SAN JUAN 13:9 - Mixtec Southern Puebla

⁹ Te nì cachi tu‑ne xì‑yá: ―Señor mío, nú ducán nduá, dandu nacate stná‑ní ndahí xì dìní, te màdìá cuisì sàhí.

SAN JUAN 13:9 Iomraidhean Croise

SAN MATEO 27:24

Dandu nì xini Pilatu còò ni‑iñaha níhìndèè‑té, cuisì quesáhá nacuídà fuerte nèhivì mà. Ñàyùcàndùá, nì xìcàn‑te tècuìí, te nì ndaha‑tè, indéhe nsidaa nèhivì mà, te nì cachì‑te xi‑né: ―Yùhù, mà cúnsídá cuàchi nú ni cuí nècuàchì yohó, vàchi còò ni‑iñàha iníhícá‑nê. Chuun xi mii‑nsiá nduá.

SAN JUAN 13:10

Dandu nì cachi‑yà xì‑né: ―Cunaha‑ní, nú làcà nì xichi iin nèhivì, còò necesidad cuchi tu‑ne, vàchi sà‑ìá ndoo inicutu ìcà‑né, cuisì sàhà‑né (cúdi), te ñà‑jaàn xiñuhu ndoo. Te ducán iá stná xì mii‑nsiá vichi, sànì ndoo vàha dahuun anima‑nsià. Doco màdì nsidaa‑nsiá iá ndoo‑nsia.

SAN JUAN 13:8

Dandu nì cachi‑nè xì‑yá: ―¡Còó! ¡Mà nunca cuàhi nacate‑ní sàhí! Te nì cachi tu‑ya xì‑né: ―Nú màsà nácátí sàhà‑ní, mà cúí cunduu‑ní nèhivì xí.

HEBREOS 10:22

Ñàyùcàndùá, màsà yúhî‑ndà datnátuu‑nda anima‑ndà nùù‑yá. Iin‑ni ni cúníhnú ndisa ini‑ndà mii‑yá; ni cúníndísâ víi‑ndayá, màsà cúcáhán‑ndá a jaan á coó. Vàchi sàhà‑ñá nì xìtià nìì‑yá, ñàyùcàndùá sànì ndundoo sàxìnítnùní‑ndà, te có‑dàndòhó gáˋ‑ndó; te ducán queámà na ian sànì xichi‑nda tècuìí limpiu.

1 PEDRO 3:21

Cunaha‑nsiá, ejemplu nduú stná nsidaa ñà‑jaàn, vàchi nduámà nahi ñà‑cùhíì‑ndà tècuìí quìvì vichi, te cácu‑nda sàhà‑ñá nì natiacu Jesucristu. Doco ñà‑cùhíì‑ndà mà, có‑ndùá ñà‑ndundoo uun ñuma ìcà‑ndà, còó; ñà‑xícàn tàhvì‑ndà nùù Dios nduá, divi ñà‑xícàn tàhvì‑ndà ndundoo sàxìnítnùní‑ndà.