APOCALIPSIS 8:1 - New Testament in Mixtec Coatzospan

¹ Dā nantii nteé A Leꞌntú san seu é kuvi ūꞌxé san ne, xíō kadin kueꞌen tsi e dukún kan te dāva ura.

APOCALIPSIS 8:1 Iomraidhean Croise

SAN MATEO 27:66

Kuéꞌen ñā né, nakadɨ̄ kutu ñá ñañā san. Ēdɨ́ nuu ña xume ntíkō diñɨ i mí ntee táꞌan xuú san ni ñañā san. Ñūꞌu ntee sntadún san é kuēnta víi ña.

APOCALIPSIS 5:1

Īní u tsí ña é tuví nú tēú san ne, ntaꞌa kuaꞌa ña niꞌi ntaꞌa ña ūun tutu é kātinuu. Tutú san ne, uve naꞌa ntuví o ata i. Úꞌxe sēu úve ata i.

APOCALIPSIS 5:9

Ntaíta ña nchuꞌún xee é kākaꞌan: Ntōꞌó ne, dōo vaꞌá nto é kīꞌi nto tutú san, é nākaá nto mí ūve seú san. Tsi éꞌni ñaꞌa san ntó ne, ētɨ nto nɨñɨ nto é nakuíin nto ñaꞌa kuenta iña Xuva ko, ña véꞌxi da nēé ka tatá i, da nēé ka túꞌun ñā, da míꞌī ká ñuu véꞌxi ña,

APOCALIPSIS 6:1

Īní u dá nāntii nteé A Leꞌntú san seu é kui ūun é ūꞌxe séú san. Tēkú ko tsí kakaꞌan uun kɨtɨ kantíto sán ne, dîtó vata te kākatsin: —¡Kixkoton! —kaꞌan tɨ.

APOCALIPSIS 6:12

Dā nantii nteé A Leꞌntú san seu é kui īñú san ne, ītó u ne, kutūní ko é un vaꞌa váꞌa tsi taan ne, kuntee kuēꞌén ngantií san, é vata kaa doo ntee é xkūꞌún ñaꞌa dá ntoo ña dontɨ́ni. Xóō sán ne, kukuēꞌe kueꞌen váta ito nɨ̄ñɨ.

APOCALIPSIS 6:3

Dā nantii nteé A Leꞌntú san seu é kui ūví san ne, tēkú ko é kākaꞌan kɨtɨ kantíto, kɨtɨ kuvi ūví san: —¡Kixkoton! —kaꞌan tɨ.

APOCALIPSIS 6:5

Dā nantii nteé A Leꞌntú san seu é kui ūní san ne, tēkú ko tsí kakaꞌan kɨ́tɨ kantíto, kɨtɨ kui ūní san: —¡Kixkoton! —kaꞌan tɨ. Ītó u ne, īní u kíi idú ntee. Ña ntekú tɨ ne, niꞌi ntaꞌa ña xkúꞌve.

APOCALIPSIS 6:7

Dā nantii nteé A Leꞌntú san seu é kui kɨ̄mí san ne, tēkú ko tsí kakaꞌan kɨtɨ kantíto é kui kɨ̄mí san: —¡Kixkoton! —kaꞌan tɨ.

APOCALIPSIS 6:9

Dā nantii nteé A Leꞌntú san seu é kui ūꞌún san ne, īní u má nāa kan nima ñáꞌa, ña e éꞌni ñaꞌa san kuenta iña túꞌun Xuva kō, tsí ña ni uꞌví ña é kāꞌan ñá iña Xuva ko.