SAN LUCAS 3:3 - New Testament in Mixtec Coatzospan

³ Kidáā ne, kuéꞌēn Juaán san, ita ntíꞌxin ña dá kanɨɨ dīñɨ ntute kaꞌnu é nani Jōrdaan, kakaꞌan ntódo ña ni ñāꞌa san é na nātɨvi iní ña kuétsi ña ne, na kūtsi ntute ña dɨ, vata koo é na kāda kaꞌnu iní Xuva ko ni ña kuētsí ña.

SAN LUCAS 3:3 Iomraidhean Croise

SAN MATEO 3:11

Xuꞌú ne, ntute kadáꞌvi ú nto dá kanakutsi ntute ú nto é nātɨvi iní nto kuétsi ntō, ntá tsi ña é dā vé véꞌxi ne, dií ka kaꞌnu ña é xuꞌu. Ntē ña váꞌa u é kuidō ú ntiꞌxen ñā. Dɨvi ñā ne, Espíritū Sántū san ni ñúꞌu dáꞌvi ña nto.

SAN LUCAS 1:16

Ña sāꞌá ne, vií ña é ñā te da díi ña ñuú Israee nakuntíkɨ̄n ñá Xuva kō.

SAN LUCAS 1:77

Dɨvin kuēꞌen é kūtuni ñáꞌa ña tsí nakate Xuva ko kuētsí ña vata koo é nakáku ña.

SAN LUCAS 4:1

Jesuú ne, nuu tsitu Espíritū Sántū sán nima ñá, ntiko koō ña é ñeꞌē ña nú ntute kaꞌnu é nani Jōrdaan. Kueꞌen níꞌi Espíritū Sántū san ña, kuéꞌen ña ñūu îtsí kān mí xoxó ñaꞌa.

SAN JUAN 1:28

Sáꞌā kúvi ñuú Betania, dɨvi ñūu é tuví uun xo diñɨ ntute kaꞌnu é nani Jōrdaan, mí kanakūtsi ntute Juaán san ñaꞌa.

SAN JUAN 3:26

Kuéꞌen ñā mí tuví Juaán ne, ntákaꞌan ñá ni ñā: —Mastru, ña itúvi niꞌi nto diñɨ ntute kaꞌnu Jordaán san, ña é kākaꞌan ntó nī ntɨ́ ne, é kanakūtsi ntute ña ñaꞌa dɨ. Un ntɨɨ́ ntɨ̄ɨ́ ñaꞌa san ntáñeꞌe ñá ntaꞌa ña ve —kaꞌan ña.

HECHOS 13:24

Tsí diꞌna Juaan kíꞌxi ña, kixkaꞌan ntódo ña ni ūn ntɨɨ́ ntɨ̄ɨ́ ña Israeé san é na nātɨvi iní ña kuétsi ñā ne, na kūtsi ntute ña. Da kidáa kīꞌxi Jesuu.

HECHOS 19:4

Pablú ne, kakaꞌan ña: —Tsí Juaán ne, nákutsi ntūte ña ñaꞌa vata koo é kuēꞌé ña kuenta é nādama ña nima kíni kaa ña. Ntá tsi Juaán ne, kakaꞌan ñá te kuíntiꞌxe ko uun ñaꞌa, ña é dā ve véꞌxi. Ña tsīkán ne, e xée ñā. Jesuu nani ña —kaꞌan ña.

HECHOS 22:16

Viꞌa ve ne, ñá ku kukuīí ka nto. Kueꞌēn ntó, kukutsí ntute nto. Nakate nto kuétsi ntō, kaku niꞌi nto dɨ̄ví Jesuu”, kaꞌan ñá nī ko.