ROMANKVDVNG 5:8 - ANU LUGOD N. T. (BSI)

⁸ Cmpige:la Ru:ncpvncbv ngoluk lcgangc ayangcm lcngkandag odo cdvlo ngolu papi:la dungaji Kristobv ngoluk lcgangc sibikang.

ROMANKVDVNG 5:8 Iomraidhean Croise

JO:N 15:13

Tani:akonc bvk ajondok lcgangc turnamcmci tolvgbinamcmyam, bottcya:pc aipc mc:namc kamang.

JO:N 3:16

Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.

ROMANKVDVNG 3:5

Ckvdaggom ngoluk aima:namki dormo kamangkoki Ru:ncpvncmc dormo innc cmna lcngkandagmvlo, ngolu okkomna luycn?

ROMANKVDVNG 4:25

sc:komc ngolum imur siyarnamkokki sidopc tolvgtoji odokkc ngoluk aikunam lcgangc turmotokuji.

ROMANKVDVNG 5:20

Lujvg-lurodc angkang, imursiyardcm ibarmopc cmna; cmpige:la okolo pa:bc bojcka:ji, ayangc cdc appv:dcmyam bojcyangkang,

ROMANKVDVNG 5:6

Nolu cdvlo mc:lang-gvla:ma:la dungaji, odo ayirardo Kristobv ngolu aisi:ma:pc inamkvdv:dok lcga:pc sikang.

ROMANKVDVNG 5:7

Kapila dormokanc tani:ako lcgang idaggom kapcji ila sipcgomsinci sagtabla sila:mang.

ROMANKVDVNG 8:32

Sc:ko Bv Bvk avkc Awodcm cmmumpc mctoma:ji cmpige:la ngoluk appvngkcpc bipaktonc, Bv ngolum appvng attarcm Bvkkokki bima:yclang?

ROMANKVDVNG 8:39

cdcmanggom ilanggvlangkvdv:dc, cdcmanggom bottcnc agerc, cdcmanggom taycngcba: kcvgc, cdcmanggom ru:namsok atv attarc, Kristo Jisu ngolu Ru:tumkokki Ru:ncpvncmc aipc mc:namdcm la:pansula:daglang.

GALATIANG KVDVNG 2:20

Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

IPESIANG KVDVNG 2:7

jc a:pcnc dv:tak ayirkvdv:do Bv kvngapla:ma:nam Bvk aya:dok mitcmircm kvdv:dcm ngolum Kristo Jisukolo asin aipc mc:namki lcngkanycpc cmna.

IPESIANG KVDVNG 5:2

Odokkc aipc mcnamlo lambcm gvlangka, kapc Kristobv ngolum aipc mc:toji odokkc Bv avdc ngoluk lcgang sigcbitoji, Ru:ncpvnckolo:pc namponc to:lvgnam odokkc palvgnammcmpc.

1 TIMOTI: 1:16

Odokkc ngo papi:kvdv:dok pa:pkayangarncdc; cmpige:la ngo mc:yinsunam ayangcm odok lcgangc pa:to, jc ngokkolo, kayangarncpc ila, Jisu Kristobv Bvk pv:dannnc mentumsunamdcm kanggod akopc lcngkanpc ila cdc sc:kobulu cdcmbulum Bvm lo:dv longkcm turyarla turnamdok lcgangc mc:jvgpcnamcji.

HIBRIUKVDVNG 8:3

Kapcnc dormo ager gernc bottcnc appvngcm aman kvdvngcm odokkc palvgcm bidopc tolvgtag; cdcmpidag sc dormo ager gerncscmsin o:kaiko bidopc ipc lagidag.

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

1 JO:N 3:16

Odokki ngolu aipc mc:namcm kindag, jc Bvk turnamcm ngoluk lcgangc tolvgto; odokkc ngoluk turnam kvdvngcm bvrokvdv:dok lcgangc tolvgpa:do.