SAN LUCAS 17:16 - New Testament in Mixtec Coatzospan

¹⁶ Nákunchɨtɨ ntāa ña nuu Jésuu. Un tsi nte ñúꞌu kān nakuntéɨ ña é nakuéꞌe ña sintiáꞌvi ntaꞌa ña. Ñatīí saꞌá ne, ña ñuú Samaria ña.

SAN LUCAS 17:16 Iomraidhean Croise

SAN MATEO 10:5

Taxnūu Jesuu ña é uxuvi ñáꞌa san ne, kakaꞌan ñá ni ñā: —Ñá ku ñeꞌē nto mi ña ntákuintiꞌxe ña Xuva kō; ntē ña ku ñeꞌé nto mí ntoo ña Samariá san dɨ.

SAN MATEO 2:11

Dá kūkɨ́ꞌvi ña má viꞌi kān né, īní ña iꞌxá san ni dɨꞌɨ i Māríā ne, ínchɨtɨ ñā mí tuví ne, ínūu iní ña i. Nākaán ña etun ñá ne, xéꞌe ña īꞌxá san doméni e kúvi oro, ni kūtú, nī choꞌo vîdin e dóo nuu áꞌvi.

SAN MARCOS 5:33

Kidáā ne, véꞌxi ñadɨ̄ꞌɨ́ san, tsí ini ña tsí ntuváꞌa ña ne, ínchɨtɨ ña nūu Jésuu. Koó dā kanɨ́ꞌɨ ña é kauꞌvī ña. Kakaꞌan ntáa ña tsí dɨvi ñā e tɨ́ɨn ntaꞌa ña ñā.

SAN LUCAS 17:17

Kidáā ne, kakaꞌan Jésuu: —¿Ñā ntu te un ntɨ́ꞌɨ nto é uꞌxi ñáꞌa nto e ntuváꞌa nto kuiꞌi nto? ¿Míꞌi ntu kuēꞌen ña ɨɨn ñáꞌa ká san?

SAN LUCAS 5:8

Dā íni Simuun Pedrú san nté ō kúvi ne, nākunchɨ́tɨ ntāa ña nuu Jésuu, dá kakāꞌan ña: —Kii nteé xio nto ko, Tóꞌō, tsí xuꞌú ne, dōó iō kuetsí ko —kaꞌan ñá ni Jēsuu.

SAN JUAN 4:9

Kakaꞌan ñádɨ̄ꞌɨ, ña ñuú Samariá san, ni Jēsuu: —¿Nté kui xuꞌú ntu kaikan ntó ntute é kōꞌo nto? Tsí xuꞌú ne, ña ñuú Samariá u ne, ntoꞌó ne, ña Israee nto —kaꞌan ña. (Tsí ñá vāꞌá odo niꞌi tāꞌan ña Israeé san nī ña ñuú Samariá ne, ntē ña ntákaꞌan niꞌi taꞌan ñá dɨ.)

SAN JUAN 5:23

vata koo é kuan tsi koo kuiko ñuꞌu ntō kó xuꞌú vatā o ntaíko ñuꞌu nto Uvā ko. Xoo é ña kaíko ñuꞌu ī kó ne, ñá te kaiko ñuꞌu ña Uvā kó dɨ, tsí dɨvi ñā é táxnūu ña ko.

SAN JUAN 8:48

Kidáā ne, ntákaꞌan ña Israeé san ni ñā: —Nuu é ntāa ntíꞌxe i é kākaꞌán ntɨ tsí ña ñuú Samaria nto, tsí nuu é ña váꞌā sán nima nto —kaꞌan ña.

HECHOS 1:8

Ntá tsi te īnuu Espíritū Sántū san é kunuu ña nima ntó ne, dɨvi ña xntii ña ntō é kāꞌan ntó xoo ñáꞌa ú ni ña ntoo ñuú Jerusaleén san. Da kidáā né, kueꞌēn ntó ñuú Judea ni ñuú Samaria ne, kuēꞌén ka nto dá kanɨɨ ñūxivi. Kueꞌēn ntó, kukaꞌan ntódo nto ni ñāꞌa xoo ñáꞌa ú —kaꞌan ña.

1 CORINTIOS 14:25

Kutuni ña nee é ñuꞌu xūꞌu nima ña ne, nakunchɨ́tɨ ña nuu Xuva ko ne, kunuu ini ñá ña. Kutuni ña tsí nuu méꞌñu ntiꞌxe Xuva ko ntō.

APOCALIPSIS 19:10

Kidáā ne, nákunchɨtɨ ntāá u nú dɨ̄ꞌɨn ánjē sán vata koo é kāda kaꞌnu ú ña, ntá tsi kakaꞌan ñá nī ko: —¡Ñá ku kuān xkoón den! Mii tsi Xuva kō é kada kaꞌnu o ñā. Tsí xoꞌō né, dadɨɨ tsi ntáde tsiñu o īña Xuva kó, ni ūn ntɨɨ́ ntɨ̄ɨ́ taꞌan o, ña é nīꞌi túꞌun Jēsuu —kaꞌan ña. Tsi túꞌun Jēsuú ne, dɨvī é xeꞌé Xuva kō é kāꞌan ntódo ñaꞌa, ña ntákaꞌan náa ña.

APOCALIPSIS 4:10

ñata, ñā é oko kɨmi ñáꞌa sán ne, ntánakunchɨ́tɨ ña nú dɨ̄ꞌɨ́n ña é tuví nú tēú san é ntánuu iní ña ña é kāntíto ntii dañu ntūvi. Tsoo ñá leꞌe e kúvi kaá kuaan é ñūꞌu dɨkɨ ña nú tēú san, ntákaꞌan ña:

APOCALIPSIS 5:14

Ngɨmi kɨtɨ ntantíto sán ne, ntákaꞌan tɨ: —¡Kuan koo na kōo! —kaꞌan tɨ. Ñatā, ña é oko kɨmi ñáꞌa sán ne, nākani ɨtɨ ña un tsi nte ñúꞌu kān é nuu iní ña ña é kāntíto ntii dañu ntūvi.