ROMANKVDVNG 12:3 - ANU LUGOD N. T. (BSI)

³ Kapila:nc ngom binam ayangabodokki nolukkolok appvngcm lulvgko lulvgdung av avyc cddvko mc:pcnammcji cdcmyam mc:ya:ma:dopc, cmpige:la mc:jupmcngkabo:pc kcbangcm ba:la mcdopc, appvngcm Ru:ncpvncbv bvm mc:jvgcm mc:monam mc:dopc binamdcmpc.

ROMANKVDVNG 12:3 Iomraidhean Croise

LU:KKC 18:11

Parisi:dc dagrobge:la avdc scmpc kumsuto, ‘Ru:ncpvnna, ngo nom aipai cmdung jc ngo amitani:ycmpc imang, yadla attar lango:binckvdv:dcmpc, kaboma:pc kcba:ba:nc, aminc:ng langgo:nc, odokkc sc migom murkong urkumsunc scmpcsinci imang.

JO:N 3:34

Kapila:nc sc:kobvm Ru:ncpvncbv mclvgtagnc Ru:ncpvnckc lcgangc agom kvdv:dcm ludag, kapila:nc Bv kvla Yalodcm bimang;

ROMANKVDVNG 1:5

sckkokki ngolu ayangcm pa:toji odokkc appvng ope:lo:pc bvk amin lcgangc mc:jvgdok lukampc gvdopc mclvgla ager gerncpc ila lubidopc,

ROMANKVDVNG 11:20

Bulu dvrsotkang kapila:nc buluk mc:jvgma:namkokki, cmpige:la no mc:jvgla:yam dagla dung. Cdcmpidag pcsso tcm-tcmla du:langka.

ROMANKVDVNG 11:25

Ckvma:mvlo nolu agom kinncpa:ncpc imvlo noluk avkc bottcpc mc:sunamkokki, ngo nolum scm mcngkinla:ma:nam agomscm mcngkintoka cmna mc:dag, bvrrangkvdvnga: tornamko Israeldok atakkolo lenkang, Angun Tani:kvdv:dc pv:namkopc gvanggamma:sisscm, odokkc cdcmpc Israel appv:dcm mopvtyc;

ROMANKVDVNG 12:16

Akonkc lcdulo akonc lckolakko:pc du:ladaglangka; bottc bottcpc mansuyoka, cmpige:la ame:nc kvdv:dokki lcko-lakko:langka; cdvlosin av avyc bottcpc kinnc cmna mc:suyoka.

1 KORINTIANG KVDVNG 15:10

Ckvdaggom Ru:ncpvnckc ayangkokki ngokkc ngo sc:kobv:ji, odokkc ngokkolo:pc Bvk aya:dc cmmumtomangai. Odok luyotpc, buluk akoncmmam akoncm agercm torya:pc gerto, cdc ngo:manggom, cmpige:la Ru:ncpvnckc aya:dc okodc ngokkolo dungaji.

1 KORINTIANG KVDVNG 3:10

Ngom Ru:ncpvnckc ayangabbom bikamdcmpc, aipc kangkanpc mojo:nc okum monncmpc ngo mosangkoko mogablvgto, odokkc akon tani:konc odok taycdo mosetdung. Appvng tani:ycm bvkkc bvkkc monamcm ka:sv:sumotoka.

1 KORINTIANG KVDVNG 7:17

Cdcmong, Ru:ncpvncbv bvm binam turnamo:dcm appvngcm gvgcmotok, odokkc okolop Ru:ncpvncbv bvm gogtoji. Cdc appvng mondoli:lo:pc ngok lujvglurro.

2 KORINTIANGKVDVNG 10:13

Cmpige:la ngolu lutcrkama:pc bottcpc lusuma:yc, cmpige:la Ru:ncpvncbv orbinamdcmpc ngolu lutcrdcm luyc, nolumsinci cdcmv:pc pa:nadopc.

2 KORINTIANGKVDVNG 12:13

Kapila:nc oko okodok nolu pv:ramdagnc mondoli:dok ake kvdv:dokkc ngo avycma:mvlo nolum jo:nampc imopc? Cdc immurdcm ngom mc:yinsubilang!

2 KORINTIANGKVDVNG 12:7

Odokkc ngom lungor lumamdok pv:sepv:yepc lula kvnggv:pc mc:pola bottcpc mc:namdokkc lc:pc, ta:ngko ngok amvrso bitungai, uilok lutad luncko, ngom moki:moatpc, ngok kvnggv:pc mc:pobadnam dokkcm langcrpc.

GALATIANG KVDVNG 6:3

Kapila:nc jodi akonc mc:yc bv atvko, cdvlo atvkosincimang, bv avdcm avyc yadsudo.

IPESIANG KVDVNG 3:2

Mclvgla jc nolu Ru:ncpvnckc okum ru:tum aya:dok tadtonc cdcm ngom bitungai noluk lcgangc.

IPESIANG KVDVNG 3:4

Cdvlo nolu scm pola:ycnc nolu ngok asin ara:bok mc:namdcm mcngkinycpc Kristokc mcngapla:ma:nam agomdo:pc.

IPESIANG KVDVNG 4:16

Kristokolo, sckkolokkc amvr appv:dc, morvgsutagji odokkc morvgsuko appv:dcm morvgsutagji okodokki cdcm mclvgtagji, cdvlo appvng intung kvdv:dc aiyo:pc ager gerdagji, amvrpc sv:sa:modag odokkc aipc mc:namlo avdc avyc mosa:dag.

PILIPIANG KVDVNG 2:13

Kapila:nc Ru:ncpvncbv noluk ara:lo agercm gerradung, Bvk aipc mc:monam lcgangc mc:namclang odokkc agerpc anyipakdcm.

KOLOSIANG 1:29

Kapcnc scm ngo du:g gvla gerdung, appvng bo:lki anla ka:dung okodcm bv ngom kvnggv:tarv:dopc mca:lvgla bitu:ji.

KOLOSIANG 2:13

Odokkc nolu, imur ager gernam odokkc noluk adinno gadpukma:namno sila dungaji, Ru:ncpvncbv Bvk lcdulo turmotoku, ngoluk appvng gvmurkvdv:dcm mc:yinsuge:la,

1 TIMOTI: 1:14

aya:dc ngok lcga:pc bi:pokkang Kristo Jisukc mc:jvgclang aipc mc:namkokki.

1 TIMOTI: 2:15

Ckvdaggom nc:ngcm kowcm pa:namkokki moturyc, jodi bv mc:jvgla du:tvmvlo odokkc aipc mc:namc odokkc angunno, aipc angunna du:namkokki.

1 TIMOTI: 2:9

nc:ngkvdv:dc:sin buluk avkvdv:dc gcnamcm kangkano:pc aiyo:pc gcsv:supcnammc odokkc mc:josagjo:la gcnambomnam attarcm aipc gcpcnammc, dumvdcm ta:pet petsuma:pc cdcmanggom avncm cdcmanggom mukutang doksori:ycm cdcmanggom kvnggv:pc arckanc gcnambomnamcmmang cmpige:la ainc ager gernam kvdv:dokki.

TITUS 2:12

ngoluk dormo kama:n appv:dcm odokkc mo:pvsok aima:pc mc:namsagnam mcpakdopc luyirdag, odokkc ansv:n asin gcla turra du:dopc, dormokala, odokkc so mo:pvsok dormokanc turnamko turla, ngoluk akirba:d pa:nam toya:dcm toka:la du:la,

TITUS 2:2

Abv:ya:nc tani:kvdv:dcm mc:jupmcngkapdopc lulvglangka, mcnga:lang, mcngcsagcla, mc:jvglo aiyo:pc mcnga:la, aipc mc:la, odokkc kvnggv:la du:namlo.

TITUS 2:4

odokkc ame:nc nc:ng kvdv:dcm odokkc ommang kvdv:dcm aipc mc:dopc luyir-gvyirpcnamc, mcngc-sagcdopc, angundopc,

TITUS 2:6

Cdcmv:pc ya:me:kvdv:dcm bulu avkvdv:dcm montumsula du:jo:dopc.

JAKOB 4:6

Cmpige:la Bv bojcya:pc ayang abbom bidag; cdcmpidag cdc ludag, “Ru:ncpvncbv bottcpc lubonsuncdcm lutumdag, cmpige:la asin ansv:ncdcm ayangcm bidag.”

1 PITOR 1:13

Cdcmpidag noluk asinkvdv:dcm kvnggv:pc mc:sutoka, dojup-dokapla doncpc ilangka, noluk mc:tincm Pv:namko nolukkolo:pcjc ayangc pvnga:ycnc mc:tintoka Jisu Kristokc lendokudodo:pc.

1 PITOR 4:11

sc:kobv agom ludonc, kapc akonc Ru:ncpvnckc gombug bukkampc; sc:kobvi agercm gerbidonc, kapc akonc gergabbomdonc tornamki okodcm Ru:ncpvncbv bidonc; cdcmpc ipc jc appv:lo Ru:ncpvncmc Jisu Kristokokki amin gvmoycpc. Bvkkcpc amin gvnamdc odokkc migomdonamdc lo:dv longkvpc dungka:langka. Amen.

1 PITOR 4:7

Appvng attarlok du:tcrdc pvnga:dandu:bong; cdcmpidag noluk kumnam lcgangc mcngkintvla odokkc mc:jupmcngkapla du:langka.

1 PITOR 5:5

Cdcmv:pc nolu cdc ame:ya:nkvdv:dc abv:nckvdv:dok lukamcm tadtoka. Nolu avyc avycm attarpc gctoka, kapcnc, nolu appvngc asinc akonc akoncm ansv:la “Ru:ncpvncbv bottapc mc:sunckvdv:dcm motumdag, cmpige:la asinc agamnckvdv:dcm ayangcm bidag.”

1 PITOR 5:8

Asinc agamnangka, ansula du:langka. Noluk miru uidc ngvrgo:nc inggompc, sc:kaiycm gampc ngvrgo:la dung.

3 JO:N 1:9

Ngo o:kaiko mondoli:do:pc addung; cmpige:la Diotrepe:bv, sc:kobv avdc du:pongarncpc ilv:dagji, ngok lulvgcm tadlv:tomang.