni ña nguií san: —Iō é tsixēꞌe ú nto ve. ¿Neé ntu é vāꞌá vii o ntuvi dá iō dáꞌna? ¿Ō vii o é vāꞌá ne, ō vii o é kīni kaa? ¿O nakākú o ñāꞌa sán ne, o nākunaá o ña? —kaꞌan ña.

SAN LUCAS 6:9 Iomraidhean Croise

SAN MARCOS 3:4

Kidáā né, tsixeꞌe Jēsuu ñá nguiī san: —¿Nee iñá ntu é dií ka váꞌā o é vīi o ntuvi dá iō dáꞌna, te kuinī nto: é vīi o é vāꞌá ne, ō é kīni kaa? ¿É ntaváꞌa o ñaꞌa ne, ō é nakunaa o ña? —kaꞌan ñá, tsixeꞌe ña ñā. Koó dā diin diin sa intóo ñaꞌa san.

SAN LUCAS 14:3

Jesuú ne, tsixeꞌe ñā mastrú leí san nī ña fariseú san, kakaꞌan ñá ni ñā: —¿Vá kūvi ntu ntaváꞌa ú ña nchokuví san ntuvi dá iō dáꞌna, ō ña kúvi ntu? —kaꞌan ña.

SAN LUCAS 6:10

Īto díto Jesuu un ntɨɨ́ ntɨ̄ɨ́ ña ntoo diñɨ ña ne, dá kakāꞌan ñá ni ñatīí san: —Katan nteén ntaꞌa o —kaꞌan ña. Kuān o dé ntiꞌxe ñatīí san ne, ura tsí i ntuváꞌa ntaꞌa ña.

SAN LUCAS 6:8

Ntá tsi Jesuú ne, iní ña nee e ntádē kuení mastrú leí san nī ña fariseú san ne, kakaꞌan ñá ni ñatīi, ña natɨ́ɨn ntaꞌa i san: —Nākuntítsin ne, dá kuntītsin méꞌñū ña ntoo san —kaꞌan ña. Nákuntītsí ña ne, íntītsí ña méꞌñū ñaꞌa san.

SAN LUCAS 9:56

Tsí xuꞌu é vēxkúvi ú ñatīí ne, ñá te vēꞌxí u é nākunaá u ñaꞌa san, tsí véꞌxī u é nakākú u ña —kaꞌan ña. Kidáā ne, kuéꞌen ña ūun ka túku ñuú luꞌnti.