ROMANKVDVNG 5:2 - ANU LUGOD N. T. (BSI)

² Bvkkokki ngolu sc aya:so:pc gva:begto ngolu oko ara:lo dagdu:ji, odokkc ngolu Ru:ncpvnck aipaidcm ngolu lukonsula mc:pomola:do.

ROMANKVDVNG 5:2 Iomraidhean Croise

METIU 25:21

Bvk ru:tumdc bvm luto, ‘no adjiodo:sin mc:dap darapto, ngo nom bojcru:lokkcp togc:lvgyc; nok ru:tumkc mc:podo mc:pomvntoka.’

JO:N 10:7

Cdcmpila Jisubv bulum lckoda lubito, “Aroru:pc, aroru:pc, ngo nolum lubidung, ngo bera sobenkvdv:dok yabgodc.

JO:N 10:9

Ngo yabgodc; sc:koiyc ngogkolok gva:mvlo, bvm moturyc, odokkc gvlenycsin gva:ycsin odokkc dogongkowycm pa:yc.

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 5:24

Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

AGER KVDVNG 14:27

Odokkc cdvlo bulu ko:pv:toji, bulu mondoli:dok tani:kvdv:dcm lckko:pc gokkumsuto odokkc Ru:ncbv bulukkokki gernam appv:dcm lubiamtoku, odokkc kapc Bv tani:kvdv:dok ara:lo mc:jvglok yabgoko moge:toji.

ROMANKVDVNG 11:20

Bulu dvrsotkang kapila:nc buluk mc:jvgma:namkokki, cmpige:la no mc:jvgla:yam dagla dung. Cdcmpidag pcsso tcm-tcmla du:langka.

ROMANKVDVNG 12:12

Noluk mc:tinnamdo mc:pomcngantoka, ipusire:dowcm mentumsulangka, kumnamcm kumtvla du:langka.

ROMANKVDVNG 14:4

No sc:kobv:n amikc ager gerya:nckoncm aidag aimang cmna lupcncdc? Cdc bvk avkc ru:tumdok kcra:do:mvn bv dagdo cdcmanggom otabdo. Odokkc bvm bottcmoyc, kapila:nc Ru:tumdc bvm dagmola:dag.

ROMANKVDVNG 15:13

Mc:tomnamdok Ru:ncpvncbv nolum appvng mc:po mcngancm bimoteika odokkc mc:jvgkoko mcnganc, odomvlo jen Angunnc yalodok ilang-gvlang kokki nolu mc:tomlo du:ycpc.

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

ROMANKVDVNG 3:23

appvngc pa:bcm ila:yam odokkc Ru:ncpvnckc amin gvnamdokkc opakletkang,

ROMANKVDVNG 5:5

odokkc mc:tinc ngolum mc:tinkama:pc imomang, kapila:nc Ru:ncpvnckc aipc mc:namdcm ngoluk asinbo pva:lvgtagbong Angunnc Yalodokki okodcm ngolum bitu:ji.

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

ROMANKVDVNG 8:24

Kapila:nc cdc mc:tindokki ngolum moturto. Su:pak ka:begnam mc:tindc mc:tinmang. Kapila:nc sc:konu okkom bv ka:begdagji mc:tindon?

1 KORINTIANG KVDVNG 15:1

Su:pak ngo nolum mc:pa:moycku, bvrrangkvdvnga, oko gomugki ngo nolum tadponc lutaddcm lubikan, okodcm nolu tadlvgsutoji, okodo nolu dagdu:ji,

2 KORINTIANGKVDVNG 3:18

Odokkc ngolu appvngc, ungkomma:nam nappangkokki, Ru:tumkc amin gvnamdcm ka:la du:nckvdvngc kapc lcko dungaji odokkc cdc amingvnamdokkc akono:pc Ru:tumkcpc imvnla dung; kapila:nc cdc Ru:tumkolokkc pa:do sc:kobv Yalloa:ji.

2 KORINTIANGKVDVNG 4:17

Kapila:nc sc adji:oko vgcmpc ipusire: pa:namsc ngolum cdvlosin yogma:nc bottcru:nc amin gvnclo:pc mosv:dung okkomsin luyv:sunam kama:pc.

IPESIANG KVDVNG 2:18

Kapila:nc Bvkkokki ngolu anyipagc Yalo akkolo Abukodo:pc gva:napc gva:langcm pa:to.

IPESIANG KVDVNG 3:12

sckkolo ngolukkc asin pvtala du:namc odokkc asin kvnggv:nammc du:ji Bvkkolo ngolukkc mc:jvgc kcra:pc gva:nanc du:la.

IPESIANG KVDVNG 6:13

Cdcmpidag Ru:ncpvnckc mimag moddom gcnam attar appv:dcm la:toka, jc nolu aima:nc longckvdv:do morasula:ycpc, odokkc appv:dcm ingapgge:la, dagrobpc.

2 TISSALONIANG 2:16

Su:pak ngoluk Ru:tum Jisu Kristobv avdc, odokkc Ru:ncpvncbv ngoluk Abudc, sc:kobv ngolum aipc mc:tonc odokkc lo:dv longkvpc du:nc du:podu:pa:dcm bitonc odokkc ainc mc:tindcm ayangkokki,

HIBRIUKVDVNG 3:6

cmpige:la Kristobv awo akoncmpc Ru:ncpvnckc okumdo mc:jvgjvrvgdagai. Odokkc ngolu Bvk okumc ngolu jodi mc:tinsutvla du:mvlo odokkc ngoluk mc:tinno bottcpc mc:sutvmvlo.

HIBRIUKVDVNG 6:18

Bv pesubinamkokki pongkokdo du:bito, odomvlojen angumola:ma:nam attarki, okodokki cdcm ila:mang jc Ru:ncpvncbv lume:yc cmna aropc lcngkanpa:mang, ngolu sc:kobulu dugrasula dungkodo:pc dugsitoji kvnggv:pc lusv:lvgnam mc:motonc ngoluk ka:pc lcngkanpc mc:tindcm motumdopc.

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

LUNGOR LUNAM 21:11

Ru:ncpvnckc amin gvla, odok dorbu:namdc cmpcsin pa:la:manam dogncpc ila, do:nyi apvkoncmpc idagncmpc, arscmpc narc:la.

LUNGOR LUNAM 21:23

Odokkc cdc nogordc oko do:nycmsin cdcmanggom po:lom odok tayc:do ka:mopc mapcnam katomang, kapcnc Ru:ncpvnckc amin gvnamdci odok pva:dc, odokkc odok saki:dc cdc Awome:r sobendc.

LUNGOR LUNAM 21:3

odokkc ngo bottapaknc gomugko migomdungkodokkc ludopc ngo tatto, “Ka:toka, tani:kvdv:dok lcdulo Ru:ncpvnckc du:nam dagnamc. Bv buluk lcdulo du:mvnyc, odokkc bulu Bvk tani:pc iyc, odokkc Ru:ncpvncbv avdci buluk lcdulo du:mvnyc;

LUNGOR LUNAM 3:21

Sc:kobv mopvdonc, ngo bvm ngok migom dungkodo du:mvndopc du:mvnmoyc, kapc ngo avycsin mopvtoji odokkc ngok Abudokki bvk migom dungkodo teddoji.