ROMANKVDVNG 5:5 - ANU LUGOD N. T. (BSI)

⁵ odokkc mc:tinc ngolum mc:tinkama:pc imomang, kapila:nc Ru:ncpvnckc aipc mc:namdcm ngoluk asinbo pva:lvgtagbong Angunnc Yalodokki okodcm ngolum bitu:ji.

ROMANKVDVNG 5:5 Iomraidhean Croise

AGER KVDVNG 10:45

Odokkc gadpuknam kvdv:dok mc:jvgnckvdv:dc sc:kobulu Pitorkc lcdulo du:mvndungaji mc:la mcngabla:tomang, lcga:dc Angu opvn kvdv:dok tayc:lo:sinci Angunnc Yalodok amancm bito.

AGER KVDVNG 2:17

‘Odokkc gvngab longcdo cdcmpc iyc Ru:ncpvncbv luto, jc Ngok Yallom ngo tani: opvn appv:lo to:rumlvgyc, odokkc noluk awokvdv:dc odokkc noluk omckvdv:dc lungor agomcm lugo:yc, odokkc noluk ya:me ko:kvdv:dc kangorcm ka:yc.

AGER KVDVNG 2:33

Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.

ROMANKVDVNG 1:7

Ro:mdo Ru:ncpvnckc aipc mc:nam appv:do:pc, sc:kobulum angunnc tani:pc gogtoji bulukkolo:pc: Ngoluk Abu Ru:ncpvnckolokkc nolukkolo:pc ayangc mc:po odokkc Ru:tum Jisu Kristokolokkc.

ROMANKVDVNG 8:28

Ngolu kindag jc appv:lo Ru:ncpvncbv ainam lcgangc agercm gerdag sc:kobulu Bvm aipc mc:dagji, sc:kobulu Bvk mcngkamppc gogtagji.

ROMANKVDVNG 9:33

Bulu lcsutsuko vlv:do lcsutsuto, cdcm adla lcngkamdcmpc, “Ka:tok, ngo Jiondo vlvngko lc:tung cdc tani:kvdv:dcm lcsutsumoyc, rakut vlvngko cdc bulum otapmoyc; odokkc sc:kobv Bvm mc:jvgycnc bvm anyi:sumoma:yc.”

1 KORINTIANG KVDVNG 8:3

Cmpige:la akonc Ru:ncpvncmc aipc mc:mvlo, Bvkkokki akonc kinnampc idag.

2 KORINTIANGKVDVNG 1:22

Bvk tubjedcm ngolukkolo tublvgto odokkc Bvk Yallom ngoluk asin ara:bo bino:la arorungc cmna bito.

2 KORINTIANGKVDVNG 13:14

Ru:tum Jisu Kristokc aya:dc odokkc Ru:ncpnckc aipc mc:namdc odokkc Angunnc Yalodok du:jonnamdc noluk appvngkc lcdulo dungka:langka.

2 KORINTIANGKVDVNG 3:18

Odokkc ngolu appvngc, ungkomma:nam nappangkokki, Ru:tumkc amin gvnamdcm ka:la du:nckvdvngc kapc lcko dungaji odokkc cdc amingvnamdokkc akono:pc Ru:tumkcpc imvnla dung; kapila:nc cdc Ru:tumkolokkc pa:do sc:kobv Yalloa:ji.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

GALATIANG KVDVNG 4:6

Odokkc nolu awa:pc inamc, Ru:ncpvncbv Bvk Awodok Yalodcm noluk alakkvdv:do:pc mca:lvgto, jc:la lula, “Abba! Ba:ba!”

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

IPESIANG KVDVNG 1:13

Bvkkolo nolusin, sc:kobulu aro agomdcm attonc, noluk moturnamdok tadponc lutaddcm, odokkc Bvm mc:jvgtonc, pesunam angunnc Yalodokki tubjet lvgtungai.

IPESIANG KVDVNG 4:30

Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc.

PILIPIANG KVDVNG 1:20

Cdcm kapc ngo kvnggv:pc toka:la mc:doji odokkc mc:dag jc ngo cmpcsin anyv:suma:yc, cmpige:la jc asinc kvnggv:pc migang ga:la su:pak lo:dvpc kapc Kristomc mcnggcycnc ngok amvrro, turnamkokki cdcmanggom sinamkokki.

1 TISSALONIANG 4:8

Cdcmpidag sc:kobv:i cdcm tadka:ma:ycnc, tani:ycm mcnggcma:pc imang cmpige:la Ru:ncpvncmcmvn, sc:kobv Bvk Angunnc Yalodcm nolum bitoji.

2 TISSALONIANG 2:16

Su:pak ngoluk Ru:tum Jisu Kristobv avdc, odokkc Ru:ncpvncbv ngoluk Abudc, sc:kobv ngolum aipc mc:tonc odokkc lo:dv longkvpc du:nc du:podu:pa:dcm bitonc odokkc ainc mc:tindcm ayangkokki,

2 TIMOTI 1:12

Cmpige:la ngo anyi:mang, kapcnc ngo kindag sc:kom ngo mc:jvgdoji, odokkc ngo kindagrung jc Bv cdc Longcdc pvnga:dodo:pc ka:ribomla du:la:dag okodcm ngom lugablvgtagji.

1 JO:N 4:19

Ngolu aipc mc:dag, kapila:nc Bv ngolum aipc mc:po:to.