SAN JUAN 15:9 - Mixtec Southern Puebla

⁹ ’Cunaha‑nsiá, divi nacua cuú ini Yuamánìˊ sàhí, divi ducán cuú stná inì sàhà mii‑nsiá. Ñàyùcàndùá, iin‑ni ni cúndóó mánì‑nsiá nùí.

SAN JUAN 15:9 Iomraidhean Croise

SAN JUAN 15:11

’Nsidaa ñà‑jaàn sànì cachì xì‑nsiá sàhà‑ñá ni cúdíì stná ini‑nsià nacua cudíì ini yùhù, vàchi cuníˋ cundoo‑nsia contentu nicanicuahàn.

SAN JUAN 15:13

’Nú ni cuí iin nèhivì sàhà iin ana iá vàha xi‑né, dandu cundaà ini‑ndà, yáha ga cuú ndisa ini‑nè sàhà nècuàchìmà.

SAN JUAN 17:26

Te yùhù, sànì dàtúi nùù‑né nansa iá‑nî nacua cuàhìn quide quìvì nùù‑xí. Ducán dandu nìhì‑né cuu stnahá stná ini‑nè sàhà‑né nacua cuú ini mii‑ní sàhà yùhù. Te ducán nìhì stná yùhù coi ini anima nsidaa‑né ―nì cachi Jesús.

SAN JUAN 3:35

Te cuú ini Yuamánì‑yá sàhà‑yá. Ndahà‑yá sànì dàyáha Yuamánì‑yá nsidanicuú iñàha.

EFESIOS 3:18

Te nú ducán, dandu vàtùni mànìhì váha ini‑nsià ñà‑cuàhà guá cuú ini Cristu sàhà‑ndà. Te divi ducán xícàn tàhvì stnáì sàhà nsidaa gá nèhivì xí‑yá, ñà‑nì sáà nsidaa‑nda mànìhì ini‑ndà ñà‑yáha guá cuàhà cuú ini‑yà sàhà nsidaa‑nda, ndéni ana nì cui ni cúndúú‑ndá, te ndéni nì cui ni cúndóó‑ndá. Doco còó, ni mà cùì sàà‑ndà cundaà nsihi ini‑ndà sàhájàn, doco siquiera xícàn tàhví ñà‑chicá más ni cúndáà ini‑nsià sàhà‑ñá, te ducán sàà anima‑nsià nachituá mii Dios.

1 JUAN 2:28

Hijos míos, vichi cachíˋ xì‑nsiá: iin‑ni ni cúndúú‑ndá nèhivì xí‑yá, dandu quìvì naxicocuíìn‑yà, mà yúhî‑ndà, ni mà cúcáhán nûù‑ndà cundehè‑yándô.

JUDAS 1:20

Doco mii‑nsiá nècuàchì cùù guá inì sàhà‑xí, chicá xiñuhu cunindisá viì‑nsiá palabra ìì, vàchi ducán nacuàhandee ini‑ndà. Te na xícàn tàhvì‑ndà nùù Dios, ni cuáha‑nda chindee stná Espíritu Ìì xí‑yá ndohó.