SAN JUAN 7:15 - New Testament in Mixtec Coatzospan

¹⁵ Koó dā kúduꞌva ña Israeé san, ntákaꞌan ña: —¿Nté kuān nte íni ntú ña sāꞌa? Tsí ntē ña ni nakuáꞌa ña —kaꞌan ña.

SAN JUAN 7:15 Iomraidhean Croise

SAN MATEO 13:54

Kuéꞌen ña ñūu míi ñā ne, nakuáꞌa ña ñaꞌa má viꞌī mi ntánataká nuu ña Israeé san. Koó dā kúduꞌva ñaꞌa sán ne, ntákaꞌan ña: —¿Míꞌi ntū nakuaꞌa ñá sāꞌa e dóo ini ña, e dóo kade ña nuu i é dóo kaꞌnu san?

SAN MATEO 22:22

Dā téku ña sáꞌā ne, koó dā kúduꞌva ña. Ntaka ña ikān ne, kúnūꞌú ña.

SAN MATEO 22:33

Dā téku ña ntâñɨ íkān ne, koó dā kúduꞌva ñā nuu i é nañeꞌe ña ña.

SAN LUCAS 2:47

Un ntɨɨ́ ntɨ̄ɨ́ ña e téku i ne, koó dā ntákuduꞌva ña, tsi dóo ntíto Jesuú san ne, dōó ini ña nté koo nantiko kōo ñá dɨ.

SAN LUCAS 4:22

Un ntɨɨ́ ntɨ̄ɨ́ ñaꞌa sán ne, váꞌā ó ntákaꞌan ñá iña Jésuu. Da kúduꞌva ña é kuān nte váꞌā ó kakaꞌan ña. Ntatíin mii ñā, ntákaꞌan ña: —¿Ñā ntu te iꞌxá Josee ñá sāꞌa? —kaꞌan ñáꞌa san.

SAN JUAN 1:19

Ña Israee, ñá ntoo Jerusaleén ne, taxnūu ña dutú san nī ña levitá san é tsixeꞌe ñā Juaán san xoo ñáꞌa ntu ña.

SAN JUAN 7:11

Ntánantukū ña Israeé san ña mí kakuvi viko sán ne, ntákaꞌan ña: —¿Míꞌi ntū tuví ñatīi tsíkan? —kaꞌan ña.

SAN JUAN 7:13

Ntá tsi xoxó ni kāꞌan ntée i ñā méꞌñu ñāꞌa san, tsí uꞌví ña ña Israee.

SAN JUAN 7:46

Máu ūkún san ne, nantíko koō ñá, kakaꞌan ña: —Nté uun ito vata tekú ntɨ xoó kakaꞌan í vatā ó kakaꞌan ñá tsikan —kaꞌan ña.

HECHOS 26:24

Festú ne, koó da kakachuꞌu ña é kuān ó kakaꞌán Pablu. —¡Dá kakūlukun míin, Pablu! E kuān nté kueꞌe kánakuāꞌan tutú san, tsíkan kāde i é kākulukun ve —kaꞌan ña.

HECHOS 4:13

Ña tsiñu i sán ne, koó dā kúduꞌva ña dá ini ña tsí ña te kauꞌvi kuéꞌen tsi Pedru ní Juaan é kaꞌan ña, kuān té ñá te tuꞌve ña, ñá te naꞌnu ñāꞌa ña. Da kidáā kútuni ña é dadɨɨ íka ña ni Jēsuu.