ROMANKVDVNG 1:1 - ANU LUGOD N. T. (BSI)

¹ Poulbv, Jisu Kristokc ager gerya:nc akonc, mclvgla gerdopc mclvgnampc gognamkonc.

ROMANKVDVNG 1:1 Iomraidhean Croise

MARKKC 1:14

Jo:nmc ycnggabdak lcdudo, Jisubv Galilpc gvtoku, Ru:ncpvnckc tadponc lutaddcm luyir luyirla, odokkc scmpc lula,

JO:N 12:26

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.

JO:N 15:15

Lckoda nolum ager gerya:nc cmna lukuma:bong, kapila:nc ager gerya:nc kvdv:dc okkom Buluk ru:tumdc ila du:ji kinmang. Cmpige:la ngo nolum ajonkvdvngc cmna gogtobong, kapila:nc ngo Abukolok tadnam appv:dcm ngo nolum kinabmotobong.

JO:N 15:20

Ngok nolum lunam agomkvdv:dcm mcpa:lang, ‘Ager gerya:nc tani:konc bvk ru:tumdcm bottaya:mang.’ Bulu ngommci ipusire:ycm itomvlo, bulu nolum ipusire:ycm iyc; bulu ngok agomcm tadgabla lc:mvlo, nolukkcmsin tadgabyc.

AGER KVDVNG 13:9

Cdcmpila Soulbv sc:kom Poul cmna gogtungaji, Angunnc Yalodokki bi:la bvm ka:mi:miri:la ka:to odokkc luto,

AGER KVDVNG 20:24

Cmpige:la ngok turnamscm ngo atv arckanckopc kvsumang cdcmanggom ngokkcpc kvnggv:pc aincko cmna, ngo gerpcnamdcm gerra:mvloi odokkc Ru:tum Jisukolok pa:nam inam-sa:nam agerdcm, Ru:ncpvnckc ayang abodok tadpon lutaddcm lukanbipc.

AGER KVDVNG 21:40

Odokkc cdvlo bv bvm agomdcm lumotonc, Poulbv, ko:ba:do dagge:la, tanikvdv:dcm alagcm lagsa:la lagclagkurto; odokkc aso:pc dungabnammc, bv bulum Hibriu agomki lurobbomkang:

AGER KVDVNG 22:21

Odokkc bv ngom luto, ‘Gvkang; kapila:nc ngo Angu tani: mo:tc:pc du:nc tani:kvdv:do:pc nom mclvgyc.’ ”

AGER KVDVNG 22:7

Odokkc ngo amo:bo kcdpakledkang odokkc ngom agomko lunamko tadbegto, ‘Soula Soula, no kapila ngom mogvtomomatdu:n?’

AGER KVDVNG 26:1

Agrippa:bv Poulmc luto, “nokkc agom lupc avyc lula:do.” Odo Poulbv bvk alagcm laglento odokkc bvk lurasunamcm luto:

AGER KVDVNG 26:14

Odokkc cdvlo ngolu appvngc amo:bo kcttabka:ji, ngom Hibriu agomlok lunc gomugko ngo tadbegto, ‘Soula, Soula, ngom kapila no ipusire: idu:n? No jamncm tumvlo tunvgsudag.’

AGER KVDVNG 27:23

Kapila:nc siyumkc yummarso Ru:ncpvnckc taycng lutad luncko ngok kcra:so dagkangai sc:kokcpc ngo idoji odokkc sc:kom ngo kumdoji, odokkc bv luto, ‘Pcsoyoka, Poula:

AGER KVDVNG 9:15

Cmpige:la Ru:tumbv bvm luto, “Gvkang, kapila:nc bvk ngok balennamko ngok amincm Angu opvn kvdvdcmna: migomkvdv:dcm odokkc Israeldok ommang kvdv:dcm, lutadbigo:dopc;

ROMANKVDVNG 1:16

Kapcnc ngo tadponc lutaddcm lubipc anyi:mang: cdc Ru:ncpnckc ilang-gvlang turnam lcganc sckkc mc:jvgc du:ji appv:lo, Jiwu kvdv:do:pc lupo:danna odokkc Girik kvdv:do:pcsin.

ROMANKVDVNG 1:5

sckkokki ngolu ayangcm pa:toji odokkc appvng ope:lo:pc bvk amin lcgangc mc:jvgdok lukampc gvdopc mclvgla ager gerncpc ila lubidopc,

ROMANKVDVNG 1:9

Kapila:nc Ru:ncpvncbv ngok lukanbinnc, sc:kom ngo Bvk Awodok tadponc lutaddcm ngok yalokokki ager gerbidoji, jc ngo mcma:ru:pc nolum lubidung ngok kumdokvdv:do lo:dvscm,

ROMANKVDVNG 11:13

Su:pak ngo Angu tani:kvdv:dcm ludung. Ngo cddvkopcjc mclvgla ager germonammcnc;

ROMANKVDVNG 15:16

kapila:nc Ru:ncpvnckc ngom binam ayang abodokki Jisu Kristokc migom ager gerncpc idopc Angu tani:kvdv:do:pc Ru:ncpvnckc tadponc lutaddok kumnam ager gernc tani:kvdv:dok gernam agerki, odomvlo ja:te Angu tani:kvdv:dok binamdc, Angunnc yalodokki narc:mola torvgsuycpc.

ROMANKVDVNG 15:29

Odokkc ngo kindag jc cdvlo ngo nolukkodo:pc gvycnc ngo Kristokc pv:nam akirba:ddokki gvyc.

ROMANKVDVNG 16:18

Kapila:nc cdcmpinc tani:yc ngoluk Ru:tum Kristokc agercm germang, cmpige:la buluk avkc aki: lcgangc, odokkc tadyumnc agomki odokkc lume:pc lubonna lunam agomki bulu mcngano:pc mc:nc tani:kvdv:dok asincm yaddag.

ROMANKVDVNG 16:25

Su:pak Bvkkolo:pc sc:kobv nolum ilang-gvla:mola:dagnc ngok tadponc lutaddcmpc odokkc Jisu Kristom lutad lubikamdcmpc okodcm lc:sula dv:tag dv:tagkvdv:dc lc:tagaji.

1 KORINTIANG KVDVNG 1:1

Poulkolokkc, Ru:ncpvnckc mc:namkokki Kristo Jisukc mclvgla ager germonam tani:pc gognamdc, odokkc ngoluk Sostini:bv.

1 KORINTIANG KVDVNG 9:1

Ngo morvt pa:ncma:lang? Ngo mclvgla ager germonammcma:lang? Ngoluk Ru:tum Jisu Kristomc ka:mangalang. Ru:tumkolo nolu ngok ager gerncma:lang?

2 KORINTIANGKVDVNG 1:1

Poulbv, Ru:ncpvnckc mcngkampc Kristo Jisukc mclvgla agom lunc, odokkc Timoti:bv ngoluk bvrodc, sc:kobulu Korintodo, Ru:ncpvnckc kumnc airu:nc tani: Akhaiang appv:do du:ji mondoli:kvdv:do:pc.

2 KORINTIANGKVDVNG 11:5

Ngo cdcm mc:dag jc ngo bottarya:nc mclvgla ager germonam tani:kvdv:scmyam adji:yarya:ncmang.

2 KORINTIANGKVDVNG 11:7

Ngo pa:pko itonci avycm ngo anyi:sumopc cmna odomvlo nolujen amin gvycpc, nolum atv arc kama:pc Tadponc lutaddcm nolukkolo lula?

2 KORINTIANGKVDVNG 12:11

Ngo monba:-ba:ncpc dungai! Nolu cdcmpc imoto, kapila:nc ngo nolukkokki aidag cmna lukosupcnammai. Kapcnc ngo kapcsin sc bottcya:nc mclvgla ager gernamkvdv:scm adji:ya:ncmang.

2 KORINTIANGKVDVNG 2:12

Kristokc tadponc lutaddcm cdvlo ngo Troa:pc lubikapc gvtonc, Ru:tumkolo yabgoko ngokkcpc moge:kang;

2 KORINTIANGKVDVNG 4:5

Kapila:nc okodcm ngolu lutadbidonc cdc ngoluk av avkcmang, cmpige:la Jisu Kristobv Ru:tumpc incdc cmna, ngolu av-avyc noluk ager gerya:ncpc Jisukc lcgangc.

GALATIANG KVDVNG 1:1

Poulbv mclvgla ager germonamko–tani:lokkcmang cdcmanggom tani:kokkimang, cmpige:la Jisu Kristokokki odokkc Abudc Ru:tumkokki, sc:kobv Bvm sikolokkom turmotokuji–

IPESIANG KVDVNG 1:1

Poulkolokkc Ru:ncpvnckc mcngkamdokki Kristo Jisukc mclvgla ager germonammc, Ainc Kumnc tani:kvdv:do:pc sc:kobulu Kristo Jisukolo mc:jvgdagsinji:

IPESIANG KVDVNG 1:13

Bvkkolo nolusin, sc:kobulu aro agomdcm attonc, noluk moturnamdok tadponc lutaddcm, odokkc Bvm mc:jvgtonc, pesunam angunnc Yalodokki tubjet lvgtungai.

IPESIANG KVDVNG 4:11

Odokkc Bvk amankvdv:dc jc akke mclvgla ager gerncpc ipa:do, akke lungor luncpc, akke tadponc do:yv:dcm lubincpc, akke mondoli: kanggurncpc odokkc poyirncpc.

PILIPIANG KVDVNG 1:1

Poullang Timoti:bv, Kristo Jisukc ager gerya:nc– Kristo Jisukolo du:nc aipc kumnc tani:kvdvng sc:kobulu Pilipi:do du:nc, paduri:kvdv:dokki odokkc dormo ager igur-gvgurnc kvdv:do:pc:

PILIPIANG KVDVNG 2:11

odokkc appvng aiyyo lude:supa:do jc Jisu Kristobv Ru:tumdc, Ru:ncpvnc Abudok amin gvnamdok gvdopc.

KOLOSIANG 1:1

Poulbv, Ru:ncpvnckc mcngkamdcmpc Kristo Jisukc mclvgla ager gernc, odokkc Timoti:bv ngoluk bvrodc,

KOLOSIANG 1:25

cdcyam, mondoli:dc, okodokkcpc ngo migom ager gerncpc ika:ji taycng among migom ager gerkodokkcmpc okodcm ngom noluk lcga:pc bitungaji, Ru:ncpvnckc agomdcm Pv:dandopc kinapmodopc,

1 TISSALONIANG 2:2

cmpige:la ngo Pilipi:do cmpci du:gcm gvttoibong odokkc anyv:sudopc ittoibong, kapc nolu cmpci kindagji, ngolukkolo asina:ngc pvtanammc ngoluk Ru:tumkolo dungai nolum Ru:ncpvnckc tadponc lutaddcm lubipc kvnggv:pc birudi:ko kcra:lo.

1 TISSALONIANG 2:8

Cdcmpidag, nolum asinc kvnggv:pc aipc mc:la ka:lv:namdokki, ngolu Ru:ncpvnckc bipc cmna mc:mangai cmpige:la ngolu av avkvdvngcmsin, kapila:nc nolu ngolukkcpc airu:pc aipc mc:nampc ikang.

1 TISSALONIANG 2:9

Kapcnc nolu ngoluk ager gernamclang kvnggv:pc ager gernamcm kindag, bvrokvdvnga; ngolu yummcmnang longgcm agercm gerto, odomvlo nolukkolok sc:komsin jo:namko jo:dopc ima:dopc, cdvlo ngolu Ru:ncpvnckc tadponc lutaddcm nolukkolo lubitoji.

1 TIMOTI: 1:1

Poulbv, Kristo Jisukc mclvgla ager gernckonc ngolu Ru:nncpvnckc lulvgkokki ngoluk Moturnc odokkc Kristo Jisubv ngoluk mc:tinc.

1 TIMOTI: 2:7

Odok lcgangc ngom lutad luyirncpclang mclvgla ager gerncpc mclvgbito kapc ngo arodcm lubitu:ji, ngo lume:ycm lumang, Angu tani:kvdv:dok poyirnc mc:jvglo:lang arolo.

2 TIMOTI 1:11

Sc tadponc lutadsok lcgangc ngom lutadbigo:ncpc agercm togc:lvgtungai odokkc cdcmpidag ngo ipusire:ycm pa:do ngo kapc idoji.

TITUS 1:1

Poulbv, ager gerya:nckon Ru:ncpvnckc odokkc Jisu Kristokc mclvgla ager gerncko, Ru:ncpvnckc balennamkvdv:dok mc:jvgdcm mc:barmopc buluk arodok kinnamdcm okodc dormo kanamki lckopc imvndagji,

HIBRIUKVDVNG 5:4

Odokkc akonc avkcm mcnggcnammcm avyc mcnggcsumang, cmpige:la Bvm Ru:ncpvncbv gogtag, kapc Aronmc gokkaji.

HIBRIUKVDVNG 7:26

Kapcnc cdc kvb-kab cmdagai jc ngolu cdcmpinc dormo ager gernamlok bottcncko pa:pcnammc, angunncko, lugc:ma:nam kancko, koiyang kama:ncko, papi:kvdv:dokkc langgunamko, taycngto la:sa:namko.

JAKOB 1:1

Jakobbv, Ru:ncpvnckclang Ru:tum Jisu Kristokc ager gerya:ncko. Vyvngkolang anyi ope: Dugpitsula du:nckvdvngdo:pc: Kumtadsudung.

1 PITOR 4:17

Kapcnc ayirdc pvngangka:bong Ru:ncpvnckc okum cra:dokkc ba:robpc kcbang ba:pc; odokkc cdc jodi ngolukkolo ba:robmvlo, odokbuluk ba:tcrdc okopc iycji cdc sc:kobulu Ru:ncpvnckc tadponc lutaddcm tadma:nckvdv:dokkc?

2 PITOR 1:1

Simion Pitorbv, Jisu Kristokc ager gerya:nckolang mclvgla ager germonamko– Odobulu:pc sc:kobulu ngoluk lcdulo dagmvnnam mc:jvgcm pa:mvntonc ngolu Ru:ncpvnckc dormokanamdokki odokkc Mopvnc Jisu Kristokokki:

JU:D 1:1

Ju:dbv, Jisu Kristokc ager gerya:nc odokkc Jakobkc bvrro– Cdc sc:kobulum gogtagji bulukkolo:pc, Ru:ncpvnckolo odokkc Abudo aipc mc:bomsunamdo odokkc Jisu Kristokcpc lc:nam kvdv:do:pc:

LUNGOR LUNAM 1:1

Jisu Kristokc lungor lukannamdc, okodcm Ru:ncpvncbv bvm bitungaji Bvk ager gerya:nc kvdv:dcm lcngkanpc okodc mcna:pc lenycru:ji; odokkc Bvk ager gerya:nc Jo:nkolo:pc mclvgla:yam, Bvk taycng among lutadlunckvdv:dcm Bv cdcm kinabmoto.

LUNGOR LUNAM 22:6

Odokkc Bv ngom luto, “Sc agom kvdv:sc mc:jvgpcnamc odokkc arro. Odokkc Ru:tumbv, yalokvdv:dok odokkc lungor lunckvdv:dok Ru:ncpvncbv, Bvk ager gernckvdv:dcm okodc lomdanna lenpcru:nammcji lcngkanpc Bvk taycng among lutad lunckvdv:dcm mclvgtag.”

LUNGOR LUNAM 22:9

cmpige:la bv ngom luto, “No cdcmpc iyorungka! Ngo nok lcdulo ager gerjon akomvn odokkc nok lungor lunc bvrrang kvdv:dokki, odokkc cdc sc:kobulu sc potinsok agom kvdv:dcm gagla du:dagji. Ru:ncpvncmc kumtoka!”