MARKKC 8:34 - ANU LUGOD N. T. (BSI)

³⁴ Odokkc Bv agom tadjvgla gvmvnnc tani:kvdv:dcm lckopc yadkumsunc tani:kvdv:dcm Bvkkolo:pc gogto, odokkc bulum luto, “Tani: akonc ngok lcdu lcdulo gvmvnpc mc:mvlo, bv avdc avycm cmmumc cmna mc:sumotok odokkc bvk kuruscm jo:motok odokkc ngok lcdulo gvmvnmotoka.

MARKKC 8:34 Iomraidhean Croise

METIU 10:38

Odokkc sc:kobv avkc kurusdcm jo:la ngok lcdulo gvmvma:ycnc bv ngokkcpc ipc arckamang.

METIU 16:24

Odo Jisubv Bvk agom tadjvgla gvmvnnc tani:kvdv:dcm lubito, “Tani: akonc ngok lcdulo gvmvnpc mc:ycnc, bvm avdc avycm cmmumc cmna lusumotok odokkc bvk kurusdcm jo:motok odokkc ngok lcdulo gvmvnmotok.

METIU 27:32

Bulu gvlenna gvnamc, bulu Kirene:dok tani:ko rvgsuto, Simon cmna amin minnamko; cdc tani:dcm bulu Bvk Kurusdcm jo:pa:ru:yc cmna luto.

MARKKC 10:21

Odo Jisubv bvm kangge:la ayangkang; odokkc luto bvm, “Nokkc abangko pv:ramdung; gvkangkuk, nokkc oko okko du:nc kopakta:ka, odokkc opan tani:kvdv:dcm bipakta:kuk,”

MARKKC 7:14

Odokkc Bv tani:kvdv:dcm Bvkkolo:pc lckoda goga:toku, odokkc bulum luto, “Ngok agomcm tattoka, nolu appvngc odokkc mcngkintok:

LU:KKC 13:24

Odo Bv bulum lubito, “Ponme:nc lambcdok gva:pc cmna kvnggv:pc gvke:-gvye:la gva:toka; kapila:nc bojcrungc, ngo nolum lubidung, gva:pc cmna mayc cmpige:la gva:la:ma:yc.

LU:KKC 14:33

Cdcmpidag, nolukkolok sc:kobvi appvngcm mcpagamma:ycnc bv ngok agom tadjvgla gvmcnnc tani:pc ila:ma:yc.

LU:KKC 18:22

Odokkc cdvlo Jisubv cdcm tattoji, Bv bvm luto, “Ager abangko su:paggom no pv:ramdu:da, nokkc oko okko du:nc appv:dcm kopaktok odokkc opankvdv:dcm ortok, odokkc taycng amo:to nokkc murkongc du:yc; odokkc gvtok, ngok lcdu lcdulo.”

LU:KKC 20:45

Odokkc appvng tani:kvdv:dok tadde:pc Bvk agom tadjvgla gvmvnnc tani:kvdv:dcm Bv luto,

LU:KKC 9:23

Odokkc Bv appvngcm luto, “tani: akonc ngok lcdulo gvmvnmvlo, bvm avyc avdcm cmmumc cmna lupaksumotok odokkc longgcm longgcm kurusdcm jo:motoka odokkc ngok lcdulo gvmvnmotok.

JO:N 10:27

Ngok bera sobenkvdv:dc ngok gomugcm tadkindag, odokkc ngo bulum kindag, odokkc bulu ngok lcdulo gvmvndag;

JO:N 19:17

Cdcmpila bulu Jisumc gvbokang, odokkc bv moro:pc gvlenkang, Bvk avkc kurusdcm jo:bomla, tukku kulong mo:tak cmnam mo:takdo:pc, okodcm Hibriulo Golgota cmna ludagaji.

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

ROMANKVDVNG 6:6

Ngolu kindagjc ngoluk aku amvrdcm Bvk lcdulo kurusdo pvtketo odomvlojen pa:b kanc amvrdcm momvgmosvgycpc cmna, odokkc ngo cdvlosin pa:blok pagbopc ima:dopc cmna.

ROMANKVDVNG 8:17

odokkc ommangcmvlo, odomvlo lcdupc pa:pcdopcnc, Ru:ncpvnckc lcdupc pa:pcdopcnc odokkc Kristokki ajonpc pa:pc dopcnc, Bvk lcdulo:dan ipusire:ycm pa:mvnpa:yc cdcmpc ipcnanammc jc ngolusin Bvk lcdulo amin gvmvndopc.

1 KORINTIANG KVDVNG 15:31

Ngo lura lurasula ludung, bvrrangkvdvng, ngok nolukkolo bottapc mc:sunamdc okodc Kristo Jisukolo du:ji ngoluk Ru:tumbv, ngo longgcm longgcm sido!

1 KORINTIANG KVDVNG 8:13

Cdcmpidag, donamdc jodi ngok bvrokc imur lcga:pc ido, ngo cdvlosin adincm doma:yc, ckvma:mvlo ngo ngok bvrodcm domurmoncpc idag.

1 KORINTIANG KVDVNG 9:19

Kapila:nc ngo appv:tani:lokkc mopvtdaggom, ngo avyc appvngkcpc pagbopc isuto jc ngo bojcyangko mopvla:dopc cmna.

GALATIANG KVDVNG 2:20

Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

GALATIANG KVDVNG 5:24

Odokkc cdc sc:kobulu Kristokcpc idagji Jisukcjc adin amvrdcm kurusdo pvtketo odok mc:nam sagnam dc:mang.

GALATIANG KVDVNG 6:14

Ckvdaggom Ru:tum Jisu Kristokc Kurusdokma:pc ngokkolokkc cdc amin gvnamdc mo:tcngka:langka, odokkci rcngamscm ngokkcpc Kurusdo lvgto, odokkc ngo rcngamsokkcpc.

PILIPIANG KVDVNG 3:10

Jc ngo:jen Bvm kinycpc odokkc Bvk sikolokkc turkunamdcm, odokkc Bvk du:g gvnamdcm gvtc:mvnna:ycpc, Bvggvngkcmpc imvnpc Bv sikolo,

PILIPIANG KVDVNG 3:7

Cmpige:la ngo oko okodcmci avpc pa:tonc, ngo Kristokc lcgangc yokkang cmna kvtobong.

KOLOSIANG 1:24

Su:pak ngok ipusire: pa:namlo ngo noluk lcgangc mc:pobadusudo, odokkc ngok adinno ngo Kristokc du:g gvnamdo okodc pv:ramdoji pv:modo Bvk amvrdok lcgangc,

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

2 TISSALONIANG 3:11

Kapcnc ngolu tadbegdag jc nolukkolok akke lo:silo:bagla turdung, cmmumpc ager germonampc ila du:nckkc, oko agercmsin germa:pc.

TITUS 2:12

ngoluk dormo kama:n appv:dcm odokkc mo:pvsok aima:pc mc:namsagnam mcpakdopc luyirdag, odokkc ansv:n asin gcla turra du:dopc, dormokala, odokkc so mo:pvsok dormokanc turnamko turla, ngoluk akirba:d pa:nam toya:dcm toka:la du:la,

HIBRIUKVDVNG 13:13

Cdcmpidag kajc ngolu Bvkkolo:pc dungkumsula dungkodokkc moro:pc gvlenkai, odokkc Bvk ipusire:namdcm menrasunamdcm menrasulai.

1 PITOR 4:1

Odokkc odcmpila Kristobv adinamvrro ipusire:ycm pa:la, nolu av avyc cdc mcngkamdcm mc:sutoka, kapcnc sc:kobvi adinamvrdo du:gcm gvtonc pa:bcm mcpaktokubong,

1 PITOR 4:13

Cmpige:la su:paklo:pc nolu Kristokc du:g gvnamdcm gvmvnna du:g gvnamdcm mc:pobatsutoka, jen nolusin Bv cdvlo lenyckunc odo mc:pobatsuycpc odokkc mc:poycpc.

2 PITOR 1:14

ngo ngok amvrdcm gcpaksunamc airu:pc lomna:yam, kapc ngoluk Ru:tum Jisu Kristobv ngom lcngkantoji.

1 JO:N 3:16

Odokki ngolu aipc mc:namcm kindag, jc Bvk turnamcm ngoluk lcgangc tolvgto; odokkc ngoluk turnam kvdvngcm bvrokvdv:dok lcgangc tolvgpa:do.

LUNGOR LUNAM 2:10

No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.