ROMANKVDVNG 7:4 - ANU LUGOD N. T. (BSI)

⁴ Cdcmv:pc, ngo bvrokvdvnga, nolu lujvglurodokkcpc sitobong Kristokc amvrdokki, odomvlojen nolu amikcpc idopc bvkkcpc sc:kom sikolokkcm turmotokuji ngolujen Ru:ncpvnckcpc a:ycm e:dopc.

ROMANKVDVNG 7:4 Iomraidhean Croise

METIU 26:26

Bulu dola:tv:la du:dodcm, Jisubv pitangcm la:sa:to, odokkc, aipai bito, odokkc cdcm pentu:to, odokkc agom tadjvgla gvmvnnc tani:kvdv:dcm cdcm bige:la luto, “La:tok, dotok; sc ngok amvrc.”

MARKKC 4:20

Cmpige:la cdc ainc amo:do pidnamkvdv:dcbuluna sc:kobulu agomdcm taddagnc odokkc cdcm torvgsudag odokkc a:ycm e:dag, vyvng awumkopc odokkc vyvng akkcngko odokkc lvngkokopc.”

JO:N 15:8

Odokki ngok Abubv amin gvdag, odomvlo nolu bojcrungko a:yc gcdopc cmna, odokkc ngok agom tadjvgla gvmvnnc tani:yc cmna lcngkancm ibiyc.

JO:N 3:29

Sckkcpc yamncd du:nc cdc magbodc; magbodok yamgurdc, sc:kobv bvk kcra:do dagla lunamdcm taddagnc, magbodok agomdo airu:pc mc:podag; cdcmpidag sc ngok mc:ponamsc su:pak pvngka:bong.

JO:N 6:51

Ngo:na turnc donamdc okodc taycng amo:tokkc gvidu:ji; sc:koiyc akonc sc donamscm domvlo, bv lo:dvscm turyc: odokkc mo:pvsok lcgangc turnam bipcnam donamdc ngok adinc.”

ROMANKVDVNG 6:11

Cdcmpidag nolusin av avkvdvngc pa:b lcgangc sinnc cmna mcngkinsupcnammc odokkc Ru:ncpvnckcpc Kristo Jisu kolo turpcru:nammc.

ROMANKVDVNG 6:14

Kapcnc pa:bc nolum motapla:ma:ycbong, kapcnc nolu lujvg lurodok kcvgma:bong cmpige:la aya:dok kcvglo:mvn du:la.

ROMANKVDVNG 6:2

Kapcsin imang! Kapc ngolu sc:kobulu pa:plcgang sinckvdv:dc odo lckoda turra du:ycn?

ROMANKVDVNG 6:22

Cmpige:la su:pak jc nolum pa:blokkc mopvtto odokkc Ru:ncpvnckc pagbopc ikang, pa:latkunamdc nolukkc angunnammc odokkc odok gerterdc, turyarnc turnamdc.

ROMANKVDVNG 7:3

Cdcmv:pc bvm ami milbo:lo aima:nc ager germvnsunnc cmyc bvk milbo:dc turra du:du:dom du:mvnmvlo. Cmpige:la bvk milbo:dc simvlo bv odo milbo:dokki gvngudag odokkc angu tani:ko midang momvlo bv aima:n ager gerncpc ima:yc.

ROMANKVDVNG 7:6

Cmpige:la su:pak ngolum lujvglurodokkc mclenlvgkunammcbong cdc sikodokkcm okodc ngolum makana:lo ycnggabla lc:tungaji, odomvlojen ngolu aku lujvgluro adgabnamdcmpc germa:yc cmpige:la Yalodok turnamdcmpc.

ROMANKVDVNG 8:2

Kapila:nc Yalodo du:nc Kristo Jisukolok du:nam dagnamdok lujvglurodc ngom pa:bdokkclang sinamdok lujvg-lurodokkcm motuto.

1 KORINTIANG KVDVNG 10:16

Akirba:d kanc tv:nanc ko:pdcm okodcm ngolu akirba:d bidonc, cdc Kristokc i:do lckopc tv:bosupcnamma:lang? Cdc pita:dcm okodcm ngolu penpordonc, cdc lckopc Kristokc amvrdo penporbosuma:lang?

2 KORINTIANGKVDVNG 11:2

Ngo noluk lcgangc taycng asin dvgnamko dvgdag, Kapila:nc ngo nolum Kristokcpc nolum tadpvrbitung nolum milbong akkongcm bvkkcpc mc:la gvnc yamnckoncmpc.

GALATIANG KVDVNG 3:13

Kristobv ngolum lujvg lurodok pelvgnamdokkcm rcpvtto, ngoluk lcga:pc pelvgnampc ige:la–Kapila:nc cdcm attak, “Vsv:lo sc:kom ragsa:donc bv pelvgnampc ika:langka.”

GALATIANG KVDVNG 5:18

Cmpige:la nolum jodi Yalodokki gvboyc nolu lujvglurodok kcvgpc du:mang.

IPESIANG KVDVNG 2:15

Bvk adindokki luyirla lulvgnamkvdv:do lujvglurodcm odokkc lutcmla lunam lujvglurodcm la:pakla, jc Bv:jen Bvkkolovng anu tani:ko ru:ladopc anyidok dungkodo,

PILIPIANG KVDVNG 1:11

Dormokanamlok a:yckvdv:dc bi:la okodc Jisu Kristokokki gva:doji, Ru:ncpvnckc amin gvnamclang aipai binam lcgangc.

PILIPIANG KVDVNG 4:17

Ngo:jc amandcm maka cdcmpila:mang; cmpige:la nolukkc bojcbomna gvbomnamdcm ngo mado.

KOLOSIANG 1:10

Bvm pv:namkopc mc:lvgsudopc, appvng ainc agerlo a:ycm e:mola odokkc Ru:ncpvnckc kinnamlo bojc bojcla gvdo.

KOLOSIANG 1:22

Bv su:pak Bvk amvrdok adindo Bvk sinamdokki lckomotokubong, nolum angunpc odokkc aima:pc lugcngkama:dopc odokkc aimang cmna luka:la ludopc Bvk kcra:do,

KOLOSIANG 1:6

Tadponc lutaddcm okodc nolukkolo:pc pvngangka:ji, kapc aroru:pc kapc aropakpci mo:pv appv:soi a:yc e:dung odokkc sv:bomna gvdung–cdcmv:pc noluk av-avkvdv:do, noluk taddo longcdokkc odokkc Ru:ncpvnckc aya:dcm tadkintoji arolo.

KOLOSIANG 2:14

oko yc:tumnamdc ngoluk birudi:pc dagridagji odok lugot lujcmdokki luncdcm la:pakge:la; scm bv angupc lc:to, cdcm Kurusdo pvtlvgge:la.

KOLOSIANG 2:20

Nolu jodi Kristokc lcdulo simvnkang Mo:pvsok ncrkvg yalokvdv:do sika:bong, kapila nolu su:paksin mo:pvsokkcmpc turdon? Kapila nolu lujvglurokvdv:do tolvgsudon.

HIBRIUKVDVNG 10:10

Odokkc odo mcngkamdokki ngolum narcdopc mopu:to Jisu Kristokc amvrdcm tolvgla bila lckkattcrcm lo:dvlongkv lcgangc.

1 PITOR 2:24

Bv avdc ngoluk pa:pkvdv:dcm Bvk avkc amvrdo Kurus talc:do jonggcbito, jc ngolu pa:p lcgangc siycpc odokkc dormo kanamlokkcpc turycpc. Bvk tarckvdv:dokki nolum csa:motoku.

LUNGOR LUNAM 19:7

Kajc ngolu mc:pobatsulai odokkc kvnggv:pc mc:polai odokkc Bvm amincm gvmolai, kapcnc Awome:r sobendok midangc pvngangka:bong, odokkc Bv Yamncdc avdc mosv:sutakbong;

LUNGOR LUNAM 21:9

Odokkc kvnvd taycng lutaddok akonc gvlendo sc:kobvkkc kvnvd soriangdc lcddarkc joardc kinamramnamdc bi:nckopc dungaji, odokkc ngom scmpc lula luto, “Kajc gvtok, ngo nom Yamncdcm lcngkanyc,