ROMANKVDVNG 7:6 - ANU LUGOD N. T. (BSI)

⁶ Cmpige:la su:pak ngolum lujvglurodokkc mclenlvgkunammcbong cdc sikodokkcm okodc ngolum makana:lo ycnggabla lc:tungaji, odomvlojen ngolu aku lujvgluro adgabnamdcmpc germa:yc cmpige:la Yalodok turnamdcmpc.

ROMANKVDVNG 7:6 Iomraidhean Croise

ROMANKVDVNG 1:9

Kapila:nc Ru:ncpvncbv ngok lukanbinnc, sc:kom ngo Bvk Awodok tadponc lutaddcm ngok yalokokki ager gerbidoji, jc ngo mcma:ru:pc nolum lubidung ngok kumdokvdv:do lo:dvscm,

ROMANKVDVNG 12:2

Sc mo:pvsok ikam gvkampc imvn-gvmvnyoka, cmpige:la noluk asinkvdv:dcm anupc mc:la du:nam dagnamcm ila:gvla angupc itoka, odomvlo nolu Ru:ncpvnckc mcngkamdc okkoji cdcm lcngkanbidopc, okodc aidagji odokkc torvgsupcnammcji odokkc aiyo:pc aidagji.

ROMANKVDVNG 6:11

Cdcmpidag nolusin av avkvdvngc pa:b lcgangc sinnc cmna mcngkinsupcnammc odokkc Ru:ncpvnckcpc Kristo Jisu kolo turpcru:nammc.

ROMANKVDVNG 6:19

Ngo tani: lukampc ludung, kapila:nc noluk mo:pvsok tadkino:la:namdokki. Kapila:nc noluk lckoncm alc-alagkvdv:dcm napv:narcmangkolo:pc mclvgnamdcmpc odokkc bottcyangkolokkc bottcya:nc asi:ma:nc agerlo:pc, cdcmpila su:pak noluk alc alakkvdv:dcm dormoagerlo:pc mclvgtoka angunnammcm pa:dopc.

ROMANKVDVNG 6:2

Kapcsin imang! Kapc ngolu sc:kobulu pa:plcgang sinckvdv:dc odo lckoda turra du:ycn?

ROMANKVDVNG 6:22

Cmpige:la su:pak jc nolum pa:blokkc mopvtto odokkc Ru:ncpvnckc pagbopc ikang, pa:latkunamdc nolukkc angunnammc odokkc odok gerterdc, turyarnc turnamdc.

ROMANKVDVNG 6:4

Ngolum cdcmpila Bvk lcdulo agolo lc:to sinamlo:pc baptismo binamdokki, odomvlo jen Kristomc sikolokkcm turmokunamcmpc Abudok amingvnamdokki, ngolusin turnamlok lambcm gvpcnammc.

ROMANKVDVNG 7:1

Nolu kindagyc, bvrokvdvnga– kapcpc ngolu ludung cdc sc:kobulu lujvglurodcm kindagji–jc lujvg-lurodcm tani: akolok turra du:dodcm lurila lc:dag cmna?

ROMANKVDVNG 7:2

Cdcmpinamc amilo gvnc nc:ng akonc lujvg lurodokki bvk milbongdo du:mvnna du:dag cddv longckoi bv turra du:dagji; cmpige:la bvk milbo:dc simvlo bv bvk milbo:dokki sarpaknampc idag lujvglurodok lukampc.

ROMANKVDVNG 7:4

Cdcmv:pc, ngo bvrokvdvnga, nolu lujvglurodokkcpc sitobong Kristokc amvrdokki, odomvlojen nolu amikcpc idopc bvkkcpc sc:kom sikolokkcm turmotokuji ngolujen Ru:ncpvnckcpc a:ycm e:dopc.

2 KORINTIANGKVDVNG 3:6

sc:kobv ru:toji anu lugoddok migom ager gerncpc ngolum motoji, jvgnam lujvglurolo:mang cmpige:la Yalodo; kapila:nc adnam lujvglurodc mokedag, cmpige:la Yalodc turnamcm bidag.

2 KORINTIANGKVDVNG 5:17

Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.

GALATIANG KVDVNG 3:13

Kristobv ngolum lujvg lurodok pelvgnamdokkcm rcpvtto, ngoluk lcga:pc pelvgnampc ige:la–Kapila:nc cdcm attak, “Vsv:lo sc:kom ragsa:donc bv pelvgnampc ika:langka.”

GALATIANG KVDVNG 6:15

Kapila:nc gadpuknamdcmsinmang atvlcgang kvnamdc, cdcmanggom gadpukma:namdc, cmpige:la anupc ru:namdc.

IPESIANG KVDVNG 4:24

Ru:ncpvnck dumsimigmoru:pc ru:nam aropc dormokanamki odokkc angukokki.

PILIPIANG KVDVNG 3:3

Kapcnc ngolu aropc gadpuknamkvdv:dc, sc:kobulu yaloki Ru:ncpvncmc kumdoji, odokkc Kristo Jisukolo amin gvnncji, odokkc adin-amvrlo mc:tinsumang.

KOLOSIANG 3:10

Okodcm kinnamlo anumotakji odok ru:ncdok dumsimigmo ila.