ROMANKVDVNG 2:9 - ANU LUGOD N. T. (BSI)

⁹ Sc:kobv aisi:ma:nc agercm gerdagji appv: tani:yc aglvngcmnang dcmkosunam pa:yc, Jiwukvdv:dc panga:po:yc odokkc Girik kvdv:dcsin,

ROMANKVDVNG 2:9 Iomraidhean Croise

METIU 16:26

Kapila:nc tani: akodokkcpc bv sc mo:pv rcngam appv:scm pa:do odokkc bvk avkc turnamdcm yogmodomvlo cdc okkom pa:ycn? Cdcmanggom tani: akonc bvk turnamdok lcgangc okkom bila:ycn?

LU:KKC 24:47

odokkc tani: rcngam appv:so pa:plokkcm mc:yinsukunammcm lutadam bipcnammc, Jerusalemdokkc lurobbomna.

AGER KVDVNG 11:18

Cdvlo bulu cdcm tadtoji bulu aso:pc dungapkang odokkc bulu Ru:ncpvncmc amincm gvmoto, scmpc lula, “Cmpcmvlo Angu opvnkvdv:dcmsin Ru:ncpvncbv turnamcm pa:dokupc asin mc:dvrra mcngkutsunamcm bitu:bong.”

AGER KVDVNG 13:26

“Bvrrang kvdvnga, Abrahamkc ope:lok awangkvdvnga, odokkc nolukkolok sc:kobulu Ru:ncpvncmc pcsodagnc, ngolukkolo:pc sc moturnam lutadscm mclvgtagai.

AGER KVDVNG 20:21

Jiwucmnang Girik kvdvng anyipaklo Ru:ncpvnc kolo:pc asinc mc:dvrra mc:latsukunammcm nang Ru:tum Jisu Kristokolo mc:jvgnammcm.

AGER KVDVNG 26:20

cmpige:la Damasku:dokkc kvdv:do:pc lutadbipo:to odokkc, odokkc Jerusalemdokkc kvdv:do:pc odokkc Judia:dok dunggong do:lung appv:do, odokkc Angu tani:appv:do, bulu jen asinc mc:dvrra mc:latsulangkula Ru:ncpvnckolo:pc gvlatyckupc odokkc buluk mc:dvrra mc:latsukunamdcmpc agercm gerycpc.

AGER KVDVNG 28:17

Lowum longc lcdudo bv odok du:tc:dok du:nc Jiwu igur-gvgurnc kvdv:dcm gokkumsuto; odokkc cdvlo bulu gvkumsutoji, bv bulum luto, “Bvrokvdvnga, ngo tani:kvdv:dok biru:di:pc okkomsin imanggom ngoluk abukvdv:dok itc-gvtcng ma:dcmpc, ckvdaggom ngom Jerusalemdokkc makana:lo tumnampc Roman alagkvdv:dc tolvgto.

AGER KVDVNG 28:28

“Cdcmpcmvlo cdcm nolum kinabmokang ka:langka jc sc Ru:ncpvnckc mopvtsc Ru:ncmc kinma:nc kvdv:do:pc mclvgtagbong; bulu tadycpc.”

AGER KVDVNG 3:26

Ru:ncpvncbv Bvk ager gerya:ncdcm turmoge:kula, nolukkolo:pc mclvgpo:danto, nolum akhirba:d bipc cmna noluk appvngkc aima:nc agerlokkc gvladamkumvlo.”

ROMANKVDVNG 1:16

Kapcnc ngo tadponc lutaddcm lubipc anyi:mang: cdc Ru:ncpnckc ilang-gvlang turnam lcganc sckkc mc:jvgc du:ji appv:lo, Jiwu kvdv:do:pc lupo:danna odokkc Girik kvdv:do:pcsin.

ROMANKVDVNG 10:12

Kapila:nc angupc lunamc okkosin kamang Jiwukvdv:doklang Girikdok; cdc Ru:tumv:dc appv:lok Ru:tumdc odokkc Bvk mitcmircmcm Bvm gognc appv:dcm bidag.

ROMANKVDVNG 2:10

cmpige:la amin gvnamc mcnggcnammc odokkc mc:po mcnganc appvngkcpc iycpc sc:ko ainc agercm gerdagji, Jiwu kvdv:dc panga:po:danna odokkc Girikkvdv:dc:sin.

ROMANKVDVNG 8:35

Ngolum sc:ko Kristokc aipc mc:namdokkcm la:pansula:ycn? Asin mc:dvrc la:pansuycnc, cdcmanggom ipusire:yc cdcmanggom mogvtomomatnammc, cdcmanggom dobegtv:begma:namc, cdcmanggom gcbeg bombegma:namc, cdcmanggom sipcturpcnammc, cdcmanggom madsvgc?

ROMANKVDVNG 9:24

Jiwu kvdvngodokkcmmang cmpige:la Angu tani:kvdv:dokkcmsin?

GALATIANG KVDVNG 3:28

Jiwucba: Girikko odo kamang, pagbokoba: motunamko kamang, milbongkoba: nc:vgko kamang; kapila:nc nolu appvngc Kristo Jisukolo akkongc.

KOLOSIANG 3:11

Sido Girikkolang Jiwukopc ilangcima:bong, gadpuknammclang odokkc gadpukma:namc, okkomsin kinma:nc tani:yc, Skiti:yc, pagbo, moge:lvgnam tani:yc, cmpige:la Kristobv appvngc, odokkc appv:lo.

2 TISSALONIANG 1:6

okodokkc aropakpci Ru:ncpvncbv cdcm mcngka:la ka:dag arodopc du:gkostokokki bilatsudopc cdc sc:kobulu nolum du:g kostom bidagji.

1 PITOR 4:17

Kapcnc ayirdc pvngangka:bong Ru:ncpvnckc okum cra:dokkc ba:robpc kcbang ba:pc; odokkc cdc jodi ngolukkolo ba:robmvlo, odokbuluk ba:tcrdc okopc iycji cdc sc:kobulu Ru:ncpvnckc tadponc lutaddcm tadma:nckvdv:dokkc?