ROMANKVDVNG 12:7 - ANU LUGOD N. T. (BSI)

⁷ sc:kobv poyirdagji, bvk poyirnamlo;

ROMANKVDVNG 12:7 Iomraidhean Croise

METIU 28:19

Gvkang cdcmpiga:lok odokkc appvng opvncm agom tadjvgla gvmvnncpc badmota:ka, bulum baptismongcm bila: bila: Abukc odokkc Awodok odokkc Angunnc Yalodok aminno,

JO:N 3:2

Cdc tani:dc Jisukolo:pc yumckoncm gva:to odokkc Bvm luto, “Rabbi, ngolu kindag jc no Ru:ncpvnckolokkc gvnc Luyirncko; kapila:nc sc:kosin sc nok kanggod kvdv:scm ila:mang, Ru:ncpvnbv Bvk lcdulo du:mvnma:mvlo.”

AGER KVDVNG 13:1

Cdcmpidodcm Antiokdok du:nc mondoli:do lungor lunnclang poyirnc dungai, Barnaba:bv, Simionbv sc:kom Niger cmna gogdagaji, Sirene:dok Lusiubv, Mana-en-bv Herodkc mo:tak appi:lok migom kcbang bangko okumdok amikonc, odokkc Soulbv.

AGER KVDVNG 20:20

kapc ngo ainc av kanc agomko lugo:bipc nolukkolokkc ngedsuksutoma:ji, odokkc appvngkc kangkolo odokkc noluk okum okumlo gvgo:la luyirtonc,

AGER KVDVNG 20:28

okodo Angunnc Yalodcm nolum kanggabya:ncpc itu:ji, Ru:ncpvnckc mondoli:dcm ka:sv:mosv:dopc okodcm bv Avkc Awodok i:kokki pa:tokuji.”

AGER KVDVNG 6:1

Cdcmpidodcm odo longckvdv:do agom tadjvgla gvmvnnc kvdv:dc kvnamlo bojcbomna, Helleni:kvdv:dc Hibriukvdv:dc lujcgmvnsukang lcga:dc buluk tumbo nc:ngkvdv:dcm longgcm longgcm orbikolo cmmumpc mcyodla lc:dungai.

1 KORINTIANG KVDVNG 12:28

Odokkc Ru:ncpvncbv Kristokc mondoli:do mclvgla ager germonamkvdv:dcm bia:danna bitung, lckondo lungor lunckvdv:dcm, lcumdo poyirnckvdv:dcm, odokkc mcngapla:ma:nam ager gernckvdv:dcm, odokkc csa:mokunckvdv:dcm, ager gerdumsunc-kvdv:dcm, migom donc kvdv:dcm, angu angupc agom lunckvdv:dcm.

1 KORINTIANG KVDVNG 12:5

Odokkc angu angu agerc dung, ckvdaggom Ru:tum akko:dc;

1 KORINTIANG KVDVNG 14:26

Cmpcmvlo okkon, bvrrangkvdvnga? Cdvlo nolu gvkumsudonc, appvngkc mc:jvg ni:tomko du:do, luyir agom ako, lungor agomko, gomug lunamko, cdcmanggom lukur lule:la lunamko. Appvng agercm aiya:la gvnamlcgangc gerka:langka.

GALATIANG KVDVNG 6:6

Sc:ko agomcm poyirdagji bvm appvng ainc attarkvdv:dcm bv sc:kom poyirdagji bisumotoka.

IPESIANG KVDVNG 4:11

Odokkc Bvk amankvdv:dc jc akke mclvgla ager gerncpc ipa:do, akke lungor luncpc, akke tadponc do:yv:dcm lubincpc, akke mondoli: kanggurncpc odokkc poyirncpc.

KOLOSIANG 4:17

Odokkc Arkipu:mc lulang, “Ka:langka jc nolu migom agerdcm gerpvnnang okodcm Ru:tumkolokkcm nolu pa:toji.”

1 TIMOTI: 2:7

Odok lcgangc ngom lutad luyirncpclang mclvgla ager gerncpc mclvgbito kapc ngo arodcm lubitu:ji, ngo lume:ycm lumang, Angu tani:kvdv:dok poyirnc mc:jvglo:lang arolo.

1 TIMOTI: 3:2

Su:pak Kristan Ru:tum ager gerncdc nindaila lunam tani:pc ipc lagima:yc, nc:ng akko:lok milbo:pc, tarung ru:jo:nc mcngc-sagcnc,

1 TIMOTI: 4:16

No avyc-avycm ansulangka odokkc nok poyirnam kvdv:dcm; cdcmbulum gagbomna du:toka, kapcnc cdcmpc itvla du:la no avyc motusuyc odokkc tadnckvdv:dcmsin.

1 TIMOTI: 5:17

Abv:nc aipc sc:kobulu ka:svmosvncji mcnggcnammcm anyikopc pa:motoka, anggoscscmpc cdc sc:kobv pogo:bikolo odokkc lutadgo:bikolo agerpc gerdoji;

2 TIMOTI 2:2

odokkc no okodcm ngokkolokkcm tadtoji bojcrung lukanbinclokkcm mc:jvgnc tani:ycm togc:lvgnam sc:kobulu ammemsin poyirbila:dopc.

2 TIMOTI 2:24

Odokkc Ru:tumkc ager gerya:nc kvdv:dc pamvnsugo:ncpc ipcma:namc cmpige:la appvngcm aipc mc:ncpc ipcnammc,

2 TIMOTI 4:2

agomdcm lutadbitoka, ayirro odokkc ayirkama:dowycmsin mcna:ya:pc cmna ilangka, mcnga:motoka, ge:langka, odokkc tadponc luyir agomcm lulang, mentumsunamcm ilang-gvla:ma:pc iyoka odokkc poyirnamlo.