METIU 8:4 - ANU LUGOD N. T. (BSI)

⁴ Odokkc Jisubv bvm luto, “Ka:langka no sc:komsin okkomsin lubima:pc; cmpige:la gvkang, no avcm kumna ager gerpvtbonc kvdv:dcm lcngkansuta:ka, odokkc Mose:bv bilangka cmnam amandcm bita:ka, tanikvdv:dcm aropc aikunamdcm lcngkansuta:ka.”

METIU 8:4 Iomraidhean Croise

METIU 10:18

Odokkc ngok lcgangc bulu nolum amo:ru:tumkvdv:do:pc odokkc buluk migomkvdv:do:pc soa:bomyc, buluk kcra:lo odokkc angu tani:kvdv:dok kcra:lo lubisudopc.

METIU 16:20

Odo Bv kvnggv:pc Bvk agom tadjvgla gvmvnnc tani:kvdv:dcm Bv Kristobv cmna lulvgko luto.

METIU 17:9

Odokkc bulu adi:dokkc re:yidokudo, Jisubv bulum lulvgto, “sc:komsin cdc lcngkansunamdcm lubiyok, tani:kc Awodcm sikolokkcm turmokuma:dodo:pc.”

METIU 3:15

Ckvdaggom Jisubv bvm lubito, “Scmpc su:pak imopo:tok; kapila:nc cdcmpc appvng dormo agercm ipvtgvpvtpcnamc.” Odo bv cdcmpc imoto.

METIU 5:17

“Nolu mc:yoka ngo lujvg lurrom odokkc lungorla lunam agom kvdv:dcm la:pakkapc gvdung cmna; ngo cdcmbulum la:pakkapc gvmang cmpige:la buluk lukamdcmpci imopc cmna gvdung.

METIU 6:1

“Ansulangka noluk Ru:ncpvncmc kumnamcm tani:kvdvngc ka:ycpc cmna kumma:pcka; kapila:nc odomvlo noluk taycng amongkc Ba:bukolok amancm pa:ma:yc.

METIU 9:30

Odokkc Jisubv bulum kvnggv:pc lulvgko luto, “Ka:langka sc:kosin cdcm kinpa:ma:yc!”

MARKKC 13:9

“Cmpige:la nolu avkvdv:dc ansulangka; kapila:nc bulu nolum kcba:lo tolvgyc; odokkc nolum kumko okumkvdv:do dcmyc; odokkc nolu amo: ru:tumnoklang migomkvdv:dok kcra:lo dakkansuyc ngok lcgangc, buluk kcra:lo lukansubidopc.

MARKKC 3:12

Odokkc Bv kvnggv:pc lurvdla Bvm kinapdopc lugo:ma:dopc lutumto.

MARKKC 5:43

Odokkc kvnggv:pc bulum lujvgla luto sc:kosin cdcm kinpa:ma:yc, odokkc bvm o:kaiko dodopc bitok cmna bulum lulvgto.

MARKKC 6:11

Odokkc nolum oko dungkolo:sin torvgsuma: ycmvlo odokkc bulu nolum tadge:mang cmna luycnc nolu gvdokudodcm, noluk alckvdv:do du:nc koiyang kvdv:dcmsin pipu:sulang buluk agom lukampc tadma:nc kvdv:dok lcgangc.”

MARKKC 7:36

Odokkc Bv bulum sc:komsin lubiyoka cmna lulvgto; cmpige:la cddvkoi Bv lutumtonc bulum, odokkvddvngko bulu kvnggv:ya:pc cdcm lugo:bito.

MARKKC 8:30

“No Kristodc.?” Odokkc Bvk agomcm sc:komsin lubiyoka cmna lutumna Bv luto.

MARKKC 9:9

Odokkc bulu adi:tayc:dokkc re:yi:dokudo, Bv bulum okkom ka:tonc cdcm Tani:kc Awodcm sikolokkcm turmokuma:dodo:pc lubiyoka cmna kvnggv:pc lutumto.

LU:KKC 17:14

Bv bulum ka:begge:la bulum luto, “Kumnam ager gernckvdv:dcm gvla avycm avyc lcngkansungapta:k.” Odokkc bulu gvnamc bulu csangamkangku.

LU:KKC 21:13

Cdc ayirdc noluk lcga:pc nolu:kkcpc lukansubinam ayirpc iyc.

LU:KKC 4:41

Odokkc uiycsin bojcru:lokkc gvlenamkang, “No Ru:ncpvnckc Awodc! Cmna jc:la jc:la.” Cmpige:la Bv bulum morvdto, lcga:dc bulu kindagai jc Bv:yvng Kristobvai.

LU:KKC 5:14

Odokkc Bv sc:komsin lugo:biyoka cmna lusv:la luto; ckvdaggom “Gvkang odokkc no avyc dormoager gernckvdv:dcm lcngkansuta:ka, odokkc nok narc:monamdok lcga:pc palvgnamko bita:ka, Mose:bv lulvgnamdcmpc, tani:kvdv:dcm arro cmna lcngkansunam lcgangc.”

LU:KKC 8:56

Odokkc bvk anc abudc mc:la mcngapla:tomang; cmpige:la Bv okko kapc ika:ji sc:komsin lubiyoka cmna lutumto.

LU:KKC 9:21

Ckvdaggom Bv cdcm sc:komsin lubiyoka cmna bulum kvnggv:pc lutumko luto, scmpc lula,

JO:N 5:41

“Ngo tani:kvdv:dok aidag cmna lunamcm mamang.

JO:N 7:18

Sc:kobv avkc lulang-gvlangkokki luycnc avkc amin gvnamcm masudag; cmpige:la sc:kobv Bvm mclvgncdok amin gvnamcm maycji bv arro, odokkc bvkkolo lume: lunamc kamang.

JO:N 8:50

Ckvdaggom ngo avkc amin gvnamcm masumang; Akkongkonc dung sc:kobv madagji odokc bv:bong kcba: moncdc.