ROMANKVDVNG 16:7 - ANU LUGOD N. T. (BSI)

⁷ Andronikumc odokkc Junia:mc kumtadbilangka, ngok ope:ncgvngc odokkc ngok makana:lo du:jonc; bulu mclvgla ager gernamkvdv:dok amin gvnc tani:yc, odokkc ngokkcmyam po:pc bulu Kristokolo dungai.

ROMANKVDVNG 16:7 Iomraidhean Croise

JO:N 14:20

Odo longcdo nolu kinycpc ngo:jc ngok Abukolo du:dag cmna, odokkc nolu ngokkolo, odokkc ngo nolukkolo.

JO:N 15:2

Ngok a:yc e:ma:nc rcngke: appv:dcm, Bv papagamdag, odokkc a:yc e:nc rcngke: appv:dcm Bv papu:lvgdag, odomvlojen cdc bojcrungko a:yc e:ycpc cmna.

JO:N 6:56

Sc:kobv ngok adincm doycji odokkc ngok i:ycm tv:ycji ngok dungkodo lcdulo du:mvn-dagmvndag, odokkc ngo:sin bvk dungkolo du:mvndo.

ROMANKVDVNG 16:10

Apelle:mc kumtadsubilang, sc:komc Kristokolo ainc cmna lutoji. Aristobulukc ope:dokkcpc inckvdv:dcm kumtadsubilang.

ROMANKVDVNG 16:11

Ngok ope:ncgvng Herodionmc kumtadsubilang. Sc:kobulu Ru:tumkcpc du:nc sc:kobulu Narkisukc ope:dokkcpc idagnc cdcmbulum kumtadsubilang. Cdc Ru:tumkolo ager gernckvdv:dcm kumtadsubilang,

ROMANKVDVNG 16:21

Timoti:bv, ngok ager gerjonc, nolum kumtadsudag; cdcmv:pc Lusiubv odokkc Jasonbv odokkc Sosipaterbv, ngok ope:ncgv:dc.

ROMANKVDVNG 16:3

Priska:mclang Akila:mc aipai cmtadlang, Kristo Jisukolo ngok ajon ager gerjonc,

ROMANKVDVNG 16:6

Meri:mc kumtadsubilang, sc:kobv ngoluk ara:lo kvnggv:pc ager gertoji.

ROMANKVDVNG 16:8

Amplia:tumc kumtadsubilangka, Ru:tumkolo ngok aipc mc:namdcm.

ROMANKVDVNG 16:9

Urbanumc kumtadsubilang, Kristokolo ngoluk ager gerjondcm, odokkc ngok aipc mc:nam Istaykumc.

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

ROMANKVDVNG 8:11

Bvk yalodc sc:kobv Jisumc sikolokkcm turmotokuji nolukkolo du:mv-dagmvlo, sc:kobv Jisumc sikolokkcm turmotokuji noluk sikunc amvrkvdv:dcmsin turnamcm Bvk Yalodokki biyc okodc nolukkolo du:do dagdoji.

ROMANKVDVNG 9:3

Kapila:nc ngo kindagjc ngo av avci pelvgnampc pelvgkosupc mc:la:dagai odokkc ngok bvrrangkvdv:dok lcgangc Kristokolokkc mc:panmvsula:ya:pc, ngok ope:kvdv:dokkc opvnkokki.

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

2 KORINTIANGKVDVNG 11:23

Ngo:sin cdcmpc? Bulu Kristok ager gerya:nci? Ngo aiya:nc ako–ngo simadnc tani:koncmpc ludung–bojcru:yangko bottaya:nc agerkokki, bojcru:yangko makana:lo tumkosula, kvngapla:ma:namko dcmkosula, odokkc lckko: lckko:lo sipcmna ila.

2 KORINTIANGKVDVNG 12:2

Ngo tani: akoncm kindag Kristokolo sc:kobvm dv:tak tagyvngkolang takpi:ko po:pc taycng among awumpc dc:sa:moto– amvrtc:tc:pc manggom cdcmanggom amvrkama:pc ngo kinmang, Ru:ncpvncbv kindag.

2 KORINTIANGKVDVNG 5:17

Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

GALATIANG KVDVNG 1:22

Odokkc ngo odosin ngom Kristokc mondoli:kvdv:dc Judiadok ka:de:pc kinmangada; bulu tadlangong dungai cdcm ludag,

GALATIANG KVDVNG 2:2

Ngo lungor lunamki gvto; odokkc ngo buluk kcra:do (atckpc cmpige:la sc:kobulu amin gvdagaji buluk kcra:do) tadponc lutaddcm lubito okodcm ngo angu tani:kvdv:dok kcra:lo lutadbitoji; ckvma:mvlo ngo kapcjila ngo ipusire:ycm pa:ycpc cdcmanggom cmmumpc ipusire: pa:to.

GALATIANG KVDVNG 2:6

Odokkc cdc sc:kobulu amin gvdagaji o:kaiko cmna (okodcm bulu ngokkokki angumotoma:ji; Ru:ncpvncbv oko atcgcmsin lcngkanmang) –cdcmbulum, ngo ludung, sc:kobulu amin gvdagaji okkomsin ngokkolo mosettmang.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

GALATIANG KVDVNG 6:15

Kapila:nc gadpuknamdcmsinmang atvlcgang kvnamdc, cdcmanggom gadpukma:namdc, cmpige:la anupc ru:namdc.

IPESIANG KVDVNG 2:10

Kapcnc ngolu Bvk ager gernc, Kristo Jisukolo ainc ager lcgangc ru:namc, okodcm Ru:npvncbv po:pcbong ru:toji, jc ngolu odokbuluk ara:do gvpcnammc.

KOLOSIANG 4:10

Aristarku:bv ngok makana:lo du:jondc nolum kumtadsudag, odokkc Barnaba:kc ka:kvdok awo Markbv (sckkc agom lcgangc nolu luyircm torvgsutonc–bv nolukkodo:pc gvmvlo, bvm torvgsulangka,)

PILEMON 1:23

Ipaprasbv Kristo Jisukolo ngok makana:lo du:jondc, nolum kumtadsunamcm kumlvgdag,

1 JO:N 4:13

Odokki ngolu kindag jc ngolu Bvkkolo du:mvndag odokkc Bv ngolukkolo, lcga:dc Bv ngolum Bvk avkc Yalodcm bitobong.

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

LUNGOR LUNAM 1:9

Ngo noluk bvro Jo:nbv, sc:kobv noluk lcdulo Jisukolo asin mc:dvrdcm mc:mvndagnc odokkc cdc migom doko mo:pv:dcm odokkc cdc du:tvdanna mentumsula du:donc, Patmo cmnam siycng amongkolo Ru:ncpvnckc agomclang Jisu Kristokc lukan lubinam lcgangc dungai.