ROMANKVDVNG 13:12 - ANU LUGOD N. T. (BSI)

¹² yumcdc bojcrungko mo:tc:pc gvpakka:bong, longcdc aninpc pvnga:dandu:bong. Kajc ngolu cmpcmvlo kcmolok agerdcm mcpakla odokkc pva:lok mimagmonanc attarkvdv:dcm gclai

ROMANKVDVNG 13:12 Iomraidhean Croise

ROMANKVDVNG 13:14

Cmpige:la Ru:tum Jisumc gctoka, odokkc adin amvrdokkcpc okkomsin lc:yoka, odok mc:namdcm mc:tcsumopc cmna.

1 KORINTIANG KVDVNG 10:11

Su:pak cdc bulu bulum lutadma:pc ikang, cmpige:la cdcbulum ngoluk luyirnapc adla lc:to, okokvdv:dok tayc:do dv:tak kvdv:sok du:tcrc pvngangka:bo:ji.

1 KORINTIANG KVDVNG 7:29

Ngok lunamdc bvrokvdvnga, tola lc:nam ayirdc airu:pc aninpc pvnga:du:bong; su:pakkolokkc, sc:kobulukkc yamnc du:ji bulukkc akosin kamangv:ncmpc du:motoka,

2 KORINTIANGKVDVNG 10:4

Kapila:nc ngoluk mimag monanc gvdv:-yoktung kvdv:dc mo:pvsokkcmang cmpige:la kvnggv:pc morasula dungkodok momvgla:nanc taycng among ilang gvlangc,

2 KORINTIANGKVDVNG 6:7

dormokanamdok yoktung-katokki lagbvk alakdok lcgangc odokkc lakkedok lcgangc;

IPESIANG KVDVNG 4:22

Noluk po:pckc scwu-sobabdcm la:paksuto okolo noluk po:pckc scw-sobabdok ikam-gvkamdokka:ji odokkc aima:pc inamsa:namc yadla yamnc la:lv:namkokki.

IPESIANG KVDVNG 5:11

Kcmolok a:yc kama:nc ager kvdv:do okkomsin imvnyoka, cmpige:la cdcmbulum mcpaktoka.

IPESIANG KVDVNG 5:8

Cmpige:la su:pak nolu Ru:tumkc pva:do dung;

HIBRIUKVDVNG 10:25

lckopc rvgsunammcm mc:yamc:sama:pc, akke kapc iyitdagji, cmpige:la akoncm akon lusv:lvgla, odokkc appv:dcmyam nolu ka:toka Longcdc aninpc pvnga:du:bong.

HIBRIUKVDVNG 12:1

Cdcmpidag, ngolum cddvnc bottcnc mukkangcmpinc lukanbinnc du:ribomnam kvdv:dc du:namc, kajc ngolu mcma:ru:pc ngoluk kcra:pc dugpcnamdcm dugnamdcm dugtvla du:lai, ngoluk dugpo:ncdcmlang mc:jvgdcm mc:pvtbonc,

JAKOB 1:21

Cdcmpidag appvng ya:nc agomcm odokkc aima: aima:pc gernam agerkvdv:dcm mcpaktoka odokkc asin ansv:la torvgsulangka kvnggv:pc lugablvgla lunam agomdcm, okodc noluk yalokvdv:dcm mopvla:dagji.

JAKOB 5:8

Nolusin mentumsula du:langka. Noluk asinkvdv:dcm mcnggabla, kapila:nc Ru:tumkc gvkunamdc aninka:bong.

1 PITOR 2:1

Cdcmpidag appvng ka:ru-ka:mangnammcm mc:pagamtoka odokkc yadgo:pagongcm odokkc mc:jubmcngkabma:nc asincm odokkc Ka:ruka:mangcm odokkc appvng lume:pc lujcmnam lunamcm.

1 PITOR 4:7

Appvng attarlok du:tcrdc pvnga:dandu:bong; cdcmpidag noluk kumnam lcgangc mcngkintvla odokkc mc:jupmcngkapla du:langka.

2 PITOR 3:11

Cdcmpinamc sc appvng attarkvdv:sc cdcmpila jitpagamycnc, kapinc tani:pc nolu ipcnammcn angunna turnamlo:bulu odokkc dormokanamlo,

2 PITOR 3:9

Ru:tumbv Bvk pesunamdcm asoaso:mang kapc aso-aso:dagncmpc idagji, cmpige:la nolukkcpc mentumsubila dung, akosinci sipakmangka:langka cmna mc:la, cmpige:la appv:dc asinc mc:dvrra mc:latsutokuka cmna mc:dag.

1 JO:N 2:18

Ommangkvdvnga, sc du:tcrnam ayirdc; odokkc nolu kapc tattonc jc Kristo birudi: gvdobong, cdcmpila su:pak bojcrungko Kristo birudi:yc lenka:bong; cdcmpige:la ngolu kindag jc sidc du:tcr ayircbong.

LUNGOR LUNAM 1:3

Bv akirba:d pa:ncdc sc:kobv lungor lunam agomkvdv:dcm bottcpc podagji, odokkc cdc sc:kobulu taddagji akirba:d pa:nc, odokkc sc:kobv taddagji odo okkom attagji; kapcnc ayirdc aninka:bong.

LUNGOR LUNAM 22:10

Odokkc bv ngom luto, “Sc potinsok lungor lunam agomkvdv:scm tubbjet tubkabla lc:yoka, kapcnc ayirdc anindanka:bong.