SAN JUAN 9:10 - Mixtec Southern Puebla

¹⁰ Dandu nì cacachi nècuàchì yucán xì nècuàchìmà: ―¿Nansa nì cuu nì natùinuù‑ní?

SAN JUAN 9:10 Iomraidhean Croise

SAN MARCOS 4:27

Na túinuù, dandu ndácòo‑tè (nácòtò‑teá); daaní sàñaà quídì‑te. Doco tata mà, xítià te sahnúá, mate có‑cùndáà inì‑te índù modo sahnúá.

SAN JUAN 3:9

Dandu nì cachi Nicodemo xì‑yá: ―Pues, ¿índù modo cunduu nsidaa ñà‑càchí‑nî jaàn?

SAN JUAN 6:1

Daaní, nì quihin tu‑ya ichì cuàhàn‑yà inga ladu tècuìí cuáhà nani mar de Galilea. Te mar de Tiberio nani stná mà.

SAN JUAN 9:11

Te nì cachi nècuàchìmà: ―Iin tiàa nani Jesús, nì quidavàha‑ne iyuhu ndèhì nì dàcánúú‑né nùí, te nì cachi‑nè xìˊ: “Cuahán‑nî ndè pila Siloé, te quisi‑ní”. Ñàyùcàndùá, ducán nì quide, te nì natùinuìˊ.

SAN JUAN 9:15

Ñàyùcàndùá, nì xìcàn tnùhù stná nècuàchì fariseu nùù nècuàchìmà nansa nì cuu nì natùinuù‑né. Dandu nì cachi‑nè: ―Nì quidavàha nècuàchìmà ndèhì, te nì dàcánúú‑nê nùí; dandu nì sàhìn nì quisi, te vichi duha nì natùinuìˊ.

SAN JUAN 9:21

Doco có‑cùndáà ini‑nsì nansa nì cuu nì natùinuù‑té, ni có‑ìnáhá stná‑nsì ana nduú nècuàchì nì dàndúvàha xi‑té. Cunaha‑nsiá, tè‑sàhnú sàndùú‑te; nùù mii‑té ndàcàtnùhù‑nsiá. Vàtùni nacani‑tè nansa nì cuu xi‑té.

SAN JUAN 9:26

Dandu nì cachi nècuàchìmà: ―¿Nansa nì quida‑ne xì‑ní? ¿Ndíà nduá nì quida‑ne, te nì nanihì‑ní vista xi‑ní?

SAN JUAN 9:9

Te dava‑ne, cachí‑nè: ―Divi nduú‑né. Te dava ga‑nè, cachí‑nè: ―Còó, cuisì na indéhe nècuàchì cuaá mà, ducán indéhe stná nècuàchì yohó. Doco nècuàchì nì sanduu nècuàchì cuaá mà, nì cachi‑nè: ―Divi nduí.

1 CORINTIOS 15:35

Doco vihini cachi iin nèhivì: “¿Índù modo cui natiacu iin nsìi nú sànì xìhì‑nè? ¿Nansa cuàhàn coo iquìcúñú‑nè?”