SAN JUAN 6:9 - Mixtec Southern Puebla

⁹ ―Yohó iá iin tèchii nihi‑xi ùhùn pan tnuu xì ùì siaca cuati. Doco iyuhu nduájàn; mà sáà cuxi nsidaa nèhivì ñà‑cuàhà guá‑nè.

SAN JUAN 6:9 Iomraidhean Croise

SAN MATEO 14:17

Dandu nì cachi‑nè: ―Cuisì ùhùn pan nihí‑nsí, xì ùì siaca.

SAN MATEO 16:9

Yùhù xiníˋ tàñáha ga cundaà inì‑nsia. ¿A có‑nsìnúú inì‑nsia sàhà ùhùn pan (nì xixi) ùhùn mil tiàa, te nadaa ga ìcà pedazu pan nì ndòo nì dàtàcá‑nsià?

SAN MARCOS 6:38

Dandu nì cachi‑yà xì‑né: ―¿Nadaa pan icúmí‑nsiâ? Cuahán‑nsià cundehè‑nsiá. Ñàyùcàndùá, (nì ndàcàtnùhù‑né), te na ní cundaà ini‑nè, nì cachi‑nè: ―Ùhàn, xì ùì siaca.

SAN MARCOS 8:19

Na ní dasín ùhùn pan, te nì xixi ùhùn mil tiàa, ¿nadaa ga ìcà pedazu pan nì ndòo nì dàtàcá‑nsià? ―Ùxìn ùìà ―cachí‑nè.

SAN LUCAS 9:13

Doco nì cachi‑yà xì‑né: ―Mii‑nsiá dacuxí‑nsiánè. Te nì cachi‑nè: ―Cuisì ùhùn pan nihí‑nsí, xì úì siaca. ¿A cuní‑nî cùhùn‑nsì cuiin‑nsi ñà‑cuxi nsidaa nècuàchì yohó? ―nì cachi‑nè.

SAN JUAN 11:21

Te na ní sàà Marta ndé iín‑yá, dandu nì cachi‑nè xì‑yá: ―Señor mío, nú ni ía‑ní yohó nì cùí, dandu mà cúí cùhe.

SAN JUAN 11:32

Dandu nì sàà María ndé iá Jesús. Te nì sàcuììn sìsì‑né nùù‑yá, cachí‑nè: ―Señor mío, nú ni ía‑ní yohó nì cùí, dandu mà cúí cùhe.

SAN JUAN 21:10

Dandu nì cachi Jesús xì‑né: ―Cuahán‑nsià quihin‑nsia itnii siaca nì tavà‑nsiá.

SAN JUAN 21:13

Dandu nì tnàtuu Jesús nì tnii‑ya pan, te nì dasàn‑yáñà nùù‑né. Te nì dasàn stná‑yà siaca (nì chòhò mà) nùù‑né.

SAN JUAN 21:9

Dandu nì nuu nècuàchì yucán ñuhù íchî, te nì xini‑nè yucán ndoó tnùù sàxíxìn, te sà‑ìtándoó stná siaca chóhò. Te iá stná pan.

SAN JUAN 6:11

Dandu nì tnii‑ya nsì‑úhùn pan mà, nì naquimanì‑yá Dios sàhà‑ñá, te nì dasàn‑yáñà nùù nècuàchì dacuahá‑yá. Dandu mii‑né, nì dàcuàchí‑néà nì sàha‑ne nèhivì ndoó yucán. Te divi ducán nì quida stná‑nè xì siaca. Te nsidaa nèhivì, nì nìhì‑né nacua cudíì ini‑nè cuxi‑ne.

SAN JUAN 6:7

Ñàyùcàndùá, nì cachi‑nè xì‑yá: ―Còó, ni mà sáà ùì cientu dìhùn plata ñà‑cuiin‑nda pan cuxi‑ne, vàchi ni ñà‑jaàn mà sáà nìhì iin iin‑ne iyuhu iyuhá ―nì cachi‑nè.

2 CORINTIOS 8:9

Vàchi ináhá stná‑nsià ñà‑ndiaha guá nì quida Stoho‑ndà Jesucristu; cuica sàstnùhù iá‑yà (gloria xi‑ya), doco sàhà ndohó nì quixi ndahví‑yà, te ñàyùcàndùá, vàtùni nì nìhì‑ndà ñà‑cuìcà ndiaha ndisa.

APOCALIPSIS 6:6

Te tiacú cáhàn ana cáhàn mahì nsìcúmì ana itá nùù Dios, te dohó cachí‑nè: ―Vichi ndiaá gà nùnì, quidáchúún‑ndá iin quìvì, te cutu iin litro‑ñà níhì‑ndà; te nú cebada, cuisì iin quartillu dava; doco aceite xì vinu, cónì nàná yàhvi guáˋ ―cachí‑nè.