SAN LUCAS 23:2 - New Testament in Mixtec Coatzospan

² Ikān éni ntuꞌu ñā daꞌví ña ña dovete, ntákaꞌan ña: —E níꞌī ntɨ́ ñatīi saꞌa é kanatɨvī ñá ñuú ntɨ. Kakaꞌan ñá tsí ña váꞌa ō e ntáꞌvi ntɨ́ diuꞌun xôo íña ñuú Romá san. Kakaꞌan ñá dɨ tsí dɨvi ñā é Cristu ñá, dɨvi ñā é kuvi ña reí dɨ —kaꞌan ña.

SAN LUCAS 23:2 Iomraidhean Croise

SAN MATEO 17:27

Ntá tsi vata koo é ña kudíin ña ne, kueꞌēn nu míni kān ne, nakuitan xuꞌve é kantīkɨn kaa xuꞌu tsákā san. Tavan da nēé ka tsákā, kɨtɨ é tɨɨn diꞌna. Dá ntɨ̄kán xuꞌu tɨ ne, naníꞌi o uun diuꞌun kuetsi. Kiꞌin ne, da ntaꞌvin diuꞌun xôo ó ne, íñā kó dɨ —kaꞌan ña.

SAN MATEO 22:21

Ntákaꞌan ña: —Íña ña tsiñu naꞌnu i ñuú Romá san —kaꞌan ña. Kidáā ne, kakaꞌan Jésuu ni ña: —Nakuéꞌe nto ntaꞌa ña tsiñu naꞌnu i san nee é kāduku ntée ña ne, nakuéꞌe nto ntaꞌa Xuva ko nēe é kāduku ntée ña dɨ —kaꞌan ña.

SAN MATEO 27:11

Íntītsí meꞌñu Jesuu núu ña tsiñu naꞌnu i ne, tsixeꞌe ña tsiñu i san ña: —Dɨvi ntō ne, ¿vá Rei iña ñá Israee ntú nto? —kaꞌan ña. Kakaꞌan Jésuu ni ña: —É kākaꞌan ntú ku nto —kaꞌan ña.

SAN MARCOS 12:17

Kidáā ne, kakaꞌan Jésuu ni ña: —Váꞌa ō é nākuéꞌe o ntāꞌa ña tsiñu naꞌnu i nee iña é kāduku ntée ña ne, váꞌa ō é nākuéꞌe o ntaꞌa Xuva kō nee iña é kāduku ntée ña dɨ —kaꞌan ña. Koó dā kúduꞌva ñaꞌa san e dóo ini Jesuu nté koo nantiko koō ña é kākaꞌan ña.

SAN MARCOS 15:2

Pilatú ne, tsixeꞌe ña Jēsuu: —¿Dɨvīn ntun é Rei iña ñá Israee? —kaꞌan ñá, tsixeꞌe ñā. —Kuān ó vatā ó kakaꞌan —kaꞌan Jésuu.

SAN LUCAS 23:14

dá kakāꞌan ñá ni ñā: —Dɨvi ntō é vēxníꞌi nto ñatīí saꞌá ntaꞌa kó ne, ntákaꞌan nto tsí kanatɨvī ñá ñaꞌa san, ntá tsi xuꞌú ne, tsixeꞌē ú ña nuu ntó ne, ñá ni nanīꞌí ntɨ kuétsi ñā nté uun nuu i vatā o ntákaꞌan nto.

SAN LUCAS 23:5

Dā dií dií ka xío ntii ñāꞌa san, ntákaꞌan ña: —Véꞌxi ña, kanakutsuꞌun ña ñāꞌa san nchúꞌun é kanañēꞌe ñá kanɨɨ ñūú Judeá ne, nté ñūú Galileá ne, un tsi nte íꞌa dɨ —kaꞌan ña.

SAN JUAN 18:29

Dukuān né, ntīi Pilatu nu kíꞌi kān, kakaꞌan ña: —¿Neē ntú nuu i ntátsiꞌi kuétsi nto ña sāꞌa? —kaꞌan ña.

SAN JUAN 18:30

Nantíko koō ñá, ntákaꞌan ñá ni ñā: —Tē dɨ́ ña kini kaa ña ne, ña ntádā ntɨ́ ña kuenta ntáꞌa nto —kaꞌan ña.

SAN JUAN 19:12

Nté ūra tsikán ne, ntukū nuu iní Pilatú san nté koo nantīi ña ña. Ntá tsi ña Israeé san ne, un tsi ntákachuꞌu ña ntákaꞌan ña: —¡Te nantii nto ña sāꞌá ne, ñá te vāꞌá tiin nto nī Cesa! tsí te xōo ñáꞌa é kākaꞌan ña é rei ñá ne, kakaꞌan ntée ña Cesá san —kaꞌan ña.

HECHOS 24:13

Ña kúvi ntāda ntaa ña nuu i é ntátsiꞌi kuétsi ña kó vevii.

HECHOS 24:5

Tsí ñatīí saꞌá ne, dōó duꞌxen de ñā. Da mii kuēꞌen tsi é kanakutsuꞌun ñā ña Israeé san dā míꞌī ká ñuu. Tsí odo nuū ñá iña ña ntántīkɨn Jésuu, ñá ñuú Nazaree.

ROMANOS 13:7

Kuéꞌe nto ñā é un ntɨꞌɨ̄ é kāduku ntée ña. Tē neé diuꞌun kaíkan ñá tsiñu i sán ne, ntáꞌvi nto. Tē diuꞌun xóo kaikan ñá ne, kuéꞌe ntō dɨ. Te kāꞌnu ñaꞌa ña né, kuiko ñuꞌu nto ñā.