ROMANKVDVNG 15:3 - ANU LUGOD N. T. (BSI)

³ Kapila:nc Kristobv avdc avycm aipc mc:tv:sumomangai; cmpige:la, cdcm adla lc:namdcmpc, “nom aisi:ma:pc lugc:nc kvdv:dok lugcnamdc ngokkolo pa:to.”

ROMANKVDVNG 15:3 Iomraidhean Croise

METIU 10:25

Agom tadjvgla gvmvnnc tani:dokkcpc bvk luyirncdcmpc inamdci pv:dag, odokkc pagbodc bvk ru:tumdcmpc inamdci pv:sepv:yedag. Bulu okum cra:dok ru:tumdcmci Belsobub cmyc, cddvk abayangko lubarla bulu cra:dok luggcm gcync!

METIU 26:39

Odokkc adjioko gvbadla Bv pogbumna kumto, “Ngok Abu, cdcm ila:ycmvlo, sc bati:scm ngokkolokkcm la:paktei; cmpidaggom, ngok mcngkamdcmpcmang, cmpige:la nok mcngkamdcmpc.”

METIU 26:42

Lckoda, Bv gc:rkang odokkc kumto; “Ngok Abu, cdcm ngok tv:ma:takam gc:rma:mvlo, nok mcngkamdcmpci ika:langka.”

METIU 27:44

odokkc rotkutnc kvdv:dc sc:kobulum Bvk lcdulo Kuruslo moketonc bulusin Bvm cdcmv:pc aisi:ma:pc luto.

JO:N 15:10

Nolu ngok lulvgnam agomkvdv:dcm mcnggabla tadmvlo, nolu ngok aipc mc:namdo du:tvyc, ngok Abukc lulvgnam agomkvdv:dcm mcnggabla tadkamardcmpc odokkc Bvk aipc mc:namdo du:do.

JO:N 15:24

Ngo sc:kosin ima:nam agerko buluk ara:lo gertomvlo, bulu pa:bcm ima:ya:pc; cmpige:la su:pak bulu ka:tobong odokkc ngomna: Abumc anyipagcm tayumto.

JO:N 4:34

Jisubv bulum luto, “Ngok apindc Bvk mcngkampc ager gernamdc sc:kobv ngom mclvgtagji, odokkc Bvk agerdcm ingapdopc.

JO:N 5:30

“Ngo avkc ilang-gvlangkokki okkomsin ila:mang; ngok tannamdcmpc, ngo kcbangcm ba:do; odokkc ngok kcba:dc arodag, kapila:nc ngok mcngkamcm ngo mamang cmpige:la Bvk mcngkamcm mado sc:ko ngom mclvgtu:ji.

JO:N 6:38

Kapila:nc ngo taycng amo:tokkc gvidung, ngok avkc mcngkamdcmpc gerkapcmang, cmpige:la sc:kobv ngom mclvgtagnc Bvk mcngkamcm gerkapc;

JO:N 8:29

Odokkc sc:kobv ngom mclvgtagji ngok lcdulo dung; Bv ngom atcrc mcpakmang, kapila:nc ngo lo:dvscm Bv okodcm mc:podagji ido.”

2 KORINTIANGKVDVNG 8:9

Kapcnc nolu ngoluk Ru:tum Jisu Kristokc ayangcm kindag, jc Bv jodi mircmdagagom, ckvdaggom noluk lcgangc Bv opanncmpc ikang, odomvlo jen Bvk opandokki nolu jen mircmncpc iycpc.

PILIPIANG KVDVNG 2:5

Sc asinsc nolukkolo gctoka, okodc noluk Kristo Jisukolo du:ji, sc:kobv,

PILIPIANG KVDVNG 2:8

Odokkc tani:ycmpc idopc pa:la:yam Bv avdc asinc ansv:sukang odokkc sidodo:pc agom lukamdcmpc tadkang, cddo:mang Kurus tayc:do sigcdodo:pci.