18 Mc:tin kamangkolo bv mc:jvgla mc:tinto, jc bv bojcrung opvnlok abupc ipa:do; bvm lunamdcmpc, “Cdcmpc nok opvnkvdv:dcm iyc.”
Odo Jakaria:bv taycng among lutad luncdcm luto, “kapc ngo cdcm kinycn? Kapila:nc ngo mvjvng tani:yc, odokkc ngok nc:dcsin sv:tcrsula mincka:bong.”
Cdcmpidag, ansutoka tani:kvdvnga, kapila:nc ngokkc Ru:ncpvncmc mc:jvgc dung jc cdc ngom lukamardcmpc iyc.
“Ngo nom ope:ncgvng abaru:lok abupc ru:tu:bong” –bv sc:kom mc:jvgdagji cdc Ru:ncpvncdok ka:de:pc, sc:kobv sinncm turnam bidagji odokkc attar kama:ncm kadopc gogdagji.
Bv mc:jvglo rcmagmomangai bvk avkc amvrc cdvlo bv mc:sutoji, okodc sinncmpc idagagom aidagaji kapila:nc bv lvngko dv:takkvramko sv:namc idagaboi, cdcmanggom bv cdvlo Sara:kc amvrdcm ommang kama:namdcm mcngkaji.
odokkc mc:tinc ngolum mc:tinkama:pc imomang, kapila:nc Ru:ncpvnckc aipc mc:namdcm ngoluk asinbo pva:lvgtagbong Angunnc Yalodokki okodcm ngolum bitu:ji.
Kapila:nc cdc mc:tindokki ngolum moturto. Su:pak ka:begnam mc:tindc mc:tinmang. Kapila:nc sc:konu okkom bv ka:begdagji mc:tindon?
Ngolukkc sc yalodok arorungc dung odokkc lo:dvpc du:nc ollung ke:tumsunanc, mc:tinko kumko okumdok arang sorkomnam gasor kekondo:pc gva:nanc,