ROMANKVDVNG 7:5 - ANU LUGOD N. T. (BSI)

⁵ Ngolu amvrsok mcngkampc turla du:dodcm, ngoluk pa:b ilv:la mc:namkvdv:dc, lujvglurodokki dowusa:la, sinamlokkcpc a:yc e:dopc ngoluk alcalak kvdv:dc ager gerla dungai.

ROMANKVDVNG 7:5 Iomraidhean Croise

METIU 15:19

Kapila:nc asin ara:bokkc aima:nc mc:nam sagnamc lendag, tani: mokenammc, ami nc:ngcm la:namc amilo gvma:dapc ika:mvnsunammc, dopso:nammc, yadla lubisunamc, aima:pc luka:nam.

JO:N 3:6

Adinkokki adinc, odokkc Yalokokki onamdc yallo.

ROMANKVDVNG 1:26

Sok lcga:pc Ru:ncpvncbv bulum mcngc kama:nam ilvng-gvlv:lo:pc tolvgto. Buluk nc:ngkvdv:dc jontcng ajoncm jonma:pc jongo:to,

ROMANKVDVNG 3:20

Kapila:nc oko taniycmsin Bvk kangkolo ainc cmna lujvg lurodok agerkokki luma:yc, lujvg-lurodokki pa:b kinam a:la:yam.

ROMANKVDVNG 4:15

Kapila:nc lujvglurodc aglvngcm lv:modag, cmpige:la okolo lujvglurro kama:ji odo imur siyarc kamang.

ROMANKVDVNG 5:20

Lujvg-lurodc angkang, imursiyardcm ibarmopc cmna; cmpige:la okolo pa:bc bojcka:ji, ayangc cdc appv:dcmyam bojcyangkang,

ROMANKVDVNG 6:13

Noluk amvramokvdv:dcm pa:plo:pc mclvgyoka aisi:ma:nc agergernanc attarpc idopc, cmpige:la nolu av avkvdv:dcm Ru:ncpvnc kolo:pc tolvglangka sc:ko tani:kvdv:dcm sikolokkcm turmotokuji cdcmpc, odokkc noluk alc alagkvdv:dcm Ru:nc pvnckolo:pc dormo inamlok ager gernanc attarcmpc.

ROMANKVDVNG 6:19

Ngo tani: lukampc ludung, kapila:nc noluk mo:pvsok tadkino:la:namdokki. Kapila:nc noluk lckoncm alc-alagkvdv:dcm napv:narcmangkolo:pc mclvgnamdcmpc odokkc bottcyangkolokkc bottcya:nc asi:ma:nc agerlo:pc, cdcmpila su:pak noluk alc alakkvdv:dcm dormoagerlo:pc mclvgtoka angunnammcm pa:dopc.

ROMANKVDVNG 6:21

Ckvdaggom odo okkom pa:la:daggakun odo su:pakkc oko agerkvdv:dcm nolu anyi:dagaji? Cdc ager kvdv:dok gertcrkvdv:dc sinamai.

ROMANKVDVNG 6:23

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

ROMANKVDVNG 7:23

Cmpige:la ngok alc alakkvdv:so ngo ina-gvnanc kvdv:so lujvg luro akonkoda mimag moka:mvnsuncko dung ngok asinbok lujvg lurodokki odokkc ngom pa:bdok lujvglurodo:pc yc:tumna lc:ncko okodc ngok ina-gvnanc kvdv:do du:dodagdoji.

1 KORINTIANG KVDVNG 15:56

Sinamdok gvdv:dc pa:bc, odokkc sinamdok ilang gvla:dc lujvglurro.

2 KORINTIANGKVDVNG 10:3

Kapila:nc ngolu mo:pvso turra dunggom ngolu mo:pvsok mimagcm mola du:mang,

GALATIANG KVDVNG 3:10

Kapcnc sc:kobulu lujvglurodok agerkvdv:do mc:jvgla kcgc:donc pelvgnammc; kapila:nc cdcm adtag, “lujvgluro potindok adnam appv:dcm adkamdcmpc imanggvma:nc appv:dcm pelvgnampc ika:langka, odokkc cdcmbulum ima:nc.”

GALATIANG KVDVNG 5:24

Odokkc cdc sc:kobulu Kristokcpc idagji Jisukcjc adin amvrdcm kurusdo pvtketo odok mc:nam sagnam dc:mang.

IPESIANG KVDVNG 2:11

Cdcmpidag mc:pa:toka jc nolu ayirkolo adin-amvrlo Ru:ncmc kinma:nc opvnkvdvngai, gadpukma:namc cmna okodcm gadpuknam kvdv:dc gogdagaji; okodcm adinamvrlo alakkokki motoji–

IPESIANG KVDVNG 2:3

Odok buluk ara:lok ngolu appvngc lcko ngoluk adin-amvr mc:boka:bodcmpc turra dungai, amvrdoklang asindok mcngkamdcmpc gvla, odokkc cdcmpila ngolu scwu-sobabki aglvng sa:namlok ommangai, tani:opvnlok ake kvdvngv:dcmpc.

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

TITUS 3:3

Kapila:nc av avycsin po:pc lcko monsi-monba:dagai, agom tadmangai, gvyodla gvdungai bojcrung ilvng-sa:lv:lok mc:bo-ka:bolok pagboai, ngoluk longckvdv:dcm ncka:mvnsula odokkc ncgopogola mclvgla, tani:kvdv:dc tayumna odokkc akoncm akonc tayumla;

JAKOB 1:15

Odo mc:namdc cdvlo cdcm mcnga:dagnc pa:bcm idag; odokkc cdvlo cdc pv:namkopc iycnc sinamcm simodag.

JAKOB 4:1

Okko mimagcm molenmodang, odokkc noluk ara:lo okko pamvnsunamcm lenmodang? Cdc noluk asinkvdv:dok mc:ru-mc:mangkokkima:lang cdc mimag mola du:nc noluk adinamvr kvdv:do?

1 JO:N 3:4

Appvngc sc:koi pa:bcm idagji lujvgluro lukam tadma:nam imursiyar inc kado.