ROMANKVDVNG 3:4 - ANU LUGOD N. T. (BSI)

⁴ Kapcsin ima:yc! Ru:ncpvncbv aroka:langka appvng tani:yc lume:daggom, cdcm adla lc:namdcmpc, “Jc no nok agomlo arro cmna luycpc, odokkc nom kcba: ba:dodo:sin mopvsuycpc.”

ROMANKVDVNG 3:4 Iomraidhean Croise

METIU 11:19

Tani:kc Awodc gvla doto odokkc tv:to, odokkc bulu ludag, ‘ka:tok, dorvncko odokkc kvngv:pc apo:tv:ncko, migom murkong urkumsunckvdv:dok odokkc papi:kvdv:dok ajonc!’ Ckvdaggom ainc agomdc Bvk agerkvdv:dokki aidag cmna ludo.”

LU:KKC 20:16

Bv gvyc odokkc cdc arvg inc appv:dcm mokkeyamyc, odokkc angur arvgdcm ammem bingapyc.” Bulu cdvlo cdcm tattoji, bulu luto, “Ru:tumbv cdcmpc imomangka:langka!”

JO:N 3:33

sc:kobv Bvk lukamdcm taddagnc Bvk tubjeddcm scmpc tublvgdag, jc Ru:ncpvncbv arro.

ROMANKVDVNG 11:1

Ngo cmpcmvlo, tawudung, Ru:ncpvncbv Bvk tani:kvdv:dcm aimang cmna mcpaktonci? Kapcsinmang! Ngo avavyc Israel tani:ko, Abrahamkolok lennc, Benjaminkc ope:dok akonc.

ROMANKVDVNG 11:11

Cdcmpila ngo tawudung, bulu otappc lcsutsutonci? Kapcsin cdcmpcmang! Cmpige:la buluk imursiyarkokki Angu tani:kvdv:do:pc mopvdc pvngangkang, cdcmpc Israeldcm ncdopc imopc cmna.

ROMANKVDVNG 3:31

Cdcmpcmvlo ngolu lujvglurodcm sc mc:jvgsokki yogpakmodu:nci? Kapcsinmang! Kekonpc, ngolu lujvg lurodcm kvnggv:pc dungkamdcmpc du:mu:dung.

ROMANKVDVNG 6:15

Cmpcm okkon? Ngolu pa:bcm ipa:donci ngolu lujvg lurodok kcvgpc du:ma:la cmpige:la aya:dok kcvglo du:la? Kapcsin cdcmpc ima:pcka!

ROMANKVDVNG 6:2

Kapcsin imang! Kapc ngolu sc:kobulu pa:plcgang sinckvdv:dc odo lckoda turra du:ycn?

ROMANKVDVNG 7:13

Cdc okodc aidagji, cmpcmvlo, ngom mokedagnci? Kapcsin cdcmpcmang! Cdc pa:bdcai, sinamcm ngokkolo a:mola dungaji okodc aidagji odokki, cdcmpc ipcla jc pa:bdcm pa:bc cmna kinpcnampc kindopc, odokkc kvnggv:pc lulvgnamdokki kvngabla:ma:dopc pa:bincpc iycpc cmna.

ROMANKVDVNG 7:7

Okkom ngolu cmpcm luycn? Lujvglurodc pa:bc cmnai? Kapcsinmang! Ckvdaggom, cdc lujvglurdokkcpc imangamvlo, ngo pa:bcm kinma:ya:pc. Ngo lujvglurodcm lukanbima:ya:mvlo ilv-sa:lv:dc okkoji kinma:ya:pc, “No ilvng-gvlv:yoka.”

ROMANKVDVNG 9:14

Okkom cmna cmpcmvlo ngolu luycn? Ru:ncpvnckolo imur agerc du:nci?

1 KORINTIANG KVDVNG 6:15

Nolu kinma:nci jc noluk amvrkvdv:dc Kristokc ager gerjonc cmna? Ngo cdcmpidag Kristokc ager gerjondcm la:ycnci odokkc bulum aminc:ng langgo:nam ager gerjonpc imoycnci?

2 KORINTIANGKVDVNG 1:18

Aroru:pc kapc Ru:ncpvncbv mc:jvg jvrvgdagnc, ngoluk nolum lunam agomkvdv:dc C: odokkc Ma: cmtomang.

GALATIANG KVDVNG 2:17

Cmpige:la jodi, ngoluk aipc gernam agerkvdv:dokki Kristokolo ainc cmna luyc, ngolu avycm avyc papi: cmna kinsuto, Kristobv cmpcmvlo pa:blo igcsanggcbonnci? Cdcmpc ima:rungkc!

GALATIANG KVDVNG 2:21

Ngo Ru:ncpvnckc aya:dcm lupakmang; kapila:nc jodi aidag cmnamdc lujvglurodokki ludagamvlo, cmpcmvlo Kristobv atv agom kama:pc sikang.

GALATIANG KVDVNG 6:14

Ckvdaggom Ru:tum Jisu Kristokc Kurusdokma:pc ngokkolokkc cdc amin gvnamdc mo:tcngka:langka, odokkci rcngamscm ngokkcpc Kurusdo lvgto, odokkc ngo rcngamsokkcpc.

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

TITUS 1:2

lo:dv-longkvpc turnamdok mc:tindcm okodcm Ru:ncpvncbv,

HIBRIUKVDVNG 6:18

Bv pesubinamkokki pongkokdo du:bito, odomvlojen angumola:ma:nam attarki, okodokki cdcm ila:mang jc Ru:ncpvncbv lume:yc cmna aropc lcngkanpa:mang, ngolu sc:kobulu dugrasula dungkodo:pc dugsitoji kvnggv:pc lusv:lvgnam mc:motonc ngoluk ka:pc lcngkanpc mc:tindcm motumdopc.

1 JO:N 5:10

Sc:kobv Ru:ncpvnckc Awodo mc:jvgtonc bvk avyvngkolo lukanbinamdc dung. Sc:kobv Ru:ncpvncmc mc:jvgma:nc, Bvm lume: lunckopc ludag, lcga:dc bv Ru:ncpvnckc lukanbinamdcm mc:jvgtomang jc Ru:ncpvncbv Bvk Awodcm lubinamdcm.

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

LUNGOR LUNAM 3:7

“Odokkc Piledelpia:dok taycng among lutad lunckvdv:do:pc: “Angunncdok agomkvdv:dcm, cdc aronc akodokkcm, sckkc Dawidkc sabi:dc du:ji, sc:kobv moge:dagji odokkc sc:kobv:sin mokapla:maji, sc:kobv mokapdagji odokkc sc:kobv:sin moge:la:mang.