MARKKC 9:32 - ANU LUGOD N. T. (BSI)

³² Ckvdaggom bulu lunamdcm tadkintomang, odokkc bulu Bvm tawupcsin pcsokangai.

MARKKC 9:32 Iomraidhean Croise

MARKKC 16:14

Odok lcdupc Bv vyvngkolang akodcm lcngkansuto bulu bullong tcbuldo dodotv:dom; odokkc Bv bulum luka:la luto buluk mc:jvgma:nam kvdv:dokki odokkc asinkvdv:dok tornamkvdv:dokki, lcga:dc bulu Bvk turnamdcm kangge:la:sin mc:jvgtomang.

MARKKC 7:18

Odokkc Bv bulum luto, “Cmpcmvlo nolusinnci mcngkinma:danci? Nolu ka:begma:lang oko okko tani:akolok ara:pc ru:yidokkc gva:dagnc bvm narc:ma:pc imola:mang,

MARKKC 8:33

Cmpige:la gvlatsulangkula odokkc Bvk agom tadjvgla gvmvnnc tani:kvdv:dcm kangge:la, Bv Pitormc ge:to, odokkc luto, “Ngok lamkupc gvkang, Satana! Kapila:nc no Ru:ncsa:nckcpc ima:ncko, cmpige:la tani:kcpc idung.”

MARKKC 9:10

Cdcmpila bulu agomdcm bulu bullong kinna lc:to, sikolokkc turkunam agomdc:nu okkon cmna tadka:mvnsu mvnsula.

LU:KKC 18:34

Cmpige:la bulu odok apirkosin tadkintomang; cdc agomdcm bulukkolokkcm lc:sula lc:tagai, odokkc okkom lutoji bulu tadgabla:tomang.

LU:KKC 2:50

Cmpige:la bulu Bvk lunam agomkvdv:dcm tadkintomang.

LU:KKC 24:45

Odo Bv Ru:ncpvnckc agom adgabnam kvdv:dcm mcngkindopc buluk asinkvdv:dcm mcngkinmoto,

LU:KKC 9:45

Cmpige:la bulu cdc lunam kvdv:dcm tadkintomang, odokkc cdcm bulukkolokkcm lc:sula lc:tungai, bulujen cdcm mcngkinma:ycpc cmna; odokkc bulu cdc lunam kvdv:dcm tadpcnammcm pcsokang.

JO:N 12:16

Bvk agom tadjvgla gvmvnnc tani:kvdv:dc cdcm tada:danna tadkintomang; cmpige:la Bvm cdvlo Jisumc amin gvmotonc, odo bulu mc:patoku jc cdc Bvk agomcm adtungai odokkc Bvm gerbito.

JO:N 16:19

Jisubv kindagai jc bulu Bvm tawupc cmna mc:dagai; cdcmpila Bv bulum lubito, “Ngo okkomna lutoji, cdcmyc nolu av avkvdv:dc tawuka:mvnsudu:n, ‘Ayir adjio:koda, odokkc nolu ngom ka:begma:yc, odokkc lckoda ayir adjio:koda, odokkc nolu ngom ka:begycku?’

JO:N 4:27

Oddar Bvk agom tadjvgla gvmvnnc kvdv:dc gvangamdoku. Bulu Bvm nc:ng akokokki luposula du:namdcm ka:la mc:la mcngabla:tomang, ckvdaggom okkomsin lutomang. “Nolu okkomna mc:dag?” Cdcmpcmanggom, “No kapila bvkkokki luposudu:n?” cmna.