SAN LUCAS 3:14 - New Testament in Mixtec Coatzospan

¹⁴ Sntadún san dɨ́ ne, tsixeꞌe ñā dɨ: —Ntɨꞌɨ́ ni, ¿ntē ntú koo vií ntɨ? —kaꞌan ña. Ne, kakaꞌán Juaan: —Ña kuído dúꞌu nto nté uun iña ñaꞌa; ntē ña ku nauꞌví nto ña. Ntē ña ku daꞌví nto ña dovete tē ña te neé kade ña. Ñá kākán ka nto xáꞌvi nto, tsí e dɨ́vi tsī é kaniꞌi nto —kaꞌan ñá ni ñā.

SAN LUCAS 3:14 Iomraidhean Croise

SAN MATEO 8:5

Dā xee ñá ñuú Capernaú ne, xéē tóꞌō é uun sientu sntadún san mí tuví ña ne,

SAN LUCAS 19:8

Kidáā ne, nákuntītsí Zaqueu, kakaꞌan ñá ni Jēsuu: —Koto nto, Mastru. Kuéꞌē ú ña ntāꞌví san dava é un ntɨꞌɨ̄ é īó iñá ko. Tē xoó ñaꞌa kiꞌi dúꞌu ú iña ñá ne, nantiko kōó u kɨmi itó ka xtúku —kaꞌan ña.

SAN LUCAS 3:10

Kidáā né, tsixeꞌe ñāꞌa san ña: —¿Ntē ntú koo vií ntɨ kuan? —kaꞌan ñáꞌa san.

SAN LUCAS 3:13

Ne, dá kakāꞌán Juaan: —Ña kuído nto vata kaa ntaído nto diuꞌun xôó san; mii tsī é kuido nto vatā ó kakaꞌan leí san —kaꞌan ñá ni ñā.

HECHOS 10:7

Dā ntáka ánjē san da kúvi kaꞌan ñá ni ñā ne, kidáā kána ña uvi ñaꞌa ña kade tsiñu iña ñá, ni sntādun, ña e dóo kaxntii ña, ña e dóo kanuu iní i Xuva kō,

FILIPENSES 2:15

vata koo é ña koo kuétsi ntō, vata koo é ña kadá kuení nto nuu i é kīni kaa. Vií nto vata kaa iꞌxá Xuva kō, iꞌxá e dóo vaꞌá kueꞌen, méꞌñū ñaꞌa, ñá iō kuetsí i, ña ntáde é kīni kaa. Dɨvi ntō ne, vata ntaa ñuꞌu ntáa nto é ntánaxiꞌí nuu nto,

FILIPENSES 4:11

Ñá te kātsiꞌi kuétsi ú te īo é kātaan nuú ko. É kūtúꞌve ko é kutūvi dîní u da nēé ka é īó iñá ko.

TITO 2:3

Káꞌan ni ñadɨ̄ꞌɨ átā sán dɨ te na kuiko ñuꞌu ñā; ntē ña ku kaꞌan kíni ña iña ñaꞌa; ntē ña ku de kɨ́ꞌvi ñā. Na nañēꞌe ñá ñaꞌa san nté koo é vāꞌá koo vií ña.

APOCALIPSIS 12:10

Tēkú ko tsí un ntii tsi kākaꞌan tátsín san nte e dukún kān: E xée ntūvi é nakākú Xuva ko ko vē. E xée ña e dóo ntii inī ña é kadā kúꞌvē ña. Cristu, ña táxnūu ña ne, kodo núu ña é un ntɨꞌɨ vē. Tsi é nakóꞌxo nteē ñá kɨtɨ katsiꞌi kuétsi taꞌan ko ntaꞌa Xuva ko ntē ntúvi ntē níñu.