APOCALIPSIS 4:11 - New Testament in Mixtec Coatzospan

¹¹ Dōo vaꞌá nto, é nakuiko ñuꞌū ntɨ́ nto, Xuvā ntɨ, é kāꞌán ntɨ tsi dóo kaꞌnu nto, e dóo iō nto é viī ntó da nēé ka nuu i. Tsí ntoꞌo de kúꞌve ntɨɨ́ ntɨɨ̄ nto dá nēé ka é īo. Tsí da ntío nto é kūváꞌa ne, kūváꞌa ntɨɨ́ ntɨ̄ɨ, kaꞌan ña.

APOCALIPSIS 4:11 Iomraidhean Croise

HECHOS 14:15

—¿Nté kui kuān ó ntáde ntu nto? Ntɨꞌɨ́ ne, ñatīí niꞌī ntɨ́ nto. É veꞌxi ntɨ é kāꞌan ntódo ntɨ́ ni ntō vata koo é xtuvī mii nto é dótō tsi ntaíntíkɨn nto é ña kaidiáꞌvi vata koo é kuntīkɨn ntó Xuva kō, ña kantíto. Dɨvi ñā de kúꞌvē ñá viꞌi antɨ̄ví ni ñūxiví, ni ntute ñuꞌu, ni un ntɨꞌɨ̄ é īó da míꞌī ka.

HECHOS 17:24

ʼTsí Xuva kō né, dē kúꞌvē ñá ñuxiví ni un ntɨꞌɨ̄ é īo. Dɨvi ñā Tóꞌō e dukún kan ni ñūxiví a. Ña te víꞌī mí de váꞌa ñaꞌa tuví ña.

ROMANOS 11:36

Tsí Xuva kō ne, de kúꞌvē ña é un ntɨꞌɨ̄ né, dɨvi ña kākaꞌan ña nté koo vii é un ntɨꞌɨ̄ é īo. Un ntɨꞌɨ̄ é īó ne, kuenta iña ña. Na kāꞌan o tsi dóo vaꞌá kueꞌen Xúva ko ntii dañu ntūvi. Kuan koo na kōo.

EFESIOS 3:9

Taꞌxi Xuva kō, ña é de kûꞌve é un ntɨꞌɨ̄ é īo, é kāꞌan ntódo ú vata koo é kīni un ntɨɨ́ ntɨ̄ɨ́ ñaꞌa nté ō de kúꞌvē ña é koo nuu i sáꞌā e xtúvi xuꞌu ña un tsi nte dá iñɨ ntuꞌu ñūxiví san.

HEBREOS 1:10

Kakaꞌan xtúku túꞌun Xuva kō: Dɨvīn, Tóꞌō, nté dīꞌna den kûꞌvén ñuxiví san ne, mii ntāꞌa o den váꞌan e dukún kān dɨ.

HEBREOS 1:2

Ntá tsi ntuvi sāꞌá ne, kakaꞌan ñá kuenta iña Iꞌxá ña. Tsí kuenta iña Iꞌxá ña de váꞌa ña ñuxiví san ne, xéꞌe ñā é kūvi é un ntɨꞌɨ īña Iꞌxá ña dɨ.

APOCALIPSIS 1:6

É tāꞌxi Jesucristu é kadā kûꞌve o, é vīi o dútu iña Xuva ko, dɨvi Úva ñā. Ntadiáꞌvi ña, dɨvi ñā, tsi dóo ntii inī ñá ntii dañu ntūvi. Kuan koo na kōo.

APOCALIPSIS 10:6

Natékū ñá Xuva kō, ña kantíto ntii dañu ntūvi, ña de váꞌa e dukún kan ni ñūxiví ni ntute ñuꞌu ni ūn ntɨɨ́ ntɨ̄ɨ́ nee iñá katuví, kakaꞌan ña tsí ña kukuíi ka.

APOCALIPSIS 14:7

Un ntii tsī kéne ña, kakaꞌan ña: —Kuiko ñuꞌu nto Xuva kō ne, kada kaꞌnu nto ña. Tsí e xée ura i é kadā kúꞌvē ñá kuenta iña ñaꞌá san. Kunuu inī ntó ña dɨ, tsí dɨvi ñā de váꞌa ña e dukún kan ni ñūxiví sa, ni ntute ñuꞌu kān, ni ūn ntɨɨ́ ntɨ̄ɨ́ ntute kuīi é kākene ñuꞌu sán dɨ —kaꞌan ña.

APOCALIPSIS 19:1

Dā kúvi ita ntíꞌxin sáꞌā né, tēkú ko tatsin é ña te nté kaa ñaꞌa vañɨ ñā ntákaꞌan ñá e dukún kān: ¡Dōo vaꞌá Xuva kō! ¡Dōó kaꞌnu Xuva kō! Dɨvi ñā é nakáku ña kō. Dōo kaxiꞌí nuu kaꞌnu ña. Dɨvi ñā e dóo ntii inī ña.

APOCALIPSIS 5:12

Un ntii tsī kéne ña, ntákaꞌan ña: ¡E dóo vaꞌá A Leꞌntu é xiꞌí san é nīꞌi e dóo kuvi vií, nī e dóo kukuikā, e dóo kiꞌin inī í, e dóo ntii inī i, e dóo kuiko ñuꞌu o ī, e dóo kada kaꞌnu o ī, e dóo nakueꞌe o sintiáꞌvi ntaꞌa i!, kaꞌan ña.

APOCALIPSIS 5:2

Īní u uun ánjē, ña dóo ntii inī í san ne, dōó ntii kakaꞌan ña: —¿Xoó ntu é vāꞌá ntiꞌxe i é kuvi nakāa tutú san? ¿Xoó ntu é kuvi nakāa mí uve seú san? —kaꞌan ña.

APOCALIPSIS 5:9

Ntaíta ña nchuꞌún xee é kākaꞌan: Ntōꞌó ne, dōo vaꞌá nto é kīꞌi nto tutú san, é nākaá nto mí ūve seú san. Tsi éꞌni ñaꞌa san ntó ne, ētɨ nto nɨñɨ nto é nakuíin nto ñaꞌa kuenta iña Xuva ko, ña véꞌxi da nēé ka tatá i, da nēé ka túꞌun ñā, da míꞌī ká ñuu véꞌxi ña,